又一村學校 vs 九龍塘禮賢

瀅瀅媽咪

各位媽咪:

九龍塘禮賢收了我囡囡k1(pm), 請問又一村學校同九龍塘禮賢, 如果有家長的小朋友現在讀緊k1, 可否比D意見我呢?

謝謝!

llong10

Hello!我的兒子在又一村學校k1,讀得開心,這學校給我印象唔錯.而禮賢給我的印象亦相當好,不過去年面試唔收,我的看法是禮賢有私立小學,你入去幼稚園可以平步青雲,我朋友的女兒讀禮賢小學,今年6年級,升band1中學差不多8成,真餘只是band2,沒有band3,成績個個都好,不過當中付出的有:一定要屋企幫到佢,如教做功課等,而且學費2600每月,計埋校車膳食課外活動差不多4000,可能我講得太遠,不過這些是考慮因素,希望小小愚見可幫到你.

瀅瀅媽咪

hi,

多謝妳的意見, 其實禮賢收了我囡囡, 只是想聽聽妳們的意見, 心多多, 唔知選邊間好. 我今week會交留位費的, 希望冇選錯la.

thank you.

fat-ping

瀅瀅媽媽
上網看香港電視台１月２５日春風伴我行妳自有答案．

Woon-Woon

瀅瀅媽媽
我同你都係一樣，心多多，事實上很喜歡又一村的校舍夠大，而且有外藉教師，並兩文三語的課當較多，不過我的心水學校仍是禮賢，淨係睇下有幾多人報名已經有答案，再睇埋llong10的回覆，更加不用考慮

瀅瀅媽咪

Woon-Woon:

妳小朋友讀上午還是下午呢?

Woon-Woon

瀅瀅媽咪,

禮賢收囡囡讀下午, 明天註冊時會遞信試轉上午, 不過我唸機會不大
又一村收上午, 你呢? 唔知我哋既小朋友會唔會做同學仔呢

Anita_Lee

hello 各位,

我個仔都讀緊禮賢, 唔好話我賣花讚花香, 我覺得個仔係呢度讀書好幸福, 所有老師都好好好好好........, 佢地只會鼓勵學生, 唔會指責, 令小朋友充滿自信, 幻想力豐富, 致於有d人話程度比較淺, 你地自己問心想小朋友有一個o羊o既童年? 使唔使o甘快就好似小學生活o甘? 何況我覺得佢o既程度係ok 架, 另外上午益話下午我覺得唔係大問題, 我個仔就係讀下午班, 好處多的是!!

Allie

hello!  我今日都去左禮賢交留位費, 不過重十五十六.  因阿b而家返緊間屋企附近的幼兒園都好好. 唔知好唔好轉, 怕阿b唔適應.  但禮賢有小學又好吸引.

其實你地點解咁鐘意禮賢呢? 聽講佢程度較淺, 第時考直資or 私校都不是太著數呀, 對嗎?

Woon-Woon

Anita Lee,

多謝你的分享, 我非常贊同你的講法, 至於讀上午或下午, 如果可以選擇的話當然是上午比較理想, 但我相信主必會把為我和囡囡最好的安排給我們, 如果可以的話, 請告知你認為讀下午班的好處, 也許我可從中學到如何分配時間

Anita_Lee

我覺得讀下午O既好處係我自己個人意見, 唔知適唔適合你地:

第一佢一定有充足O既睡眠, 我唔使產佢起身, 亦都唔會趕唔切搭校車, 舒緩大家O既壓力

第二, 溫習時間會比較易安排, 有時間教課外野, 因為時間分開左兩段, 上午 & 放學後, 放學後就做學校比佢O既功課, 第二日朝早, 就安排佢做少少課外功課, 時間上沒有連灌, 小朋友會覺得好快完成, 基本上如果讀上午班, 時間只會用O黎午睡, 我個仔連呢樣野都戎埋, 時間多好多

上午因為無人比佢問功課, 令到我個仔係自己完成課外習作, 可訓練獨立性, 自己解決問題, 又或者要佢唔識O既自己漏空, 我都會好容易知道佢唔明D O羊, 仲可以養成佢良好o既習慣 -----就係先做功課後玩(因為佢每段時間都係先做功課, 後去玩)

甚至上午呢段時間可以安排其中一日一個小時O既補習或課外活動

大多數朋友仔都係番上午, 所以上午唔會有人同佢玩, 令到佢好專心完成我O既習作

可能我講完之後, 你地都唔覺呢d係好處, 不過我真係覺得時間好好用!!

TSUNTINGMA

讚呀!

Anita_Lee

其實你地點解咁鐘意禮賢呢? 聽講佢程度較淺, 第時考直資or 私校都不是太著數呀, 對嗎?

程度較淺呢個問題, 我覺得睇O下自己點睇, 你去到邊間都會有學校深過你O個間, 要比較都好多有得比, 睇O下你要D MUD? 我自己覺得一般幼稚園O既程度, 自己都可以HANDLE, 基本上每個家長都可以教倒, 問題係你想佢有一個點樣O既生活習慣同群體生活, 我覺得禮賢O既好處係佢好培養小朋友係閱讀圖書方面, 另外就係個人品德, 獨立性, 表達能力, 學校會好著重呢幾樣, 佢係學校番到屋企, 你會覺得佢點解會懂得O甘多野, 呢D係書本未必學到O既, E家好多學校都會注重課外知識, 而呢D野係由好細個去培養會比較好, 程度我想係指教幾多個中文字, 教幾多個英文字又或者數學教到邊度, 係我心目中呢D野佢遲早會得, 問題係你點樣從細去開發佢個腦, 你引領佢去思考, 呢D先係最重要!

以上順屬個人意見!!

akinawong

想問問大家這兩間學校是否要公佈了收生結果啦!
我星期一才報名又一村學校2005K1，真是很喜歡校舍和設備，26/2レinterview，唔知有冇機

Allie

Anita Lee,

多謝你的回應.  其實因為我有兩個小朋友, 而家佢地一齊返學好開心, 所以要同阿細轉, 我都要諗好多野.  如果不是要考慮小學問題, 我也不會幫阿細轉.

我地只係考左一間幼稚園咋就係禮賢啦.  因其他就算收了我也不大算比佢讀, 所以無考.  諗住唔收or只收下午就不會轉校了.  點知又好好彩考到上午.  而家post上來問其實係想搵多d support而已.

多謝你, 因你講的就正是我最想要的.  我實在怕那些填鴨仔幼稚園, 我只想搵間著重德育及靈性培養的學校, 看來禮賢已附合哂我要求.  而家只差在點同阿細過度到新學校了.  他跟我說不要與家姐分開呢!

Allie

akina,

我相信禮賢已完成了收生程序了, 不過你可打去學校問問有無後補位.

[quote]
akinawong 寫道:
想問問大家這兩間學校是否要公佈了收生結果啦!
我星期一才報名又一村學校2005K1，真是很喜歡校舍和設備，26/2レinterview，唔知有冇機