今曰德望second in

KaKamama1113

回復 eekit888 的帖子

可能佢地第一年舉辦咁大型同咁子細的second in, 又要花時間去氹D哭的小朋友, 所以失咗預算, 希望出年我地D後人可以有更好安排.
相比SPK, 小朋友一哭巳經唔洗見, GH都算好好比埋家長陪見, 就算明知唔得或扣分都叫參與過, 唔洗面懵懵要走, 呢part明顯照顧埋家長感受, 我地應該欣賞佢地嘅

eekit888

回復 KaKamama1113 的帖子

啱嘅, 而且收生權係學校決定, 佢地點安排都只好接受!

LAWYIMYU

我地in(11:30)都係早到,都有企响出面等,又有响入面等,我覺得小朋友又有DADDY又有MUMMY陪住,危險極有限囉.

又有人話培正安排好,咁就更係好啦,因為太多人考,想咁"求其"都唔得啦,唔同仲學似GH咁又IN家長又IN小朋友咩,如果真係咁,IN7日7夜都唔掂^.^ (p.s.我交培正表果日都排到去何文田,側邊一樣有馬路)

我見好多人都好concern企响出面等覺得好危險,其實第日你地小朋友如果入讀GH,都要擔心埋依個問題喎.

我都覺得GH係主要想IN家長,因為佢張SECOND IN 紙上寫咗(最好父母出席).

setosonia

請問大家家長interview 時, 有冇被問係咪天主教徒, 有冇返教會? 好似唔好覺有家長講, 多數問期望, 子女在校表現唔好點處理 等等...  

KaKamama1113

回復 LAWYIMYU 的帖子

你有你道理, 有父母陪係好穩陣好多, 但始終佢地係好細個人仔, 鍾意跳黎跳去又好奇心, 如果D車失控鏟埋黎有意外就唔好啦

我估父母同小朋友各佔 50/50

waowao

我係咁不幸要入去陪個女入去in 嗰d 家長. 我入到去隔離枱個老師講得好大聲,但我地有家長陪嗰個先生又好細聲, 攪到我個女成日望人地嗰張枱...
佢地兩張枱擺得太近, 而先生又唔係成日睇晒小朋友d 反應. 我個女坐最邊, 但個老師成日只係望中間同另一邊, 我個女成日舉手佢都見唔到...
唉....
又見另一張枱(自己見嗰d 小朋友)只係就咁坐响度,先生冇同佢地唱歌, 我地哩枱都冇... 個個小朋友都係靜靜住响度咋...

等得太耐啦... 我地攪咗差不多兩粒鐘先可以走人....

Doublej

囡囡可算是不幸運的一群，11時後面試。在我舒發我嘅悶氣前，首先恭喜對GH面試有良好感覺嘅父母，因為學校有時間同你們家長及囡囡互相了解。

我很了解校方在面試嘅安排本意是好的，希望利用全方位撰志同道合嘅學生...只可惜，我和友人嘅面試經驗就可能是另一極端。不知是冰山一角，或是個別事件。

早前有家長話，老師面見內容深入，時間較長，問6-7題。但我嘅感覺係有很大嘅落差，我嗰組嘅老師們只花了5分鐘便見完所有家長。而我總算是最後一個出來，互有交流，老師只問了我兩條問題，全程老師沒有寫筆記，而且我離開不過1分鐘老師已出來接代下批家長。

可憐老師行程緊密，不知老師們能否把面見內容記下以備日後審批之用？可能我太多疑，老師們可能太有經驗，問兩句已知家長可否配合學校教育方針；又或者校方太有愛心，知道我們等到肚餓了，讓我們可以早點去食飯。

而友人見識到的，可算大開眼界。友人囡囡因不願意獨自入課室，所以有愛心及同情心嘅老師讓佢站在門口鼓勵囡囡。出來後佢複述了裏面混亂嘅情況，小朋友喊嘅喊(同台不只一個)，出位嘅出位，可憐這班有愛心嘅老師在2O多分鐘面見中，可算疲於奔命。老師可以進行考核嘅時間不到5分鐘。外面等候嘅家長滿以為已見了廿多分鐘，囡囡必定是過五關，斬六將，誰知要過關斬將嘅係這班盡責嘅老師。

請問家長，你覺得老師應該foul走邊個呢？係喊沒耐性等太久的，或是出位的，或是家長陪同的，又或是控制不到場面的老師，定所有呢?

喺今次GH 2nd in，友人與我只感無奈，沒有是誰的錯。家長面見及考生考核各得5分鐘，可以選出最適合嘅家長及學生嗎？

個人愚見，每個家長及校方都想通過不同型式嘅考核來把一些沒入圍嘅小朋友比下去（來抬高自己？），但結果只有可能係兩敗驅傷，來面試嘅家長只有覺得有欠公道，老師們舟車勞頓、疲於奔命，2-3歲嘅小人兒就不用多講了。

大家再想，校方何不把兩次面試合為一個？分為兩天面見，以傳統方法，一位老師、兩個家長及考生面見呢？每組花長一點時間更容易互相了解。（其實同日我另一個interview就是這個方式）全程一對一，日後無offer都心甘命底，唔洗有啲人要等歺飽，又或者給同組小孩影響。

