中學生暑期有乜活動？

oscarmama

以前小學仲可以安排阿仔學呢樣學嗰樣，報吓康體署活動，去吓宿營，但係而家中學，叫佢去宿營同戶外活動佢又吾肯去，學校又無乜活動，如果留响屋企實打機同hea到死。
各位過來人可以教吓路嘛？

安格斯媽媽

我仔剛相反小學咩野都唔參加，又停到補習社，他剛跟我說大考後本來補五天改三天補習，但暑假要改回五天，找點寄托，升中後深了自己在家懶惰所以依賴補習社迫他幫他，對他來說是好，不會自動自覺做功課，只對電腦，但在補習社很快做完還可以預習，仲可以早少少起床。但其他活動他不會參加了。

smallfoothk

如7-8月份,初中學校有升級温習班,中五中六日日要番學校

lily199011

Overseas camp.

Meikin

暑假溜溜長, 去遊學都只可以佔暑假數週, 阿囝鐘意運動嗎?可以安排佢參加一些運動(平日開學後沒時間參加的), 一來可以健體, 二來出一身汗, 總好過全天候對著手機或電腦.  如不愛運動, 嘗試找些佢一直想學或有興趣想試的活動, 例如學電腦程式.

我家孩子對打波較有興趣, 這暑假打算找教練給他們指導吓table-tennis, 另外參加一個3日4夜的中山的table-tennis訓練團, 自己一家人去吓旅行, 其餘時間叫他們兩兄弟打吓網球, 跑吓步, 買些高達模型在家砌吓, 再每日做少少買回來的英文補充, 睇吓碟............都好忙了.  其實佢哋重想學功夫, 但未揾到邊度可以學.

黃巴士

Meikin 發表於 13-5-17 16:43
暑假溜溜長, 去遊學都只可以佔暑假數週, 阿囝鐘意運動嗎?可以安排佢參加一些運動(平日開學後沒時間參加的), ...

我囝中學都要返2星期3小時學.  以前小學時佢好期望一班同學/朋友一齊去CAMP, 可能小五六至中一期間, 校內外都去了很多LOCAL CAMP,  所以唔願去.  我囝都係打開兵兵球, 之前JOIN的球會散灑.
依家真的很難找好&有HEART的球會, 私鐘又覺昂貴. 唐突問句, 請問可否PM我, 你的兵兵球會資料??  我都想JOIN返中山打吓波.

oscarmama

Meikin 發表於 13-5-17 16:43
暑假溜溜長, 去遊學都只可以佔暑假數週, 阿囝鐘意運動嗎?可以安排佢參加一些運動(平日開學後沒時間參加的), ...

我仔都有田徑及劍擊校隊要返學練習，一星期都有4個半天返學，星期四、五仲未有着落。最近佢話想學打鼓，而家幫佢揾緊。

Meikin

回復 oscarmama 的帖子

咁你囝都唔係好多時間淨, 單是返校練田徑已去了大半天, 回來也倦了, 餘下半天睡下午睡, 聽聽音樂打下機, 看下書, 好快就過了, 如果再去學埋打鼓, 回家多加練習, 時間都好易打發.
我大仔暑假都是逄一三五上午回校練田徑, 以去年所見, 他回來後都好累, 所以我都沒有安排太多的活動給他, 只著他多看課外書, 認真地練下小提琴, 做些自己喜歡但平日又做不到的事, 好讓他真的可以relax一下, 因為九月一開學後就真是一浪接一浪, 除了聖誕假可以好一點外, 一直忙到6月月大考後.