想問吓大家覺唔覺我小朋友有問題, 而家25個月大

Piggy-Baby

想問吓大家覺唔覺我小朋友有問題, 而家25個月大

佢本身唔容易喊, 好多時由床鄧跦落地, 反車都唔會喊多個5分鐘, 6個月住醫院食藥打針掹豆都無喊, 睇親佢嘅醫生護士都話佢好堅強。佢好多時都唔要人幫, 要自己做, 就算細個學轉身, 轉唔到佢都唔會叫, 要自己, 所以佢學嘢好似好快咁。

佢未夠5個月已經識得轉身去攞自己想攞嘅嘢, 6個月已經可以訓醒自己坐喺身玩, 12個月學識自己行一個星期就已經跑，未夠歲半佢已可以自己上落樓梯，所以好多時d人以為佢3歲, 因為行得好穩, 手腳好靈活。

佢好鍾意音樂, 可以企喺商場半個鐘睇人彈琴, 唱歌或者跳舞。

佢記性幾好, 睇過我地做一次佢就識做或者去過一次嘅地方佢已經記得

佢好似唔係好合群, 會揀人嚟玩同應, 有時d人叫佢, 佢望一望之後就擰開面行咗去。返playgroup有時都會唔采老師同同學。

佢唔肯講嘢, 識講嘅嘢都唔多, 見咗健康院姑娘, 而家安排6月見醫生。因為見姑娘嗰日, 姑娘同佢講嘢佢暗住隻耳, 又係咁同姑娘講bye bye。姑娘問佢嘢, 佢又亂咁拍。但係平時唔會咁嘅。

Vichang

好難介定係咪唔妥，咁佢有冇自轉，玩車轆？識手指指未？

llam1210

似佢唔喜歡啋人啫。你叫佢名會唔會先抬頭看你才玩自己的？定好似聽唔到唔理你叫佢名？

Piggy-Baby

原帖由 Vichang 於 13-03-23 發表
好難介定係咪唔妥，咁佢有冇自轉，玩車轆？識手指指未？

成日自轉，不過有音樂時先會，鐘意玩車轆，呢輪買咗架自動火車，佢要開著望住架車訓。識手指指好耐喇。所以佢好似係又好似唔係。

Piggy-Baby

原帖由 llam1210 於 13-03-23 發表
似佢唔喜歡啋人啫。你叫佢名會唔會先抬頭看你才玩自己的？定好似聽唔到唔理你叫佢名？



  ...

佢一定會采我，係有時其他人叫佢佢唔應，有時直頭唔望拉我地走。返咗8堂playgroup, 都唔采老師，但走是有揮手said bye

idak

我初初都以為個女有望我，醫生話要有眼神接觸，我先開始留意，當捉住佢個頭迫佢有眼神接觸囡囡係眼球勁轉，點都唔望我！

wilyun

最好就係評估左,唔使自己估,佢唔講野,只要佢明白你講乜,又做到比你睇,就已經唔算有大問題!!呢個時期好多小朋友都LIKE音樂架喇~

llam1210

Idak ,我女又係咁。你點訓練佢？我都唔知點算！

wilyun

但我個仔都係,捉住佢個頭就會抗拒望架~反而你同佢講,叫佢望住,佢就會望住~或者,每次你想佢望住你果陣,你叫佢望住你個鼻鼻或咀咀喇~都OK架~