希望校方日後在教學方面不會好似今年面試--「好心做壞事」。家長們會對GH希望越大，失望只會越大。

最後希望有幸入讀的囡囡勞力愉快，沒法入讀的不要介意，人生漫長。

eekit888

說得真好！

eekit888

原帖由 eekit888 於 13-01-29 發表
說得真好！

Sorry!用錯公仔

manman4427

點解大部份人都只會怨言呢？甚麼等得耐、吾公平？現實社會就吾系樣樣公平，有時你著數啲，有時別人著數啲。作為家長吾系應該有所準備時間可能比較長，我系in較後一批，一樣等咗個幾鐘，阿女亦都有話肚餓，幸好有帶備麵包，故事書，個幾鐘很快就過去。有時就地取材，見到樹上有個鳥巢又講一輪，見到耶穌像又講下聖誕節。等的途中眼見有位家長因工作人員不准其女兒看魚缸金魚而不斷說學校的不是，不斷說兩歲幾人仔那有咁好耐性。去別人的地方就應要遵守規舉，點樣去幫自己女女打發時間系自己嘅責任。怪不得學校今次要特別見埋家長，身教家庭教育真系好重要！

linda4

回復 manman4427 的帖子

Totally agree with you. 家長直接影響小朋友，身教何其重要。
每間學校有自己的一套interview方法，参加得這遊戲就要跟規則，係自己報名的，不是別人要你去，明知有咁多人報就要預咗排大隊。(見到聖心也是排大隊亦有家長反映危險。)雖然小朋友真係好可憐(要考耐性)，但點解咁多人報名又肯去interview，都係希望有機會入間好學校。
大家對學校不滿，如果學校真的收了囡囡，請問會否入讀？
明白大家可能只係發洩一下，希望這情緒不會給女兒看到，事事不滿的態度。
以上是個人少少意見分享，沒有針對成分，不喜勿插，大家都是因為愛錫自己的小朋友。

tammyee

欣賞你正面的態度方及處理方法，衷心祝願你成功！

eekit888

其實我不會否定大家的見解，只是既然我們有現在這麼好的平台，各抒己見，不過我只希望大家互相尊重，和諧是要大家互相包容。而且我認為大家訴說對學校安排的意見，可能對來年的安排會有所改善。

gung

原帖由 linda4 於 13-01-29 發表
回復 manman4427 的帖子

Totally agree with you. 家長直接影響小朋友，身教何其重要。

好同意。其實每次面試都會對某些人公平，某些不公平，可能早的一批是好早去排隊交表的，這是因果關系，怎可話他們著數的？有時都要看同呢間學校有沒有緣份，只要就盡力了，何必不憤？
個人覺得德望的安排和對面試的認真比聖心好百倍，為何沒人投訴聖心？

oooasis

manman4427 發表於 13-1-29 19:43
點解大部份人都只會怨言呢？甚麼等得耐、吾公平？現實社會就吾系樣樣公平，有時你著數啲，有時別人著數啲。 ...

同意，雖然等得耐，但小朋友同父母一起又點會悶？就好似平日係屋企咁，玩下遊戲，講下故事，傾下計，時間好快過。

學校安排當然有快有慢，講下無妨。
但做為父母，如何利用這些時間，點樣處理孩子的情緒，去贏得最好的表現，就是父母的責任同功力。
雖然我個女表現如何我唔知，但我盡了做父母的努力已經心足。
就算不獲錄取，我會覺得是自己技不如人，而不會埋怨學校安排不當或者唔公平。

sarubuta

LAWYIMYU 發表於 13-1-29 12:46
我地in(11:30)都係早到,都有企响出面等,又有响入面等,我覺得小朋友又有DADDY又有MUMMY陪住,危險極有限囉.

...

因為佢張SECOND IN 紙上寫咗(最好父母出席). --> 其實1st IN 同 2nd IN 的用字是完全一樣

"出席人數: 只限2位成人(建議父母) 陪同接見生出席 "

kings04

原帖由 setosonia 於 13-01-29 發表
請問大家家長interview 時, 有冇被問係咪天主教徒, 有冇返教會? 好似唔好覺有家長講, 多數問期望, 子女在校 ...

其實是否教徒沒有關係，我(小女現為K2學生)及很多家長亦非天主教教徒，但學校卻較著重“家校關係“，家長有很多時候需要參與學校活動(包括家長義工等)。

luilui007

其實有家長提出什麼公平不公平!真的很費解，何謂公平?幾點in叫公平，幾點in叫不公平，有時要客觀一點，不要樣樣以自己為中心

cyk2009

有時機會係留比有準備的家長的，包括食物同水！

Salad316

多謝你們的意見！但本人並不同意！

沒有批評和討論又何來有進步呢？中國人有一句話，百忍成金，這反映了炎黃子孫的特性，凡事忍耐，這可能是好事，但也可能是壞處。

遇上不公而挺身而出，反映意見，這又有什麽錯呢？這又遇與家教有何關係？

人揀你時你揀人，interview 係雙方嘅，不單為學校製造機會認識家長，也是等家長睇清學校。我們父母並不是在搖尾乞憐，為求學位就放下自尊，任何不公也要接受，還需默默承受，表達一下感受也不能嗎！

如果以這樣的處世觀念教育下一代，恐怕才會害了他們，不懂分識錯與對。

有家長問到為何不滿都去in，他把因果混亂了，就是因為去了in，遇到這樣爛的安排，我才不滿嗎！我事前怎知呢？

又有人問到，成功了會不讀嗎？那我就現在告訴你，我的確打算這樣做。

我以上的話如有得罪，請莫見怪，我沒心針對那一位。只是看見回覆，有所感觸，如鲠在喉，不吐不快而已！

望各位不要妄自菲薄吧！

為免造成誤會，這將是我最後就這題目作出回應，謝謝！