激我地你會好開心咩?

totheend

Ahling2004 發表於 13-5-27 09:32
長期的壓力及唔開心, 令我身體終於出現左問題. 剛剛BODY CHECK, 話我有婦女病.  依家的我要好好調理身體,  ...

Ahling, 這樣就對了!

愛自己多一些, 關心自己多一些!

有點好奇, 既然你兒子有吃有住, 有得打機就過到日辰, 那他還有甚麼是需要問你的? 現在是你老公煮飯給他吃嗎?

他不會覺得自己打機是錯的, 也不會覺得看低自己的父母是錯的, 當然不會認錯!------現階段他還沒有受過挫折, 怎麼會體會到父母的愛心和良苦用心呢!

你只是剛剛行出第一步, 不要希望這麼快就有效果.------也許, 要很多很多年後, 他才會有反思呢.

我要是你, 我會著重於重建自己的生活, 不再為這個孩子憂心. 當你自己成為一個樂觀, 健康, 時尚的現代女性的時候, 你的個人魅力才能令他引以為豪! 否則, 無論你如何為他好, 他只會覺得你是個長氣, 脫節, 管頭管腳的煩人c9.

suemei

不要太動氣，身體要緊。教養是一件漫長工作。比個air time自己。
能夠陪他走過，就要想想辦法去做得開心D。
有時見一些母親手機不離手，玩online game 仲投入過亞仔，孩子讀書、親子關係都無問題，都好羨慕。
我老公都係大細路，周不時開D日本動畫、偵探日劇，一齊睇，行下玩具舖、一齊砌模型，有個共同興趣，起碼傾起計黎易D。不過他們讀書就唔太enjoy啦，有時我都覺得有仔的媽媽要玩得，又要有好多energy. 或者用另一個角度去睇D男仔對電子產品的狂熱，可能好D！？當然要同用家約法三章，所以前期建立溝通關係好重要，適時比個反應。係就係，清楚表明你的立場。佢達到你地共識的要求，就要比番佢想完成的事，唔可以囉嗦。至於人的價值觀要從小培養。

CHIULHJ

Ahling,
希望你保重身體，重建新生活(如 totheend 所說的)!

Ahling2004

回復 totheend 的帖子

我係在職媽咪, 老公都係有工作在身. 平時我一收工要趕回去煮飯. 怕來唔及煮飯,我會叫個仔煮, 講明佢唔煮: 大家都無飯吃. 佢平時除了吃及要零用錢之外,又真係無咩特別需要我地. 除了心情好少少講些學校的事比我地聽之外,大多數都係一個人係房打機, 不問世間事. 總之,我一問佢的學業及勸佢打少機之外, 佢就起哂鋼. 佢知平時我係公司已好多野做, 日日回來已好累, 佢都唔體諒. 最唔好就係唔將父母放在眼內,睇少我地. 好像依家咁, 佢明知我唔開心及對佢冷淡,都當睇唔到, 最多就借的話同我講一句起二句止.
總之, 依家我的心真係好痛, 每當想起佢的激動行為,我都好想喊. 真係唔明點解佢係咁.

黃巴士

如果沈迷打機到咁, 係咪要"再"搵社工傾呢???

chun媽

原帖由 Ahling2004 於 13-05-28 發表
回復 totheend 的帖子

我係在職媽咪, 老公都係有工作在身. 平時我一收工要趕回去煮飯. 怕來唔及煮飯,我會 ...

現在身體好了點沒有?
個仔是否態度依舊?

