可唔可以分享下你們是如何走過的？

Lalaboy

阿b兩個月多，有齊自閉兒童的特徵，雖然未做評估，自己心中有數。知道的一刻如被判了死刑，很想自己是造夢而已，但每天醒來仍是要面對！老公未知道的，還以為我們阿b只是脾氣特別大！追查成因，可能是自己嗜飲食所致，又可能是我給阿b打了一些防疫針導致，很內疚自己連累了阿b！面對前面一大堆將要接受的治療，好擔心負擔不了龐大的費用，家中只靠老公一人賺錢，每月沒有什麼多餘錢。又擔心身邊人歧視的眼光！唉，面對前路茫茫，未開始走我已感到很沮喪。你們可分享下你們是如何面對呢？

pocoyo123

BB只有兩個月大, 怎會咁快斷証, BB有什麼徵狀令你咁快覺得是自閉呢?

jjcow

回復 Lalaboy 的帖子

我曾經睇過澳洲一個研究報告，針對有兄姊患自閉症的嬰兒，最早都要 6 個月至見到有異樣喎...
你唔好擔心咁多住先啦，好好享受呢幾個月初為人母的快樂。

BTW，我仔係六個月時個身都仲係好林，唔係好坐到。嬰兒時唔能夠埋身喂人奶，哭時全身繃緊彊直。睇見佢喊我只能放佢係床仔到喊到攰，訓著為止。當時覺得好無助。

Lalaboy

回復 pocoyo123 的帖子

阿b 2個月多，暫時發現有以下問題：
- 無眼神接觸
- 無表情，唔笑，即使見到媽咪
- 鐘意望住天花圓形燈笑，對玩具無興趣（未知會否對車輪有興趣）
- 脾氣很大
- 對聲音無反應，你在旁發出聲音她不會望過去
- 眼睛不會跟物體移動
- 專注力差，有時食奶個頭會擰來擰去
- 很敏感，少少聲音可嚇得她震一震

jjcow

回復 Lalaboy 的帖子

關於你說的最後一點。我想講，我仔細時行雷打樁佢都唔驚，都訓得著，叫極唔應，我以為佢聾的，當時我好擔心佢聽力有問題。但係一個好靜的環境下如果突然有人禁鐘／有鐘響，佢又會有反應，但不是驚個種反應。

Lalaboy

回復 jjcow 的帖子

我阿女d肌肉暫時未發現問題。親戚讚佢兩個月人仔夠硬淨。我尋日嘗試將她打側及趴轉佢都無反應，希望佢遲d識啦。你小朋友現在如何？除了要接受物理治療外，還有其他治療嗎？

jjcow

Lalaboy 發表於 13-1-29 11:46
回復 jjcow 的帖子

我阿女d肌肉暫時未發現問題。親戚讚佢兩個月人仔夠硬淨。我尋日嘗試將她打側及趴轉佢都 ...

正常小朋友要三個月至識轉身，我仔三個月差唔多四個月都轉到，佢正常的表哥因轉身時適逢冬天，穿衣厚，所以成五個月至轉到呀。係坐得唔好，七個月都仲會冧，差唔多一歲，我抱起佢都仲要搵隻手托住條頸。
我仔依家已唔需要 OT/PT，大小肌各方面都跟上同齡喇，係言語同社交唔係好得。

pocoyo123

Lalaboy:

現在BB只是兩個月, 不要担心咁多, 亦唔有什麼可做, 家長最緊要密切留意BB的發展, 如發現有問題, 立即聯絡醫生

Lalaboy

回復 Lalaboy 的帖子

阿b幾日人仔我們已發現阿b好易被嚇親，細細力推門佢都會震一震，佢瞓緊覺你去摸佢佢又震一震，有時自己瞓覺都會震，一晚可以震十幾次。我問過醫生，佢話嬰兒控制肌肉神經未成熟，如果三個月後仍然這樣才處理。尋晚才跟c6為此事炒，c6怪我回娘家坐月導致阿b如此，我告訴他醫生的說法，他都不理會，執意認為是我娘家導致，我覺得好委屈。我阿媽幫我坐月好辛苦，下班後仲要照顧我，又幫我湊b，半夜起身幫我餵奶，居然仲要比人責怪。我99咩都唔做就無人去怪！

Lalaboy

回復 pocoyo123 的帖子

好的，謝謝你。

llam1210

唔係喎，我女一早識轉身坐得好未到一歲就行得到，也被評自閉傾向！唔好咁擔心。你也不要太唔開心！多些同朋友醫護人員傾下，千其唔好令自已有產後抑鬱。你要照顧bb身體好重要！

BBTWIN

回復 Lalaboy 的帖子

樓主你係咪未生之前睇太多關於發展性障礙的資訊, 所以BB一有咩風吹草動就對號入坐. 因為我係過來人, 就係未生之前睇得太多, 攪到成日疑神疑鬼. 我小朋友都7歲幾, 唔知幾正常. 佢地細細個時我又好似你甘咩都對號入座, 旭下就懷疑佢地係自閉症, 攪到神經衰弱. 你而家個B先得兩個幾月, 而且甘細個好易會有驚慌出現. 我果時個陪月會用古老方法用細細個米袋放在BB心口定驚, 個BB會好訓D. 信我啦, 唔好想太多你就唔覺有野. 係有事愈大就會浮現出黎. 小朋友甘細個你就甘驚. 我有親戚個仔成5歲幾先確診, 就係佢阿媽唔在意, 我就一早睇得出佢個仔有事,但唔知點去明言. 而家先排訓練, 我巳覺太遲. 如果佢一早好似你甘著緊, 佢個仔唔會錯過黃金時間.

Vichang

仲細，唔洗諗咁多。有需要同健康院姑娘傾下，你唔好太多疑，以防產後抑鬱呀。

owl_2046

Lalaboy 發表於 13-1-29 12:00
回復 Lalaboy 的帖子

阿b幾日人仔我們已發現阿b好易被嚇親，細細力推門佢都會震一震，佢瞓緊覺你去摸佢佢 ...

其實你擔心得太早, 兩個月BB視力或聽力發展都未成形, 你多D留意下個B, 情況如有進步就可以, 須知每個BB發展速度唔同, 你定時去健康院, 姑娘會同你講發展里程碑, 比心機啦, 唔好日日在恐懼下過日子, 咁對你同BB都唔公平.

另外你老公又係唔0岩, 佢姓賴......搵你外家做藉口, 佢咁態度你都暫時唔好同佢講太多, 免得佢影響你心情.