HLYIS各類提問

紅紅

請問有冇人知上學同放學的交通情況, 會否好擠塞? 因為進出都要先登記, 而入面d路都好窄小 ... 現在諗緊校車接送定自行接送好 ...

另外有冇人知第一個學期學費及capital levy係幾時交? 仲有係已俾了deposit同debenture, 不過學校只寄了收據, 冇其他資料, 唔知幾時會收到其他入學資料呢?

除了學校網頁list出來的收費, 仲有冇其他雜費呢? (校服以外)

Many thanks

Aprmum

上學同放學時，學校門口係唔比泊車，因為要留番d位停校巴。無論你將來自行接送定搭校車，當你小朋友入讀後均可到接待處填表，由學校代你向管理處申請＂學童接載証＂，並放在車頭當眼處，在上下課時入屋苑可由住戶通道入，只需取票，無需登記。但管理處通常要成兩個月先出到張証。。。

學費同 capital levy 會在開學後用電郵發單收取。通常6月中學校會出新學期資料（係學校綱頁及電郵）

基本上無任何雜費，但如果有outing 就會另外收費。其實學費包同唔包咩係學校網有有詳細例出，你可以睇下

cpmummy

回復 Aprmum 的帖子

晤好意思， 我都想問下那$15000的reservation fee 係晤係會係第一期的學費内扣返出來啊？
我考累緊他們的kindergarten但想計下要比幾多錢

Aprmum

Reservation fee 係無得退還。

babyboom2010

想問下係咪冇考試，中文程度如何?nursery 收幾多人，收生標準，謝謝！

Aprmum

冇考試,但每個 unit of enquiry 完成後會有評估，學期終時會有一份報告包含班主任，中文老師，音樂老師及體育老就小朋友表現的觀察結果。

中文教繁體，每日有一堂，用本地小學課本，但用低一年級的課本。中文程度如何，其實非常視乎家長如何跟進。

Nursery ~~ 約24 個小朋友一班

Aprmum

收生標準：基本上要求小朋友及其父／母能以英語溝通。但有少量學額留比唔識英語的學生（例如：歐洲），收生與否會同時考慮該年級的男女生比例以及種族比例等。

詳情可參照學校網頁
http://www.hlyis.edu.hk/admission-policy/

babyboom2010

Thanks aprmum, 我好期待新學年，去過兩次，我好鍾意d老師，希望小朋友可以在愉快環境中學習，發掘自己潛能。我覚得自己的小朋友很幸運被選中。

紅紅

Aprmum,
Thanks for your reply and information.

紅紅

Aprmum 發表於 13-4-17 11:26
上學同放學時，學校門口係唔比泊車，因為要留番d位停校巴。無論你將來自行接送定搭校車，當你小朋友入讀後 ...

我想問, reception class係咪同primary school 都是用同一課程?

紅紅

babyboom2010 發表於 13-4-17 23:28
Thanks aprmum, 我好期待新學年，去過兩次，我好鍾意d老師，希望小朋友可以在愉快環境中學習，發掘自己潛能 ...

我覺得HLYIS的收生係好有彈性, 好睇個別家庭情況, 我好滿意佢地的interview, 感覺佢地真係有了解清楚每個家庭同小朋友的情況做決定, 而不是好機械式的group accessment, 只看小朋友臨場表現 ...

我老公第一個去參觀的, 佢回來已讚不絕口, 佢話連佢自己都想入去讀, 到我同囡囡去interview, 囡囡都喜歡到不得了, 仲同校長講see you tomorrow, 當佢知到唔可以即刻返學時真係好失望, 我們同佢去另一所IS佢完全冇呢種反應的 ...

Aprmum

基本上學校係預左幼稚園學生會直上小學，所以課程上銜接唔會有太大問題。

Aprmum

BTW, 我朋友d小朋友去好多學校面試，一係唔出聲，一係狂喊，唯獨去到到HLY 能開心面試。我都唔知校長同老師們有何魔法，但事實就係咁。

紅紅

Aprmum 發表於 13-4-18 08:13
BTW, 我朋友d小朋友去好多學校面試，一係唔出聲，一係狂喊，唯獨去到到HLY 能開心面試。我都唔知校長同老師 ...

講真, 小朋友年紀小, 都唔係好明咩叫面試, 對陌生環境有猶疑都好正常, 所以真係好講面試者點誘導小朋友, 我囡去另一間面試, 就一大班小朋友跟住個樣子頗嚴肅的老師入課室, 氣氛極之緊張, 有d似我以前第一份工去果d accessment day, 唔係個個小朋友受得了! 就算我等我囡都等到好緊張, 學校又冇安排地方比家長等, 咁d家長就散播係操場行行企企, 因為當時我拿住電話玩, 有個office 職員見到就問我係咪影相, 我已話唔係, 佢仲要繼續責備式咁話唔影得相, 因為d家長唔鍾意云云(但我都講咗唔係影相, 點解要教訓我?), 感覺真的不太好!

至於HLY, 老師校長們真係笑容滿面同小朋友講嘢, 又會問我囡囡同我分開會唔會喊, 之後老師就同我囡講同佢去周圍玩(好似去冒險樂園咁), 攪到我囡不知幾興奮, 佢地出咗去好耐, 事後老師同校長講因為我囡玩到唔捨得走, 所以就同佢玩耐d而去長咗時間 ... 所以我真係覺得HLY的師長好了解兒童心理同好有愛心!

Aprmum

回復 babyboom2010 的帖子

我都覺得好幸運，小朋友好喜歡上學，連放假都問住幾時可以返學！

Aprmum

回復 紅紅 的帖子

Nursery 果邊咁多嘢玩，當年我d小朋友都玩到唔捨得走！

babyboom2010

好鍾意圖書館和草地，仲有大量陽光，帶草香的空氣，太美好了

紅紅

Aprmum 發表於 13-4-18 21:12
回復 紅紅 的帖子

Nursery 果邊咁多嘢玩，當年我d小朋友都玩到唔捨得走！

我唔知有冇同佢去nusery果邊, 因為學校係想access佢應該入reception or grade 1, 我自己冇參觀過校舍, 因為預約參觀當天, 阿囡病咗, 所以老公一個人去, 我只去了另一天的interview ... 小朋友唔捨得走一回事, 不過又難得老師肯陪佢玩耐d, 所以覺得佢地好有耐心, 我都好興幸佢地收咗我個女, HLY係我地first choice, 之前早d見的另外2間一間waiting list (2nd choice), 一間reject了(last choice), 因由表面睇HLY係優勝d, 所以都怕HLY會唔收, 好彩面試後的一天學校就email同打來話收阿女, 真係好開心!

紅紅

babyboom2010 發表於 13-4-18 22:17
好鍾意圖書館和草地，仲有大量陽光，帶草香的空氣，太美好了

環境一流, 設施好之餘有冇商業味, 係學習的好地方
我老公去完一次後, 話如果可以的話, 佢想自己入去讀埋一份

Aprmum

回復 紅紅 的帖子

你令我回憶起當年的面試，又係好快通知收唔收！最愛這種效率，折磨少了家長