請問老師時常針對性對待學生，應與老師爭論？或是忍氣吞聲？

Mami_mi

請指教

哈里波特

可以討論, 但不是爭論.  優點缺點, 見仁見智.

小女一年級時老師認為佢太naughty, 成日舉手但無條答得準. 但小二時老時話佢creative, initivative & helpful. 其實我認識自己的囡囡, 都同P1老師的睇法一樣 naughty.

DoReMi媽媽

哩樣真係好難講! 有啲老師真係唔話得, 莫講話"話"佢, 連客氣同佢商討都好似得罪佢咁, 表面上同你講到好客氣, 樣樣有商量, 轉頭就揾你個小朋友嚟鬧, 最後就係自己個小朋友受罪! :evil: 但有啲老師就好好人, 我兩種老師都踫過. 其實你可嘗試同其他同學o既家長聯絡, 問吓其他人係唔係真有針對小朋友情況存在, 另一方面問吓其他家長對該老師o既認識同評價, 如果個老師可以傾o既, 咪同佢商討吓囉! 如果唔係, 你就要諗清楚點做la.

cameo

咁可以先同老師傾吓有冇改善先囉,有時一開始就好似"指責"咁,最後受罪都可能係小朋友...可以直接同老師反映吓你小朋友對佢評價,俾佢"針對性指責"有咩感受,or可同佢講你小朋友係比較接受邊一套囉,,,我都相信有小朋友可能"鬧會定d",有d就永遠係"受軟唔受硬".....
我自己個女係讀緊k3的,我都不太鍾意今年的班主任的,雖然佢唔係針對我個女,但佢會鬧班中的男同學,更話"男仔係曳d",我都有聽過男同學家長投訴佢的,但我自己都唔鍾意佢咁,因佢俾錯訊息我個女,我都同個女講左好多次"男仔唔一定曳d,男仔係活躍d,好動d,唔可以咁叫曳的,亦唔係男仔一定曳的",不過我個女都係每次答我"x老師話男仔係曳d o架~~"
不過我好同意你"追究"件事,始終返學時間唔開心,好影響佢學野的,不過用邊一種方法的好,都唔可以俾小朋友覺得你係為佢"出番啖氣"啊,小朋友太聰明了,知得太多,將來事無大小都"說老師不是",咁重麻煩啊!!

Mami_mi

哈里波特 寫道:
可以討論, 但不是爭論.  優點缺點, 見仁見智.

小女一年級時老師認為佢太naughty, 成日舉手但無條答得準. 但小二時老時話佢creative, initivative & helpful. 其實我認識自己的囡囡, 都同P1老師的睇法一樣 naughty.

這位男班主任態度主觀，力數我兒的不是，
我曾向老師說出，我兒子近排已經沒有欠功課，
頑皮行為還是要慢慢改進，但老師說他一點改進都沒有，難道頑皮的學生便不可給他機會嗎？ :cry:  :cry:

Mami_mi

[quote]
DoReMi媽媽 寫道:
哩樣真係好難講! 有

Mami_mi

[quote]
cameo 寫道:
咁可以先同老師傾

小飛俠

我有次參加K.3兒子個家長座談會，席間有位家長(女人)問個老師話佢個仔做啲功課寫啲字都好靚，咁點解仲係啲字度圈出來表示唔正確，嗰刻我諗個女人會唔會膚淺咗，而個老師動機係乜?無錯自己啲仔人永遠係最好嘅，但自己會唔會盲目咗?離題小小講多句而家啲小朋友咁接受唔到挫敗，係唔係我哋為人家長者直接或間接而做成?
歡迎交流

Ms.ChanChan

MAMI-MI,

試下再同老師坦誠傾下，好謙虛向他請教一下作為家長的你可以做些什麼來配合他，再請教一下這位班主任覺得你兒子在那方面需要改善，怎樣改善，可否共同訂下一個目標，逐步改善？

另一方面，同兒子坦誠傾下他被"針對地指責"的感受，問下佢有無諗過點解老師要針對佢，覺得自己改善了些什麼，在哪方面可以再做好些？用紙筆記錄下來。 若果覺得兒子很不開心，害怕老師，害怕上學的話，不妨跟駐校社工談談，聽下專家意見

