九龍城區 - 各間中學 AL 及 DSE 入 U 率 (2/7/2013 更新)

憫父

香港培道中學的資料：

按學校發放的 DSE 成績顯示，升讀專上教育課程的比率是 96% (其中 30% 為大學學位課程)

並無列明升讀本地大學學位課程的比率。

資料來源：http://www.pooito.edu.hk/PooiTo/PDF/examresult/HKDSE2012.pdf

cmvfamily

賽官立校風麻麻，但又考得唔錯；我對基道不大認識，對B2尾生來說，填第幾位較好呢？一

憫父

回復 cmvfamily 的帖子

揀學校確係折磨，極令人忐忑不安。
基道校風唔錯，學校對學生要求高，唔俾學生放棄，成績唔好既學生，學校會要求佢地去功課班，溫書溫到六點至淮走，學期尾考得唔好，要入暑假溫習班，學生驚無暑假放，會好博，唔敢唔讀書，唔返的話要留班，開學要響放學後留低溫習，補返無去暑假溫習慣班既時間。

有無交功課全部用電腦紀錄，無交功課要去禮堂午膳，然後做功課，由中一到中六都係咁。

家長如果驚子女放學唔知去邊，佢地逢一、三、五有五升級同學會，家長可以安排子女參加，響禮堂做功課做到六點至放人。

憫父

我記得有次想去佢地學校門口等放學，睇佢地D學生表現，但四點幾都無咩學生出黎，我問佢地一d學生，佢地話，學校大部份學生都係五點幾或六點走，因為要補課、參加溫習班或者去五升級同學會。

cmvfamily

回復 憫父 的帖子

你對基道認識相當豐富，你認識有人在基道讀書或教書嗎?基道是否比賽馬會官立好呢?

憫父

我果頭得兩間中學，一間係顏寶玲，收學費，一間係基道，津貼，所以好留意基道。

憫父

佢地星期六都返學，去到麥當勞就可以問吓佢地d學生。
賽馬會唔響我附近，所以唔清楚，過意不去。

憫父

貼錯了文，對不起！自行刪除內容。

憫父

更新了何文田官立中學的資料：提升本地學位 + 副學位的數字，及海外升學的數字

資料來源：http://www.hmtgss.edu.hk/hited/h ... 11-2012/content.pdf (第 5 頁)

TracyC

我去基道小學 網看升中派位 斬係十零個上 回 中學 ?  咁 升上中學 的其他 學生 來自那小學 呢  ?

憫父

回復 TracyC 的帖子

據我所知，有兩間基道小學，一間係灣仔堂基道小學，響油麻地，一間係基道小學 (九龍城)，響樂民村。如果你講係派位派入的話，你多數係去左唔係一條龍果間既校網睇資料 (即係油麻地果間)。

我估九龍城區既官津中學，學生來源多數都係九龍城區小學。呢兩年，我幾個朋友既囝囝同囡囡，一個響油麻地天主教小學讀，一個響培正小學讀，一個響牧愛小學讀，都派左去或叩門入左基道中學，佢地話係班主任叫佢地揀，佢地都有小學同學一齊入去讀。

不過我估九龍城區間間官津中學既學生來源都係差唔多。

yovin

      
Thank !                                                                                                                                                                                                                 

憫父

昨晚看拔萃男書院的校務報告，他們沒有公報 dse 的成績及中六學生的升學資料，但在校務報告內提到下列事項：

The overall public exam result was satisfactory and on an average every student can achieve four subjects with level four or above. However, the university dream of several students was upset as they didn't pay sufficient attention to the hurdles in the core subjects. Greater effect should be paid to alert our boys in the following terms.
資料來源：http://www.dbs.edu.hk/administration/DBS_AnnualReport_2011_12.pdf (第 16 頁)

全份報告，只有這幾句是直接提到學生的 dse 成績及 入 u 的情況。

註：
謝謝網友的提醒，之前的備註對男拔有點主觀，欠缺持平，現刪除有關內容。

憫父

回復 文仔媽 的帖子

喇沙在官方網頁內沒有公佈有關資料。

他們在官方網頁內只擺放了前年 2010 - 2011 年校務報告，但沒有擺放 2011 - 2012 年校務報告。
(資料來源：http://web.lasalle.edu.hk/eng/school_plans_and_reporting.html)

ManU

我想應該是"平均每個學生均能有4 科取得平均 4 級或以上的成績"

憫父

回復 ManU 的帖子

噢！我還以為是每一位學生都可以在四科取得平均四級或以上的成績。

若我沒有理解錯你的說法，即是有些學生未能在四科取得平均四級或以上的成積。

噢..........再重看原文，應該是我釋譯錯了。謝謝你的指正！

憫父

加入協恩中學的資料：

該校有 97% 入讀本地及外國的 tertiary institutions。
資料來源：http://www.hys.edu.hk/common/school_reports/report_11_12.pdf (第 6 頁)

憫父

最近，有一位朋友給我一項資料，他從一位培正老師口中知悉，培正上年的 JUPAS 入 U 率是 50 - 60%，英文科 9 成學生取得 LEVEL 3 或以上，10 名學生入讀醫科。沒有 0 分生。

朋友說資料的可信性高！朋友表示 50 - 60% 是 JUPAS 入 U 率，並不包括自資大學課程。

註：培正沒有在網頁及校務報告內公佈過這些資料

eva007

What about 英華please? Thanks!