到同學家裡過Term Break

Tommy

小兒在英國就讀Year 10，分別有香港同學和英國本地同學邀請他到他們的家裡過Term Break or Half Term, 其實我唔係好識點樣處理，您地有無這些經驗？
我明白去本地人屋企過地道英國生活會有好多體驗，但真係唔知點計數，大家同學老友鬼鬼，人地盛意拳拳未必會收錢，但唔比又好似………

此外，還有什麼禮儀要注意？

Taimum

錢當然照比，我覺得佢地可能唔收，我會擔心家庭背景，佢地有幾熟，了唔了解D同學！

dizidizi

原帖由 Tommy 於 13-03-10 發表
小兒在英國就讀Year 10，分別有香港同學和英國本地同學邀請他到他們的家裡過Term Break or Half Term, 其實 ...

我覚得人地盛意權權很難拒絕，除非令郎不喜歡跟同學們一起相䖏啫，你當然可以跟一般host family嘅價錢計算，收唔收係佢問題，當然人地不是要賺你嘅錢才邀請一起渡過假期啦。小朋友交往必有嘅禮貌，而且令郎亦有令人喜歡及受歡迎的之䖏，這是他的福氣呀!如事者，佢同學來港，你們也可以招呼番佢地囉，大家有來有往囉，又或者買番D小禮物送番比同學囉。

teresat

如果去英國家庭住，臨走時最好寫一張thank you 卡给同学的家庭，感謝他们的招待。
祝你兒子有个難忘及开心的生活体验！

Pudding331

我以前都試過~ 同學叫我去佢地屋企住 Exeats / Half Terms
我會買盒 Chocolate & Wine 俾佢地父母，其他佢地afford到讀boarding school就已經唔係講錢，係講心，覺得你一個人係外國好lonely..
而且去到幫下手開飯呀做家務呀咁就okay架喇~

Taimum

我都有同阿仔講，其實我怕去到host family啲學生無乜野做，寄宿家庭有無節目比學生呢？阿仔應該唔可以自己外出？

Pudding331

Taimum 發表於 13-3-11 13:12
我都有同阿仔講，其實我怕去到host family啲學生無乜野做，寄宿家庭有無節目比學生呢？阿仔應該唔可以自己 ...

佢幾多歲，如果未到 Sixth Form 就唔建議出街，你唔驚人地都驚，有咩事人地都唔知點算…如果去住 Guardian 度通常 half term 呢D長既假會帶佢出去 (最少都會去 shopping)
如果 Exeat (都係1個weekend) 就較小出去...
如果住係同學度，感覺更 relax，人地做乜你就跟住做乜~

Taimum

回復 Pudding331 的帖子

如果有同學邀請佢，我都會比佢試試，但佢初到貴境，遲D先算啦！

Pudding331

Taimum 發表於 13-3-11 16:31
回復 Pudding331 的帖子

如果有同學邀請佢，我都會比佢試試，但佢初到貴境，遲D先算啦！ ...

剛去到通常都係去 Guardian 度 :)

CPU1995

我阿大都有幾個同學在倫敦有物業，不過1個時常帶女同學到那裏過夜，另外2個就鐘意飲酒，所以就算阿大同他們熟落假期都唔比他到同學屋住。

Taimum

回復 CPU1995 的帖子

所以一定要同阿仔保持溝通，先知佢D同學情況！其實阿仔有兩個朋.都喺UK，係兩姊弟，佢都有問用边間guardian,問可唔可以一齊，但係唔同校，會唔會困難D呢?

Tommy

好多謝大家的意見呀！綜合您地的分享，大概應該首先要均均真真，提出付費留宿，除非對方婉拒。其次要識做人，送些手信、小禮物之類，還有心意卡、感謝卡，留宿期間要幫手做家務等等。               

當然更重要的考慮是安全問題，同學是甚麼人？是否獨居無王管？閒時佢地會有甚麼活動、會做咩野？可能呢D先至係最要考慮的問題，亦都係最難作的決定。

我講過送細路去外國讀書係好高風險，其實亦都好難決定邊D野可以做，邊D唔可以做；管得太嚴又無左留學給予他認識自己認識世界的機會，管得太鬆又擔心佢出事。
       
我的信念是，如果佢要壞，百密一疏，佢遲早都有機會學壞，一個人愈遲學壞就愈麻煩。所以佢臨飛之前，我叮囑佢，您大個仔喇，您去到咁遠我管您唔到，您要對自己的行為負責。我地之間有默契、有互信、互相尊重，但同時存在風險，我只能期望佢自己生生性性，珍惜得來不易的留學機會。       

我都唔知咁樣好唔好，所以要聽聽大家寶貴的經驗和意見。


       

HKdevil

My girl went to her frd for exeat, i just let her.no payment offered, no card nothing just asked my girl to say thsnks to frd parents.

Half term is a bit long but if her frd invites her, i will still let her go. Offer payment is a insult, they are just being friendly. Maybe chocolate is enough.

Tommy

回復 HKdevil 的帖子

其實早前我仔都去過一個香港同學的親戚家裡過Half Term, 都係無比錢、無手信、無卡。佢親戚開薯仔舖，佢同同學都有幫手批薯仔，落舖頭抹檯清潔等，禮尚往來，都唔算白住。: 又係一種體驗，佢係屋企都好似未批過薯仔。

我叫佢自己判斷，佢先最清楚個情況，有時我地介入太多反而愈幫愈忙。不過都想知道去英國人家中留宿要注意什麼禮儀。

hkparagirl

Tommy 發表於 13-3-10 22:34
小兒在英國就讀Year 10，分別有香港同學和英國本地同學邀請他到他們的家裡過Term Break or Half Term, 其實 ...

其實英國人請同學仔去屋企 half term 係好普通，佢地吾收錢架，你最好就係在第日由香港返去時帶 d 特式香港或中國野比佢就可以，佢地都想小朋友half-term在個伴，我個仔以前都成日被邀，有時佢地會帶麻佢出去食同玩，比 d ££ 佢地帶去，出去食野嘗試自己 pay, 就可以了，可以同對方講話我自己 pay food, or ticket.  有時佢地會叫幾個同學仔一齊去住，所以有錢在身，可看其他人點做就跟大隊，我個仔話如果有 大人通常都吾洗比，但如果人地同你出去，你想買野都吾洗人比，佢地中意去玩比小朋友買紀念品架:D

梁媽媽

呢個 topic 好好,大家先諗一下, 日後遇到咁既情況, 都識得應付!
(我意思係...我地家長識得點應付, 嘻!)

Pudding331

HKdevil 發表於 13-3-11 22:39
My girl went to her frd for exeat, i just let her.no payment offered, no card nothing just asked my  ...

10000萬個同意！果D同學唔係講金的呢！

hkparagirl

Tommy 發表於 13-3-11 23:15
回復 HKdevil 的帖子

其實早前我仔都去過一個香港同學的親戚家裡過Half Term, 都係無比錢、無手信、無卡。 ...

佢地好興 sleep over, 只須問下人地洗吾洗帶睡袋就可以了。