DoReMi媽媽

Mami_mi

我好明白你o既心情, 但我比較好彩(好彩係因為我唔知咪冇煩囉)係因為我到小朋友畢業禮時先知道我個小朋友已經受咗一年苦(因為有其他家長話比我知, 嗰個所謂老師所做o既嘢簡直唔係老師所為), 我同我老公當時心如刀割, 個心痛到唔識點形容, 但我哋決定唔追究, 因為我個小朋友當時只有K2, 如果我要追究, 無可避免我個小朋友要出嚟對質, 我唔想再要佢諗番起唔開心o既嘢, 過咗去就算! 但後遺症就係佢好小會主動講嘢我聽, 佢怕我會同佢老師傾, 到時又累咗佢! 但我可以好肯定話俾你聽我絶對冇同佢o既老師有任何爭論, 只係好閒話家常講幾句客套說話, 但都令我小朋友受咗一年苦!(係其他家長睇唔過眼話俾我知, 因我冇乜去學校, 所以佢哋都揾唔到我, 只在畢業禮碰到) 我而家講起都仲好嬲! :evil:  :evil:

flowerglassy

各位不要搞錯老師故意針對某學生和善意批評。兩者對學生的影響是完全不同的。請勿要求學生盲目接受針對性的惡意指責，這樣只會令學生對學校失去信心而跟本不能提升水平。善意批評講俗D就叫塞錢落你袋，可以終生受用，可以令頑石點頭。請家長小心分辦。有沒有老師針對某些學生，答案是YES。被針對那些學生跟本連改過的興趣也失去，結果就係放棄，越來越差。也有很好的老師真正能扶學生一把，那種力量是很大的，很少學生面對真正愛護他們的老師而仍不改進的。

ox

肯定有呢d事, 好似我個女, 讀一年級六歲, 佢雖然讀書唔叻, 但起碼人格無問題, 但佢有一日, 忍唔住喊話被老師"屈"佢"蝦"同學, 仲係好嚴重咁警報佢!
我好小心咁問佢, 有冇呢件事, 問左10次, 但佢都話冇, 都唔知點解老師要咁嚴懲佢, 其實我一早知呢個老師成日打電話話我個女成績唔好, 冇得教, 好惡教... ..........呢d說話, 而我個女在學校都時常被某d同學"蝦", 佢係被人"蝦"o個個.
呢個老師除左打電話畀我之外, 仲係個女"全班同學"面前講呢d咁既說話.
我忍唔住打電話去學校為個女平反, 但老師一味只係答"知道", "係"完就算, 根本無道歉佢"屈"我個女呢件事.
我有諗過投訴校長, 最多唔讀呢間學校, 但個女話好煩, 好唔開心, 叫媽咪唔好再搞大件事, 老師已經好唔開心. 經過呢次, 呢個老師唔知係咪懷恨在心, 仲時常針對我個女.

我已經成日安慰個女, 我真係好想向校長投訴, 但個女好識諗, 叫我唔好再煩, 我話轉校, 但個女又唔想. 話除左呢個老師係咁衰, 其他都對佢好好.

唉! 今日佢又畀o個位老師鬧佢好惡教成績唔好.........., 其實我個女唔係咁差, 佢學校d試卷係深左d, 佢做其他學校的試卷做得不錯;
我又試過去幫佢測試IQ, 因為我都覺得佢讀書集中力差了一點, 想辦法幫佢改善, 但結果佢有成140. 專科醫生話佢係資優兒童, 佢係唔適合呢d傳統學校讀書, 但醫生也強調叫我不用擔心, 她漸漸長大後, 腦部發展會比其他同學讀得更好.
我真係好想幫個女轉校, 因為我覺得佢開始對讀書無信心. 但佢好硬頸, 死都唔轉. 搞到我同佢依家都好唔開心....., 希望大家畀d意見...............,

同埋, 我想問大家係點樣幫小朋友重搭信心, 因為佢上次中文測驗(內有4頁半紙)不合格, 寫字太慢,  看題太慢, 做不完......對呢科佢開始唔想讀, 失信心..........

ox

TO Mami_mi,
我都好似你咁, 我都有向o個位老師解釋, 女兒是怎樣的人. 她雖然讀書不好, 但並不是壞學生..... 試問一個六歲小女孩又會壞到什麼地步, 但這老師答完知道就算, 上次家長日, 一味說女兒成績怎樣差............我向她請教一些教學問題, 她全不回答, 只是一路說女兒成績怎樣差...., 我真是給她氣死, 在她心中, "成績不好=不好的學生", 仿佛標籤了這位學生, 永不給她翻生之日.
最好全部學生不用老師操心, 不用她教, 全部合格, 不惡教, 就符合她的心意, 她就會滿意你.

KWT

ox,

有沒有想過為女女轉校?她現時讀小一,若已被標籤為成績不好=不好的學生,那會對女女性格成長影響深遠,不能忽視.

