本帖最後由 Parisienne 於 13-5-1 09:32 編輯
我是啓小幼K3家長。
之前有不少家長個別pm我分享經驗,現在我將資料copy and paste , ,整理一番,希望可以供大家參考 :
總括來說,小女在啟小幼是愉快學習的。
老師有愛心,例如K1開始時,我囡無端端唔想返學,原來茶點食得最慢,有壓力。老師立即同我商量,將份量減半,重點是鼓勵佢有返信心,而唔係叫家長train佢在家食快d。好快我囡就開心返學。一個月後,當我以為件事結束,老師再call 我跟進,話阿囡今天主動食完全份茶點,而且不再慢吞吞了,叫我返屋企讚佢做得好!
結果,小囡學會了:吃東西太慢要別人等是沒有禮貌,太快又唔健康會哽到,速度適中就最好。
所以我覺得,學校尊重每個小朋友的差異,並採取積極正面態度。
學術方面啟發性強,主題教學,要求小朋友自己觀察思考找答案,我本人覺得很好。不著重抄寫,所以家長要知道自己想點,如果要操fit學術寫字,請不要讀啟小幼。
例如今年K3 十月才教小朋友寫自已中文名,有好多都K2尾已學了來應付小一面試。但啟小不太隨波逐流,強調書寫不宜太早,K3才真正訓練。但我想話小朋友其實進度好快,到K3十一月頭我囡由無乜寫字到一下子要抄寫「我喜歡音樂....地球村裏朋友多....我有富足的生活.....香港有很多設施..... 」而且下學期開始寫週記。
英普中每日都有,語言方面尤其普通話我好滿意,K2已教拼音,小囡有信心大胆講,相比K1一個字都唔明唔講,進步神速,兒歌朗誦拼讀無問題。英文都唔錯,小女懂得轉channel。不過要知道啟小幼不是國際學校,學生之間依然慣用中文談話,但班中有三位混血兒,我女見他們都只說英文。有教phonics ,不過spelling方面鬼婆不會太捉對錯,只管叫你有信心放心寫,然後再糾正。所以如果你要求正統串字一百分的教學,啟小幼又不是你杯茶了。
數學進度就一般,相比其它會慢,K2有學單雙數、五和十倍數。K3上學期只有十以內的加數和減數。相比有學校已教雙位加減、...啟小可以話慢,睇你要求。數數就到100,順序倒序。有去supermarket用20蚊買東西。K3下學期有簡單中文文字題,如哥哥有八個橙,分兩個給妹妹,一個爸爸,還剩多少.....
K2開始出去,參觀公園、交通城呀咁.....
平日課堂有show and tell,要小朋友習慣出來present,不過是要學生自己主動參加才會講,你唔參加就無,家長亦睇唔到。所以如讀啟小幼,又想孩子多練練上台膽量,要在外找機會。生日月要上台表現等。初時怕羞的會兩三個人,多咗幾次後小朋友都有信心自已一個。但每間學校都有其長短處,如你想給孩子多上台表演經驗的話,就必定失望:例如,家長可能期望小朋友在幼稚園期間一定多多少少有些什麼可愛的聖誕新年表演呀、甚至K3畢業典禮表演呀等⋯啟小幼都是沒有安排的。這是我作為用家有點失望的地方,因學校一向是強調活動教學,讓孩子建立自信,可惜一年卻只有一次每人數分鐘的生日月份才藝表演,那時學生才有學習上台的機會,但家長並沒有被邀的,所以你只會在intranet看看相片而已,亦不會有video之類的安排⋯
K1每班42個,雖然加了班主任,但你考慮是否太多?小女那年才32-34人,我都覺得好limit。老師有很多training機會,有人話老師流失多,但教我女的又無走。只是K2英文老師返加拿大,轉了另一個,但新的以前教開cambridge,比舊的更好更多分享,所以我唔介意。
啟思小學是私立,可以參加大抽獎,近年轉了IB 競爭加劇。但幼院學生不是直升,只是優先,今年好多都無收。
今年小一戰況激烈,但小女有幸都有六間收,雖然不是什麼名校,但戰績我個人來說很滿意了。
當然,亦有不少考入名校,和全軍覆沒的同學。所以其實好睇運氣、個人性格和家庭配合。
希望大家找到一間和小朋友配對得好的學校。
|