激我地你會好開心咩?

Ahling2004

回復 Ahling2004 的帖子

SET左都係廢. 唉~

Momiumo

原帖由 Ahling2004 於 13-03-05 發表
謝謝各位.
佢不斷用咁的態度, 令我唔想同佢講野, 有少少心灰意冷對佢.

AhLing, 不難感受到你愛錫兒子，卻遭兒子不領情，還不斷對坑的那種傷心無助，因為我們都為人父母，很能切身處地想像你的處境。你說兒子十五歲了應該懂事，應該明白你對他的緊張是出於愛，但其實我想，他是真的不明白。不明白他病了很不舒服，回家睡了兩個小時，精神好一點又有點悶，所以想打一會機輕鬆一下，你卻一進門便哦他要休息，那是關心他的表現。他不明白大人不停跟他說要勤力讀書，讀書才有前途，但讀書又難又悶，讀了書還不是一個打工仔，每天上班做到下班，為什麼他不應及時行樂？他不明白你這麼愛他，為什麼要日哦夜哦迫他溫習那些他討厭的科目。他真的不明白⋯⋯

那你應該不理他了嗎？讓他天天輕輕鬆鬆作愛作的事才算愛他嗎？當然不！

試想你每天做著沉悶的工作，上司不停說你做得不夠好，不夠快，你有什麼感受？雖然不好過，但也咬緊牙關做吧？因為要生活，是嗎？但如果你只是賺錢買花帶呢？那可能你便會立刻辭職不幹了，對罷？

要你的兒子明白你的感受，先決條件是你也要明白他的感受，然後用適當的方法，對症下藥。不想兒子對坑你，不是要你多忍讓，而是要多稱讚，多鼓勵，幫他找出人生的方向。他有了目標便咬緊牙關去面對難關，否則一有不如意便會辭職不幹了。你明白了嗎？要努力呀，我相信要教好兒子便是你的目標，不要放棄呀！

Ahling2004

回復 Momiumo 的帖子

係. 我同意你的分柝, 耐何有時真係好炆,見佢的態度,行為,不顧一切地去浪費時間, 思想無目標的周圍遊, 我真係好忟及唔開心, 又點會讃的落口.  我明白鼓勵及讃賞對於一個無目標的青少年來講係好重要, 但係佢的反應及行為令我精神緊張.
呢頭答應我會抽時間去溫下書, 那頭又忘記的一乾二淨, 打機就係佢的目標, 對人亂花脾氣及覺的父母煩都係佢的專利.
只可以講句, 做大人的唯有邊撞枝,邊受氣,邊學說教. 棄對我來講係無可能, 只可以講要放鬆心情, 放慢步伐,令自已心情唔好長期處於緊張狀態.

kcimum

phoebepanpan 發表於 13-3-5 21:17
早前聽鄧靄霖講座，一件事講得好岩，時代不同，我地以前是清埸做好功課溫好書，才看TV，玩，但佢地生於Y世 ...

我仔動作同你仔一樣, 帶住headphone, 坐定定係度望住個screen
我仔都係打minecraft或上youtube睇人打/睇片有時睇到d好笑既片都會同我sharing

phoebepanpan

YOUTUBE, MINECRAFT 係我仔至愛, 好笑既片成日叫我睇, 我話冇佢咁得閒

佢近來仲同表弟一齊拍MINECRAFT 片放上YOUTUBE.