DoReMi媽媽

ox

你女兒IQ測試既有140而醫生又評定為資優兒童, 你就要好好為女兒打算. 因為一般資優兒童在傳統學校上課會比較吃力, 而老師亦不懂怎樣引導和教導資優兒童, 長此落去只會令你女兒挫敗連連, 一厥不振. 不妨往資優兒童討論區看看其他BK家長有何建議, 就算轉校亦要找一間適合你女兒的學校, 好似有一些學校是為資優兒童而設立.

TWMa

ox:
你或許真的替女兒選錯了學校.
有些老師自己沒一套好的教法、不懂如何引導學生學習, 卻只會嫌學生及向家長投訴的.
通常智力較高的孩子, 對過於重複性、機械性的學習, 會很快失去學習動力的, 妳如無法短時間替女兒轉校, 建議妳每天撥點時間重新教一部分她現在正在學習的內容--- 用活潑、生活化一點的方式引導她, 不要責難、盡量鼓勵.
很難在這裡說明怎樣的教法叫做具啟發性或有趣生動的, 不過, 有心的父母透過不斷的學習, 一定可做得到, 並使自己的孩子受惠.

小寶貝

由 ox 於 2005-01-25 02:22:44
仲係好嚴重咁警報佢!
  
唔係嗎, 個老師唔理小朋友小小心靈受到傷害. 邊間學校.

我囡囡小一時都試過比老師針對, 成日同個接放學的補習老師投訴, 跟住又會係我面前投訴囡囡 & 補老師. 我有問過其他老師對囡囡上課的評語都唔係甘差.
有一次老師很武斷的指控囡囡的功課小不是由囡囡做, 是由補習老師. 及后個老師有道歉. 但係嬲到我老公話最多轉校.
好彩今年個老師無做啦, 真係要還神.
有時可能真係人及人緣.

ox

TO all,
很多謝你們的意見.
我每當想起那個老師的行為真令人氣憤, 好多時令我覺得個女好可鄰, 我也忍不住喊, 試問一個六歲小女孩怎樣承受得起, 我時常想, 為什麼她要這樣時常用言語 行為....等等來"蝦"一個小孩??  我都認為自己係揀錯學校, 我不想說她讀什麼學校, 以免影響了她的學校生活.

我也試探女女, 但她只說是讀書辛苦了點, 但其餘也沒有什麼問題, 我也試問她對這個老師印象, 她說時常記得老師"鬧她的模樣", 一說到這樣, 她便不開心........, 根著我問她喜歡轉校嗎?  她很懂事說每間學校也有"這些"老師,除了這個, 其餘的尚對待她不錯, 她暫時不想轉校, 她很想讀這間學校.


TO 小寶貝,
我女兒上個月也試過被老師質問她為何功課改善了, 不過她沒有回家即時說給我知道, 因為她怕我會生氣老師這樣對待她, 而沒有說出來, 我只是過了一個月後才知道.

我覺得個女開始唔願意講d唔開心既事被我知道, 唔知係咪我迫得佢太緊要, 但係我只係想關心佢, 怕佢被人"蝦"而屈係個心入面.
所以, 我暫時也不對她說轉校的事情, 以便影響她, 因為女兒常常說, 我不要再問她這麼多問題, 她不懂回答, 她已很煩惱..............., 我暫時觀察她吧, 由她自己決定, 但如果情況轉壞, 同時, 如果她的成績還沒有多大改善, 因為我發覺她沒有信心把不合格的科目讀好, 我想我不會理會她的感受, 也會幫她轉校的.

小寶貝

ox
我覺得轉唔轉校問題唔係甘大.
好似舊年針對亞囡的英文老師教得唔夠生動, 重要成日教訓亞囡, 個女當然係無心機聽書啦.
今年那個就唔同, 亞囡話好鍾意上英文堂, 因為那位老師用故事書來教, 亞囡聽完會用中英文講番60%比我聽, 成績進步左

你個囡囡話齋邊間學校都會"這些"老師, 甘識諗你都應該好安慰有個女甘懂事, 我個女比較幼稚, 成績就中中地, 我就真係放假都從無叫佢溫書, 因為佢一放學係補習社, 我都覺得好慘啦. 我一D壓力都無比囡囡, 亞囡成日講學校的事比我聽.

chichima33

ox,

邊間學校?老師變態真的對小朋友學習影嚮好大. 我以前P1的班主任都係, 佢叫siu老師我很憎她, 不要讓我再見到佢.

ChiChima