EMS

我細個父母管得好嚴，乜都唔比，初中時趁父母返工我都係咁打機，日日打都唔悶，好鍾意同朋友傾電話傾好耐，再大啲覺得佢哋唔好再管我，於是成日頂咀，online通頂，對住父母講嘢又粗聲粗氣，好忟。越唔比我做我越要做，出嚟做嘢越來越反叛(但無學壞)，直到有日，玩到半夜，家人等我番到嚟唔出聲又無哦我至去訓覺，我突然醒咗，其實佢哋都關心我，開始有啲內疚，我就無咁惡。
小朋友大個咗，就覺得唔想父母一開口就反對自己啲想法同行為(雖然有時知自己咁唔好)，而家我做人父母，講嘢都要學下說話的技巧，先扮到喺佢立場度諗，之後再講自己感受。
無計，我細個係咁對父母，仔女再大啲到中學應雙倍還返比我，我都要學定點冊招

KKKK

子女的心和父母如何可交流？明白父母对你的担心？

ppchan168

一般男孩子，都要等自己有了仔女之後，或者是等老豆老母死了以後，才能明白當年的父母恩！所以，只可以安慰你一句，等你死了之後，孩子自然就會好了。如果你明白這是定律，你就能夠心平氣和了。

至於男仔沉迷打機，絕對是父母無知的結果。皆因對於男孩子來說，電腦遊戲堪比毒品，一旦嘗試，就會上癮。全世界的線上遊戲供應商都發過豬頭，就是一個好證明。

為了孩子健康成長，家長不妨考慮把家中電腦打爛以明志！20年前青島海爾電器的老闆，當著員工面前，打爛一些洗衣機次品（其實可以低價賣掉的），表明公司注重品質的決心，成就今天全球家電王國。近日股價還創歷史新高，PE才10倍左右，厲害！

gl

你又知唔知我哋啲青年人讀書己經好辛苦，星期一至星期曰都要溫書，又多測驗考試，壓力好大，打機就係我哋抒緩壓力嘅好幫手。你哋啲家長做咗好多嘢，我知，但可否俾小小選擇權俾我哋呢？而且你哋理得太多，反而會覺得你哋太煩，一見到你哋就如同見到死對頭咁。所以話，你哋D家長根本唔明。點先可以friendly 地理下我哋？其實好簡單，只要鼓勵下我哋想做嘅嘢，覺得唔好就俾建議（唔好🔥），並互相討論一下，冇一定嘅對或錯。大家和平相處就👌。（我兒子寫的）

gl

唔係激你哋好開心，而係覺得你哋好煩。要同佢哋相處就要佢當你係朋友，咁樣佢哋會將你哋D建議聽入耳

gl

以上說話是我兒子寫的，並不代表我的立場，我就來俾佢激到嘔血

gl

以上說話是我兒子說的，並不代表我的立場，我就來俾佢激到嘔血

kilykilyk

gl 發表於 14-1-4 22:49
你又知唔知我哋啲青年人讀書己經好辛苦，星期一至星期曰都要溫書，又多測驗考試，壓力好大，打機就係我哋抒 ...

適當用打機嚟減壓就無話啫!!現在係講緊唔做正經事而沉迷打機,懶理學業

chun媽

kilykilyk 發表於 14-1-4 23:26
適當用打機嚟減壓就無話啫!!現在係講緊唔做正經事而沉迷打機,懶理學業

又有多少年青人能適當地打機????

kilykilyk

chun媽 發表於 14-1-5 21:33
又有多少年青人能適當地打機????

所以做父母就要配合

gl

現在的學生真係好多籍口，昨天我正在看這個貼子，剛好個仔在旁邊看到了內容，即搶左我手機來發表佢的所謂「偉論」
明明打機不對，還作出一大堆道理出來

skkeung

回基本，為何沈迷了打機！那部份做錯？

chun媽

原帖由 ppchan168 於 14-01-03 發表
一般男孩子，都要等自己有了仔女之後，或者是等老豆老母死了以後，才能明白當年的父母恩！所以，只可以安慰 ...

ppchan 168,我好認同你的看法，現在的小朋友，能自制的，相信不多，你之前在不同的post, 以自己打機的經歷警惕家長，我都引以為戒，
.
不要下下同小朋友講`人權 自由', 他們的自制力弱，只會濫用自由。
我記得你寫過，大意是叫他們等下，考完DSE,入左大學才打機吧！我都有把這段內容比亞仔睇，叫他忍下手。