本帖最後由 Joechengck 於 13-3-19 11:50 編輯
其實唔需要太神化這類學校,反而用平常心去面對這類學校嘅面試,可能會有出人意表的結果! 就我兩年前帶囝囝去這類學校面試經歷,想同大家去分享一下。 講一講我囝囝先,我囝囝是: 1. 屋村保良局幼稚園畢業 2. 有讀普通話但冇考任何公開試 (即係冇KPCC…) 3. 有讀英文班但冇考任何公開試 (即係冇Cambridge/Trinity試…) 4. 有學鋼琴但冇考任何公開試 5. 有學游水但冇參加任何比賽 6. 有學繪畫兩年但畫得很差,到現在八歲還是畫火柴人… 7. 冇參加任何朗誦比賽 8. 非世襲生同沒有宗教背景 (Group 4 type) 9. 現就讀SPCCPS小二,同時保持全班頭五名,有得上台拿學業獎! 當年我帶囝囝考咗十三間小學,有八間收了囝囝,當中包括SPCCPS, DBS, YW, TSL, FSA…. 其實我哋只要用心去教子女,我個人覺得唔需要比壓力要囝囝考咁多試,我一直都相信只要老師同校長比機會同囝囝面試,就應該知道我囝囝嘅特質是否適合這間學校! 我平日只係用多D時間同佢溝通,從而訓練佢說話嘅能力同技巧,就算同陌生嘅大人都可以講半日,除此之外,我亦都教佢唔好怕醜、要有禮貌,等佢知道有禮貌先至係一個好孩子,就夠了! 係冇壓力嘅程况下去面試,令囝囝放鬆心情去應付,結果可能會出人意表! |