各位媽媽, 你係幾時覺得囝囡係發展遲緩?

chi_ma

我囡囡11個月大, 未識爬, 未有意識想行, 只可挨住企, 不過企15秒左右就坐低.  唔識拎奶樽飲奶, 唔識用飲管飲水. 食固體野最叻咩都食, 不過都未識用手拎野放入口食.  智力方面鍾意玩躲貓貓, 識玩拉繩玩具, 不過唔識將杯中物件取出/放入.  未識簡單指令e.g. 比, 拜拜, 拍手.  社交方面, 鐘意笑, 叫佢名時識擰過來望你.  唔知有無發展問題....唔識train佢.

因為大囡咁上下大時都做到以上既野, 而細妹似乎好多樣都無意識. 如果有意識但力不從心都還好, 不過佢係無意慾.  我有d擔心.  係米要等1歲健康院檢查至知?  等姑娘決定是否需要寫紙至可以有專業跟進?

Hopesforlife

如果你有懷疑就可以早些回健康院要求跟進。你亦可到兒科專科醫生到睇，如果佢覺得你囡有問題，佢可以幫你寫傳介信到醫院跟進。我見囝囝5個月時有問題時已帶佢睇兒科醫生。唔好等，因為再排期又要幾個月，如果可以負擔起的話，你可以到「領思」睇下先！

joeyk715

我係4個月時發現佢遲緩, 跟住健康院姑娘話等佢6個月大時再返去跟進,  發現真係遲, 就安排做評估, 到10個月大時排到做評估, 再confirm 真係遲好多, 就排物理治療同職業治療... 到而家佢2歲半, 讀緊s位...

我經驗係有懷疑就快d去check, 如經濟能力許可, 就去搵私家or自費去檢查, 唔好等政府, 因為唔係好嚴重既case , 可能要排9個月先有服務... 早d知早d開始治療, 情況可以差好遠, 同埋有多d時間準備小朋友黎緊既學習安排, 因為呢個真係政府至會有提供全面教育安排

chi_ma

我想請問咩係S位, i位, E位. 係米學校讀架?  另, 咩係ST,PT,OT & PST?

打去協康會青蔥計劃, 話就算第一次評估都要等半年, 而第一次訓練係評估之後既半年.  即係 1歲有問題, 2歲至開始治療!!  真係太耐啦. 而家我係米應該儘快去睇c+兒科拎轉介信, 跟住去排衛生署兒童體能智力測驗中心, 之後等政府跟進呀?  唔好意思, 我無從入手, 唔知要做咩先, 唔知要去咩機構.

Hopesforlife

我在青蔥未有做評估就直接開始訓練。由於我揀weekday，排咗2個星期就有位直接做職業治療。至於物理治療，我就帶佢去領思私人做。其實到時治療師就會直接幫佢評估。至於其他位，其實要排好耐。所以如果可以帶佢去私家到睇下先，攞多d意見都好。有需要，你可以PM我。

professor_king

我地跟hopesforlife 做法差不多，找醫生轉介。

kingbbsam

我係11個月時發現, 去領思做評估, 之後一歲返健康院開始密切留意, 一歲半轉去智力體能中心(政府), 兩歲多開始密集訓練