夠竟幼稚園係咪真係會影響入邊間小學??

Wishhavebb

請問有冇分享, 小朋友讀D唔出名既幼稚園, 但成功入讀好既小學?? 其實小學係咪會睇你讀邊間幼稚園, 家係只會睇面試時, 小朋友既表現???
好多幼稚園既網都有講, 由佢地幼稚園出黎既學生, 會去邊間邊間, 係咪真???

kerkermui

首先，你必須清楚現時所謂小一派位嘅玩法
小學，分官立/資助(津貼)，直資，私立
官津校要跟派位，學校無自主收生權 (但派完位就有少量叩門位，可以自己話事) 一切講運講關係
另外直資同私立就要自行報名，面試，學校有收生權

所以，你見到d學校post出嚟嘅派位成績，官津校就多數同KG無關，而要面試嘅就睇面試表現，都可能同你所讀學校有關

講到底，邨校一樣有人入名校，名校一樣有日食白果，孩子面試表現最緊要！

momofish2002

原帖由 Wishhavebb 於 13-02-22 發表
請問有冇分享, 小朋友讀D唔出名既幼稚園, 但成功入讀好既小學?? 其實小學係咪會睇你讀邊間幼稚園, 家係只會 ...

我都想知

apple1990

kerkermui 發表於 13-2-22 17:59
首先，你必須清楚現時所謂小一派位嘅玩法
小學，分官立/資助(津貼)，直資，私立
官津校要跟派位，學校無自 ...

補充一點，假設某邨幼取錄了貴子女，但貴子女同時又獲幾間名幼取錄，如聖羅撒、崇真、協恩、培道等名幼；而該等名幼又與該邨幼一樣有學劵的話，咁點解唔讀名幼呢？

luilui007

沒有標準答案，但有些出名小學愛收某一些名幼生也是事實!
我覺得考小學，真是面試最重要!如果屋邨或名幼生大家面試分數差不多時，就可能在幼稚園方面下手，無可否認，名幼點解出名一定有佢原因

Wishhavebb

我絕對唔會選直資, 咁係咪我唔需要選咩私立幼稚園都得? 相對我係咪俾多D個女學吓其他既嘢, 例如音樂, 唱歌, 知識性既活動, 對佢日後面試咪重有幫助??

gisoleung

原帖由 Wishhavebb 於 13-02-25 發表
我絕對唔會選直資, 咁係咪我唔需要選咩私立幼稚園都得? 相對我係咪俾多D個女學吓其他既嘢, 例如音樂, 唱歌, ...

你only抽奬的話~可以什麼都唔做都得！

retriever

not only matters your chance to get admitted, but your kid's ability to get along with the curriculum.

as some others said the rules of the game do not care which kindergarten your kid is studying... however, it is at least equally important if the K could train up your kid the skill set and ability to handle what they will face in PS and forthcoming life...

Wishhavebb

唔係個個做阿爸阿媽都係有錢人,有份好穩定既職業, 你地要知道, 入讀直資唔係個個都負擔得起, 係咪冇錢既人既小朋友, 整定有好既前途??

Andymammy

近幾年，有不少研究顯示，直資制度出現，香港教育已淪為一門生意，並非有教無類，大家需要要對現實：父母學歷越高，學生擁有電腦、能夠上網、參加校外學習活動和課外活動的次數越高。
父母學歷較低，經濟條件較差，子女的學習生活(包括使用電腦學習、參與校外學習活動、課外活動等)有較大不足，有機會演化成「跨代貧窮」的惡性循環。
這又是曾陰權這個天主教徒種下的惡果！

Chirley

Wishhavebb 發表於 13-2-26 10:05
唔係個個做阿爸阿媽都係有錢人,有份好穩定既職業, 你地要知道, 入讀直資唔係個個都負擔得起, 係咪冇錢既人 ...