1773

我明白你嘅痛心，幾年嘅反叛期，賀爾蒙嘅影響，可能係佢自己都控制唔到自己㗎，就當佢病啦，過多一兩年賀爾蒙唔再作怪，佢就會好㗎啦！唔好灰心，加油！媽媽，加油！

Momiumo

回復 Ahling2004 的帖子

我明白，孩子無心向學是最令父母頭痛的問題．對著不聽教又態度差的子女，要保持自己心境平和已經很難，還要找地方稱讚他，聽起來真的像不可能的任務！其實一開始那對我來說，也是超級無敵勁難的！

雖說我的兒子還算聽話，但他也不是那種會自動自覺溫書做功課的類型．他從小由袓父母照顧，我因為平日不能幫他溫習，所以每到星期六日便會特別緊張，幫他溫書教他做project，還想帶他上山下海多作運動．他那慢條斯理的性格，常常浪費了很多保貴時間導致時間不夠用，這往往令我十分急躁，不停敦促他要快快快．．．．．．曾經，我的兒子為此不想放假來跟我同住．我好言相勸又試過，威逼利誘又試過，他就是不肯見我．最後我失控透過電話大駡他沒良心，說我工作多累多辛苦也願意放假幫他溫習做功課，現在他反過來厭我煩不想見我！我把壓抑在心裡的情緒一次過發洩出來，還叫他不想來便不要來好了，我自己也有很多節目．．．．．．放下電話我大哭一場，真的決定不逼他了，希望他有天會明白到我的苦心，會自動自覺來找我．我想，為人父母，你能想像我當時的感受罷．

等了一個星期，一個電話也沒有，我若無其事地打電話給他，他終於答應放假如以往一樣來我家溫書．幾星期後，我好像朋友閒聊一般提起此事，問他知否我為何會發那麼大脾氣，他竟然說不明白我為何什麼會如此傷心，他只是因為真的很累不想出門，還說看到我的反應很驚，很怕我會繼續駡他．我聽後才驚覺，我們成人以為理所當然的道理，無論我們說多少遍，小孩子有時真的還是會不明白．其實，我們自己也不完全了解他們，又怎能要求他們理解我們呢？我們明知子女怕我們煩，我們不也是常常控制不了要去哦他們？

你明白他為什麼會不喜歡讀書，只喜歡打機嗎？是因為功課難？是因為同伴影響？是因為沒有目標？你一天找不出原因誘導他，他自己更難改變．他除了打機，還有什麼興趣或強項他是有信心的？我的兒子也喜歡玩Minecraft，我沒有阻止，還和他一起玩其他益智電腦遊戲（他真的很醒，常常嬴我！）．他不但能從中學習到有用的知識，更因此和我更加親近．記著，要對症下藥，而不是像我以往那樣，一味逼他做自己認為對他好的事．凡事以他的角度出發，你便較容易理解他的真正需要．我知道很多道理知易行難，我也在一步一步學習，大家一起努力罷！

1773

突然間又諗到啲嘢....介唔介意睇下我嘅創作?
媽媽：我上課時突然覺得好唔舒服，好辛苦，話比你知，想你即刻嚟安慰我，點知你話工作中走唔開，叫咗阿爸嚟。你平日又話世界上最重要嘅係我，原來工作比我重要。阿爸可以即刻嚟接我同我睇醫生，雖然在不停哦我，但佢陪住我呀。你放工仲唔即刻返屋企，我都冇話想食麵，唔好話為我而去買，又入我數！返到屋企問候都無句就閙我打機，你知我等咗你成日嗎？你開口埋口就係話我呢樣唔啱果樣唔對，可唔可以齋同我傾下偈？

1773

原帖由 1773 於 13-03-08 發表
突然間又諗到啲嘢....介唔介意睇下我嘅創作?
媽媽：我上課時突然覺得好唔舒服，好辛苦，話比你知，想你即刻 ...

你哋都愛對方，但可能有盲點，平心靜氣齋傾偈啦！愛，要著跡地表達㗎，我哋女人都要人氹啦，其實人人都要㗎！

Ahling2004

回復 Momiumo 的帖子

謝謝!
我個仔又唔係非常不喜歡讀書, 佢就係懶散, 不專注. 好多野都係是是但但. 佢上左F4係讀文科, 佢對中,西史好熟,好有興趣, 有時佢會座係度同我地講足1-2小時世界歷史比我地聽. 佢講的真係好生動. 但是佢就係那種我行我素的人, 老是講: 我唔會為上大學而讀書, 都不是要賺錢而上學, 更加不會為上大學而去補習.... 唉, 無耐.  

