民生or培正 - 幼校討論

Rank: 5 Rank: 5


	1776

41^#

發表於 13-2-17 17:24 |只看該作者

可能大家都會從中學去睇，但其實有無諗過15年後的事，真係好難由今日定論，亦唔知15年後學校又或香港的教育制度會變成點。

我會睇得短D，當3年幼稚園去睇，之後的小學部的教學理念，係唔係同屋企一致，教學模式合唔合適自己小朋友，3年後又或小學畢業後有無足夠競爭力。

我同意語言係要活學活用，語言能力同考試成績唔一定有直接關係，但若小孩從小能接觸不同的語言，會比起只從考試方向去操練式學習，對將來在社會上工作應該會比較得心應手。

兩所都是好學校，應從小孩學習方向，以及家庭配套上去考慮。希望可幫一幫樓主從不同角度去考慮。

easyview

Rank: 3 Rank: 3


	383

42^#

發表於 13-2-17 19:06 |只看該作者

回覆：DCMaMe 的帖子

我屋企都算有多語環境，我先生係台灣人，會講國語，我就講廣東話，同間中講英文，仔仔三種語言都ok，其實甘樣仲需唔需要搵間英普的學校呢？

Salad316

Rank: 3 Rank: 3


	287

43^#

發表於 13-2-17 19:52 |只看該作者

回復 osramcc 的帖子

我啱啱睇到原來培正中學網址有份資料詳細列明有乜科目係用英文教材。入咗下面嘅link: http://www.puiching.edu.hk/. 然後選擇“本校資料” 嘅“學校概覽”。既然係培正自己出，應該係準確嘅！
總括來說，到中四，中五，理科主要都用英文教材，但文科則用中文。奇怪嘅係經濟都用中文，我係大學讀Business, 覺得商科其實應更需要用英文。咁睇嚟大家要博一博貴子女係咪理科材料，如果係，咁就問題不大嘞！

easyview

Rank: 3 Rank: 3


	383

44^#

發表於 13-2-17 22:08 |只看該作者

回覆：Salad316 的帖子

係喔，點解經濟科用中文敎材呢？

Salad316

Rank: 3 Rank: 3


	287

45^#

發表於 13-2-17 23:01 |只看該作者

我睇過一遍校長嘅訪問。佢話keep 住一d科目仲係中文課本係因為覺得呢d 科用中文較易理解，吸收較易。但諗嚟諗去都唔明點解歷史同經濟用中文較好！諗起都西史時要記d 歷史人物嘅中文譯名已經想死啦！

lutang

Rank: 5 Rank: 5


	1244

46^#

發表於 13-2-17 23:12 |只看該作者

回覆：民生or培正

其實兩間學校各有所長，似乎大家都好𨶹心教學語言，又擔心上大學銜接唔到，但我比較杞人憂天，成日諗，如果小朋友唔係從小就接觸英文，一旦到全英環境下上課，佢地係咪真係可以好快適應呢？而所謂適應，可能係聽和講能力好d，但語言好又唔代表成績好，咁讀中文定英文都冇分別啦，如果佢係勤力嘅，英文一樣可以自學應付到啫，最怕係掟佢去英文學校，到時佢聽唔明成績又唔好，咁仲大鑊喎！

DCMaMe

Rank: 5 Rank: 5


	1776

47^#

發表於 13-2-18 09:14 |只看該作者

回復 easyview 的帖子

樓主，咁其實好簡單，因為你們家庭的第一語言已經有普通話及廣東話，就睇你們會唔會想加強小孩的第二語言能力，即是英語。我小朋友兩歲前只說英語，在國際幼稚園就讀，佢可以同外國人流利溝通，兩歲後我們跟他強化廣東話，即父母親的第一母語，因香港係廣東話社會，小朋友6歲前的語言能力亦很強，半年後我小朋友已能用廣東話同其他人溝通，可能無英語咁流利，但已經完全無問題。
我自己選擇幼稚園都會從小朋友的情況去考慮，我會偏向有英語環境的，係因為我覺得對我小朋友來說會比較好。所以去選擇時，其實都好睇父母親的取向，同你們想比D咩小朋友。

其實兩間都係好好的學校，我估幼稚園時間的最大分別係教學語言，活動，同教學模式。樓主真係要想清楚自己的取向，同小朋友性格去為小孩選擇一間最合適的學校。

引用一些前輩的用語，沒有最好的，只有最適合的幼稚園。

renielo