奧運明我面試安排差！

pig_mug

係呀, D 安排真係差到呢............

我地in 9:30am, 出面已經排左條長龍, 等左約5MIN 見冇什麼動靜, 咪上去裝下囉, 見學校已經有好多人等緊, 跟住再點下排隊有幾多人, 我地起碼都排第27.

一入到去, 個老師問我見左校長未?  我話未, 佢就叫我去我地的右邊, 好彩同個媽咪吹水, 如果唔係都唔知排錯隊.  (喂,
老師大姐呀, 有咩理由, 會一問就問人地見左校長未架??  咩都未做, 咩都未做, 梗係未見校長啦, 我地又點知原來呢個係LAST STEP 來架).

跟住又要等一大輪, 裡面D 椅子搗到亂七八糟. 梗係啦, 又冇地方比小朋友玩, 又要D 小朋友等咁耐, D 椅子又排得密, 又要安排咁多人一齊, D 小朋友梗係搗到D 椅亂七八糟啦.

去到 INTERVIEW, 個老師就問 "小朋友, 你叫咩名", 我個仔都未識講嘢, 我咪幫佢答囉, 跟住係咁問: 邊個同你來? 佢 (指住我) 係邊個? 呢樣 (指住隻匙) 係咩? 呢樣 (指住隻碗) 係咩?  我咪又幫佢答哂囉,  跟住叫我唔好提小朋友, 要佢自己答,   呢樣 (指住個橙) 係咩?  跟住, of course, dead air.  跟住, 就問我佢係唔係 平時都唔講嘢?  我話 "佢都未識講嘢, 淨係識講車呀幾個字".  "OK, 我地都有車", 跟住就拎左張巴士圖出來, 個衰豬, 平時就車不離口, 個時就不開金口, 見我個仔冇反應, 我都唔再出聲, 她就一輛咀咁問: "呢個 (電視機) 係咩? 屋企有冇呀?  平時有冇睇呀? .......", 哈哈..... dead air again 啦 of course. 她就對住我講 "要教佢講嘢噃, 第日返學都要自己講嘢架噃".  我答 "哦". 就係咁, 出左來, 又去等去見校長 (個校長真係咁利害???!!! 只係左比包餅 & 比個波你的短時間內, 仲要坐到高高咁睇住個小朋友個頭頂, 就可比到comment???)   

由佢問果D 問題, 就覺得果個老師唔了解小朋友的程度, 一個16個月的小朋友 IN PN 要答果D 問題, 會唔會難左D 呢?  (我真係唔係因為我個仔唔識而咁講).   

pig_mug

In 果日, 好似見唔到有 NET, 佢地係咪冇NET 呢?

另外, 佢地的 PLAYGROUND 係咪就係出面的 SIR 滑梯, 係咪冇 indoor playground?

我有個朋友 (12月細仔), 好似當日已經比校長話佢地好少會收細仔, 最多會係 waiting, 可以出年考K1 喎.  

vivicicimimi

回復 pig_mug 的帖子

見校長個part 係睇下你小朋友識唔識say Thank you! 你以為自己係根x園咩？人哋係咁你又學人哋！
我個仔喊著入去，攞了個波便走，個無聊校長問要唔要包餅，我話比咗30蚊梗要la!

wongsiuon

我個仔係細B,in得很好,問題答得好好,跟住校長同你講,因為係細B,你B只可以係waiting list.
我現在才知學校根本少位,好心你就唔好玩人啦.
無打算收你就唔好叫我去in,浪費心機,報名費,車錢, 帶B去玩仲好.
下年BB家長記得睇呢個post, 以此為鑑

littlefly

回復 pig_mug 的帖子

crazy, so the teachers are expecting children so small can communicate well through language?
luckily we didn't even apply, although we have thought about it

manyjennifer

個面試老師不停問重複問題，但我囝都唔肯答，連指嘴都答老師話"冇啊！"，嚇親我和老師都反應話"冇，你點食嘢?"，我囝仲講"係冇呀！"，之後問咩都專登答錯哂，我囝講嘢好叻的，未試過面試玩嘢，今次係佢第一次專登講錯答案，我諗我囝都反映左佢意願。

雪晴25

呢間真係interview安排超差, in 9:30 排成個鐘先入到去, 仲要等叫籌號, 好似街症咁, 入到去考阿仔講野, 拎住架巴士問係咩黎, 我仔只識講單字, 問佐幾樣就in 完, 仲要去等見校長, 入去拎包餅同波就就得, 早知唔去interview好過...

minnie2011

我去西灣河明我一樣安排咁差, 見個八間真係最差既一間！