分享兒子現況 (3歲, 已排到 I位)

kikigal

2009-2010: 出世(早產, 1.29kg, 住NICU 1.5個月), 醫院複診 (兒科, PT, OT, 兒腦).

2010-2011: 1歲3個月CAC評估為整體發展遲緩, 開始排E位, 醫院複診 (兒科, PT, OT, 兒腦, 營養師), 1.5歲開始有古怪行為 (手指扣喉至嘔吐), 言語發展最好, 大小肌肉較同齡慢1年.

2011-2012: 接近2.5歲排到E位(醫院複診: PT, 兒科, 義肢矯形造鞋墊), 接近3歲返幼稚園(普通位K1).

2013: 3歲, 普通位K1已退學 (因不能適應學校生活), 攻擊性行為嚴重(抓人, 搣人, 大叫, 破壞物件...etc, 特別是肚餓眼訓生病時), 依然喜歡以扣喉威脅(不合心意的事), 已排兒童精神科(懷疑ODD).

第二次CAC評估後, 決定由E位轉隊, 成功排到兼收位(I位), 3月開始返N班.

而家星期一至五去E+S中心暫托3小時+午餐.

而家真係超級反叛, 出街都好麻煩, 搭車更加唔駛講...係惡夢...對多陣都想死(我自己湊, 無人幫手)
心情好/ 訓醒/ 食飽時真係乖到難以置信, 好似另一個人咁.
未戒片(可在廁所大便), 未能自行吃飯/用水杯(鍾意掃走檯上物件, 例如碗, 玩具),  未能自行上落樓梯, 大小肌肉慢9個月, 平衡較弱.

對嘈雜環境/ 人多/ 聲量大/ 語氣嚴厲的聲音很敏感 (拒絕任何指令和批評: 唔鬧得): 會發癲 (學人大叫, 學交通工具廣播聲但大聲叫, 抓人頭髮眼鏡)...

經常要被注意, 若發現沒有被注意會用手指篤喉嚨 (特別是心情差時).

我同老公覺得...個仔7歲前真係會無限可能......

moneydog

希望在明天，大家一齊努力。

McBonnie

多謝分享. 父母是多偉大. 加油. 祝福

學牌父母

加油!

父母要堅強點, 多些向好方面想, 小朋友總有得意, 總有乖乖既時候!

methy

kikigal 發表於 13-2-15 16:29
2009-2010: 出世(早產, 1.29kg, 住NICU 1.5個月), 醫院複診 (兒科, PT, OT, 兒腦).

2010-2011: 1歲3個月CA ...

3月開始返N班,應該只返了2日? 情況ok嗎?

我阿仔返左N班(普通位)半年,性格手多多,不過好彩老師話下又會聽,會say sorry,不過當遇到唔如意既事,平衡唔到跌到，有時老師扮睇唔到,佢就會無事慢慢起返身，如果有人好緊張幫佢,佢就會發癲,大吵大鬧，瞓地。
好彩老師好有愛心，已經摸熟佢脾性，會就住，情況失控情況小左。

我反而想今年比佢入s位了，試過普通幼兒園..未得就係未得。

波蘿包1

但係你退左s位喎 係咪要重新排過
之前睇你post 進步左好多仲適應到主流
入左s位好難轉反主流 同埋進度好慢
愛心係有 但學習方面會慢好多 一定要轉咩？

波蘿包1

樓主加油啦 我仔情況都係遲緩b 出世1磅幾 而家都係超細粒 係我最憂慮既事 食極都唔多發育 3歲俾人話似2歲 成條柴咁 而家反緊主流n1 半年都算幾好 係坐唔定唔聽書 老師教緊 佢就做其他野 有點 激死我 唯有叫老師幫忙照顧下佢 其他都幾好  都有e位 一個月得3，4堂太少 除左智商 其他方面都起碼遲9個月 追極都係咁 我有時都好失望 都唔知再做到d咩
有時真係想乜都唔理走左去

methy

原帖由 波蘿包1 於 13-03-05 發表
但係你退左s位喎 係咪要重新排過
之前睇你post 進步左好多仲適應到主流
入左s位好難轉反主流 同埋進度好慢

社工比我用舊no.繼續排S位呀。
開頭係適應架，但佢始終發展慢，開學半年就落後(我預計有呢個情況），開始出現放棄唔參與課堂上遊戲既行為，如果下學期無進步，9月上k1只有陪讀，同老師傾過，大小肌唔得，上k1錯敗感只會有增無減。
我選擇既S位，有教主流程度既，如果入到去係對佢大小肌有幫助，其他方面如認知就自然進步，到時再轉返出黎E位或I位都唔遲。
都係嗰句，英雄莫問出處。
（唔好意思樓主，kidnap左你個post)

BKVIP

我同意要按小朋友能力去選校。我仔讀左半年s, 今年新學年會轉你個間i位，希望排到，因得一個名額。

pocoyo123

methy:

努力呀, 大小肌真係好重要呀, 尤其去到小學, 在中英文寫字方面耍付出很多時間.

HopeLJ

我地呢d父母心情真係好似過山車咁，佢好小小又滿懷希望，唔進步又萬念俱灰。咁我地盡力而為，平常心d，appreciate 多d佢地的進步，體諒多d佢地的不足，咁好太擔心佢地將來點算，做好現在可做的訓練就可以了，不要自己給自己壓力，咁你情緒平和d，都會反映係佢地的情緒到。我講容易過我做，但我常常提醒自己，互勉之。

Hopesforlife

回復 HopeLJ 的帖子

我好明白你講的心情，因為都是一個問號。好認同你要令自己放鬆d，因為我相信如果自己唔開心或負面會影響小朋友。近排力克胡哲(Nick Vujic)有了他的小朋友是一個啟示。首先要自己不放棄及認為有可能事情才有機會改變！我自道講容易，但希望大家共勉之！努力大家！