小一入學Profile/ Portfolio的內容/封面

gwengwen

我都係自己做, PS + Powerpoint, 以下分享一下, 不要見笑:
姓名, bday, 讀過既學校, 加張最開心醒目既相就係封面。
List out參加過咩活動 - 正規的, 持續的 - 切忌比學校睇到周身刀無張利, 咩都三分鐘熱度。
個人認為證書多無用, 特別既(例如皇家音樂學院考試證書 - 最好唔係僅僅pass, 校際音樂節, 校際朗誦節, 大比賽如普師會朗誦比賽, 亞洲鋼琴公開賽等)先放落去, 因為坊間而家咁多比賽, 唔係咩cert都放落去有用。
最後嗰版係我自己寫封信比校長, 呢頁純個人發揮, 越真先越有用, 個人經驗我哋見既學校校長係有睇我封信。
其餘版面, 加插佢哋既成長相片 - 最好笑容, 玩得開心嗰啲, 由BB到K2/K3都有, 因為我想展示我個女係在愉快中成長。