本人絕對唔同意『冇錢既人既小朋友, 整定無好既前途』, 係睇本物睇父母點教...
好似先前有篇文章, 話個小朋友佢屋企係綜援戶, 阿媽唔想行果十分鐘路程就CALL左白車 (但又唔係咁嚴重)
因為個阿媽覺得反正都係, 點解唔可以用盡D福利...
以上事件唔知真定假, 但大家都明白, 父母既身教同價值觀對一個小朋友幾咁重要...
雖然一個無乜錢既家庭, 會少D俾小朋友出去學野或者叫見識下,
不過佢地普遍都有其他所謂屋企較有D錢既小朋友有優點, 如較捱得, 同埋乜都要自己黎, 正常自理都好D,
我地成日都見到好多商分低智? 或除左學識果D之外乜都唔識既成年人,
好似成日新聞都有話一個廿幾歲既人去搵工, 都要阿媽陪,
又或者唔慣俾人點之類...
而岩先過去港大既入學講座都好多家長, 呢D咪所謂有少少錢既父母乜都擔心一餐囉...
唔係話窮既小朋友無以上問題,
只係要記得所有野都唔係必然, 有就好無都唔會一定係永留係底...
父母既教導, 小朋友本身既資質, 同埋機會...
香港已比日本同韓國好好多, 最少機會唔係佢地咁有限...對窮人既福利都唔錯
何必要同人比呢?!

yvonne_bb1122

咁想問吓其他mama ，如果去咗考直資仲可以大抽獎嘛？

Wishhavebb

希望JM們唔好誤會, 唔係同人比, 只係現時既情況, 好似係搵有名既幼稚園好緊張, 好似讀唔到, 或經濟唔許可就大件事, 令到我自己好迷糊, 小一會唔會睇你讀咩幼稚園?? 其實小朋友既基本終站, 都係大學, 再有錢既, 咪外國既大學咯, 但你知英國家陣吓吓都幾十萬一年, 冇可能個個家庭有掛??
咁而家既四間基本大學, 唔通佢地又係個個名校?
重有冇讀天水圍既入到大學?? 重有冇讀名校考唔到大學?
我知我好傻, 有朋友都同我講話, 你見成個社會, 永遠有低下層, 永遠有貧窮戶, 如果個個都掂, 重有人做快餐店, 重有人做清潔?
咁我又問, 咁讀天水圍果D, 咪註定做快餐店? 我朋友話, 緊係, 佢地父母唔識教, 果D幼稚園, 小中學都係求求其其, 冇架啦, 唔係D低下層, 邊有接班人?
我個心好灰, 香港同印度既社會體系(婆羅門, 貴族, 商人同奴隸)好類似, 我見到好多好D既政府工, 大公司, 冇學位都唔駛只意申請, 重要係本地大學, 將來既社會, 做得高層都只有出身好, 讀名校既人霸佔晒!

retriever

回復 Wishhavebb 的帖子

唔駛咁灰.. 直資只是家長想在主流教育方式外的選擇...

但物以類聚, 唔係香港社會獨有, 不同區份不同學校, 集中不同家長裙體, 做就不同類學生... 這個是現實寫照, 要接受...

LunB

屋企附近個商場內有間"遊戲中心", 假期時我總會見到有父母帶住小朋友入去玩, 早午晚都在玩"角子機"、吊魚機, 大人小孩一齊賭,.. 我甚至見過一個媽咪帶住個2、3歲小朋友在門口等開門。 這樣"培養"小朋友, 小朋友將來又會是一個怎樣的人呢?

其實免費資源有很多, 父母有時間時究竟有否利用心思如何教自己的小朋友? 例如圖書館內的書本知識多得你看不盡, 但我們在圖書館見到的又是那一類家長呢? 似乎是所謂的中產較多...

可能離題了, 但實在有感而發。

sugarnana

原帖由 yvonne_bb1122 於 13-02-26 發表
咁想問吓其他mama ，如果去咗考直資仲可以大抽獎嘛？

有直資錄取貴子弟，你又註冊了的話，就不可以再參加政府派位。但有些私校係容許你註冊了亦參加政府派位，如SFA, KTS, APS, CKY......，間間私校政策不同，要自行查詢。

sugarnana

平心而論，或者咁講，我喜歡用積極正面咁看事物。以前無直資，一係跟大隊大抽獎賭運氣，有錢的就讀國際學校，以前的私校很多都是質素不好。現在的學校五花八門，給家長們不同選擇。亦要明白政府需平衡各方利益，擁世襲的就繼續享世襲、想活動教育可選擇直資私校、什麼都沒有還可以參加政府派位九年免費教育⋯⋯，可選擇賭運氣，亦可選憑實力。我明白面試同等待的過程係無比煎熬，如果我們不從正面想，漫漫長路將會很難行，我們的正面思想係會影響我們的孩子。大家努力。