改善眼神接觸的遊戲

wilyun

如果想draw小朋友注意，大家可試下玩公仔，我就會用唔同公仔自已同扮公仔聲咁玩，扮個公仔係bb, 玩到咁上下，個仔會出黎睇下你發生咩事，可能佢仲細個，佢會真係以為個公仔搶媽媽，會呻晒醋咁，又會走埋黎引返你注意，所以可以改善眼神接觸，大家不妨也試試！

另外我仔鐘意＂捐＂野，可以買個隨道，你地每人＂捐＂一邊，咁可以加強你地互望和眼神交流。或者用同一個隨道，用個隨道圈＂笠＂住個小朋友，因個隨道係長，你就由上面望反落去個小朋支，小朋友被個隨道笠住，好自然地佢會向上望，好容易做到個機會比大家四目交投。

以上兩個遊戲對我仔係work, 而且也改善左我仔與人相處的主動性。

bbqiu

好方法，謝！

llam1210

多謝你！我也試試！我上課時個姑娘用紙筒同佢玩，在紙筒碌d玩具比佢，但我女未好學到冇紙筒時都望

TRF北村

我自己試過以下方法，好work

1. 晚飯時，自己眼仔碌碌咁望到囝囝實一實（這icon的眼神），好卡通的表情，再張臉越來越近，並同時配合d得意聲音，囝囝好快就模仿我，也望到我實一實，幾好玩，好work。

2. 公園玩捉迷藏，不過係擺明俾佢捉到果隻，捉到果下一定望住我笑。

3. 隨時隨地的 big ga boo I SEE YOU，I SEE YOU果下又係望住我勁笑。

4. 最近訓練落樓梯時，因為冇野俾佢扶，要訓練平衡，我企響前面鼓勵佢、幫佢，可能佢要求救，佢勁望我，不過其實原意是想佢望住地下個樓梯，小心跌倒，但反而訓練左眼神。