想請問做過過來人既你哋分享下

momofish2002

我囝讀緊n班，但有一間名幼收佢K1、但宜家間幼稚園其實唔差，K1如𨍭校都因為名氣！
其實我想知，係咪讀名幼稚園既小朋友扣門考小學真係會有優勢？
我好怕選擇，好似我囝命運在我手咁！

momofish2002

原帖由 Jojoju 於 13-02-22 發表
我本人好少出聲，但見到樓主嘅帖好想分享下。
個人經驗話我聽小朋友嘅性格好重要。我個仔今年K3，當年K1讀 ...

我囝兩間都係happy school

momofish2002

原帖由 喵媽 於 13-02-22 發表
同意, 但不讀名幼又不代表考不到名小學, 不過就要自己教!
如果樓主係想考直/私校, 選名幼會好啲, 老師既話 ...

我係想個囝考直資/私校

momofish2002

原帖由 喵媽 於 13-02-22 發表
又唔係個個一樣, 我仔PN讀一間屋企附近既老牌幼稚園, 深程算高但不算名幼, 佢好開心好開朗!
到K1我同佢轉 ...

哩D老師有魔法，你小朋友上小學一定掂

momofish2002

原帖由 Jojoju 於 13-02-22 發表
Cuccw, 多謝你嘅鼓勵。老師都話唔擔心佢學術上嘅嘢，我地宜家喺心儀小學嘅waitlist,希望6月後有人放位。
家 ...

好多朋友都同我講入到KV, 到上小學你就知KV既好，我唔知你個小朋友係咪KV，但可能到小學佢變開朗，因為佢應付到，反而其他就無哂笑容！
你平時帶佢多d去公園玩下relax下。

momofish2002

原帖由 四隻貓 於 13-02-22 發表
介唔介意開名講係邊間?

名校係幫到手, 但最主要還是要靠家長自己教導. 當然, 如果家校配合到, 對教育孩子 ...

其實佢宜家讀緊mos Boxhill, 係兩文三語，返學超近，又讀得開心，老師好有heart, 英文我絕對唔擔心, 但一定要補中文數學！
同樣地何文田維記收咗佢英普下午班，維記難入又有名氣，放棄好可惜，不過讀維記唔代表唔洗補，一樣要，要train埋佢坐定定，但佢要坐校車返學放學，回到家其實無咩時間學野，我怕小朋友好赲！
如果放棄維記繼續讀Boxhill, 我怕去考直資/私考或扣門時又無維記有優勢，自己成日諗究竟關唔關事，就快諗到儍！

根德又on waiting list, 所有只有這兩間選！

momofish2002

原帖由 momama 於 13-02-22 發表
有邊個家長入咗名幼冇再加課外？

老實講十個入面九個都有，唔可以靠曬學校，只不過在學校黎選，兩個小朋友都ok的，但大家所讀幼稚園不同，會否因名幼而選擇那個孩子！

momofish2002

Parisienne 發表於 13-2-23 07:54
我唔係太明，樓主當初in名幼時，乜唔係決心會轉先in咩？而家名幼收，應該好開心先啱！否則in咗又唔轉，唔轉 ...

好多謝你既竟見, 不過我最終放棄了維記留原校!
當初IN維記時都係11月, 仔仔都係返咗BOXHILL 3 個月, 未睇到學校教出黎既野好唔好, 所以咪幫佢報下其他學校等多個選擇, 但我只報KV AND VIC.

現在仔仔已返學半年, 已經睇到佢學識唔少野, 亦感覺到學校對小朋友既關愛, 而且早兩日收到學校通知可以轉上午班, 對於作息時間, 飲食安排, 課外活動編排都好安排, 咁成個結論又唔同晒, 最終都係選近既學校對佢好處多一點, 相對因靠名氣去博入到好既小學, 好似咁決定唔係咁好, 因為無人GUARANTEE到!
另外萬一佢有咩唔舒服, 或打風落雨, 間學校咁近屋企我可以十分鐘就到, 第一時間接走佢, 唔洗塞多條隨道!

名校係好難入, 真的很感謝維記比機會我仔, 所以先想聽下其他家長意見, 自己再認真分析一下!
其實好多人都會報幾間幼稚園包括名校, 而有OFFER的都要決擇一番!
每個小朋友情況都唔同, 最終家長都係要適合的幼稚園比小朋友, 但願每個小朋友讀書都順順利利, 考到心儀既學校, 祝大家既小朋友都身體健康, 學業進步!