黃巴士

有時囝囡一句頂撞父母, 父母真係好難受.  但有時, 佢地一句關心(買開嘢食, 你食唔食呀?? 媽咪鍾意食ED. DAD果電話壞左, 唔知整返未??  DAD出左TRIP做咩咁耐至返???........), 就好窩心.
嘗試去諗D囝囡好嘢去蓋返D唔開心嘢.
原諒他們的撞口而出, 講俾佢地聽要收歛脾氣......  終有一日佢地會明白的. ADD OIL.

Ahling2004

THANKS ALL!

alvinsiu2012

那一刻, 你一定很痛心了! 把這番說話寫在一張漂亮的card上, 連同你以往照護他 時的點滴時光, 和你對他的祝福與期望來感動他吧! 這個反判期做父母真的很要很小心, 多溝通讓他知道你也有感受吧! 我覺得這也是一個很好的機會讓他學懂“同你心”啊!

bighinhin

原帖由 Ahling2004 於 13-03-05 發表
孩子:昨天學校打來話你發高燒, 病左,通知你要回家. 媽媽已心急如火, 公司又唔可以臨時請左假, 就叫你爸爸回 ...

一個未成熟青年, 一個未做過人父母的青年, 加上這個電子世界 . 不要當他會明白你所做的一切, 平常心吧 ! 試下不要叫停, 給他玩多一刻, 如果你說停, 他就停 . 世界上就沒有那麼多爆血管的父母, 總之不是得你一個人走這樣的路, 還有你我他及千千萬萬父母是這樣. 家家有本難念的(驚 ).

Ahling2004

我只係想佢不要亂發脾氣, 試下理解下身邊人的感受; 好想同佢慢慢去傾, 他總是一句起二句止, 再加一句: 係咁架啦,又唔係我一個係咁.   糾正他的錯誤, 他總要大聲過你: 咩呀? 令你難受到唔想再講落去.  係佢心目中根本已標誌了父母是無用的, 沒有說服力, 所以你點去關心, 鼓勵,忍讓,說教都係無用的, 因為佢有佢自已一套. 正如上面家長所講: 就當佢有病般來看待及照顧. 咁我的心理上會舒服的.

26102007

我個仔都係咁，真係好無奈

Ahling2004

好恐佈的新聞 " 打機打到殺左自已父母", 睇完個心好唔舒服, 好害怕及恐佈. 幻想有朝一日會唔會發生在我的身上.  好想乘機同個仔籍事去分柝及勸下佢不要過份沉迷打機. 佢只係答左我一句: 我又唔係打那隻機. 之後就唔出聲啦.  
明知打機已令佢越來越孤獨, 不理學業都算, 又唔出聲,又唔講野, 日日係間房.  作為的父母係唔係真係可以做到:  等, 忍??
仔仔: 你可唔可以座底同我地好好傾下? 我真係好願意掉低父母的身份, 好好想同你多些溝通, 明嗎?

1773

原帖由 Ahling2004 於 13-03-18 發表
好恐佈的新聞 " 打機打到殺左自已父母", 睇完個心好唔舒服, 好害怕及恐佈. 幻想有朝一日會唔會發生在我的身 ...

不如今個周末，唔好理考試測驗默書，同佢去下郊外行下吖！

sbb3

好無奈. 我姪仔都沉迷打機. 考試唔讀書. 屋企掉了陪電腦就去同學家打. 話吓又發脾氣. 真係好無助.

Ahling2004

好多人都話只要家長放低身份,多些溝通, 多些好似朋友似相處, 多理解時下佢的心. 其實一隻手掌係打唔響架.  正如上面JM講: 等, 忍及當佢有病就算啦.