中英數三份卷都做唔哂 ...

justin2003

中英數三份卷都做唔哂 ...

請問各位媽咪有咩心得可以令小朋友做卷快D？平時在家做卷冇問題, 點知今次考試咁大獲......唉....血流成河. .....請各位教我可以點幫阿仔.....

wsk7777

當小兒在小四那年亦出現此情況，中文讓他看金鏞小說，英文在外小組補習班及寫英文日記，數學在家狂操練習，玩比賽鬥快完成題目，你做60題，他做20題。
各個小孩有各自的喜好與特質，可多參考其他方法，採用適合自己小孩的一類。

maylomaylo

老師都話阿女做得慢

Meikin

回復 justin2003 的帖子

咁你個小朋友平時做事或食係唔都慢慣或hea住做?  如果是的話那就要迫佢從日常生活開始做快些, 應該會有改善.
我細仔自小到是"麼王"及"hea精", 催極都係咁慢, 雖說慢工出細貨, 但終於升小五第一段考就出事了-- 中文卷做唔晒, 得個C.........於是除了重點加強佢閱讀理解的弱項外,  也在平常生活小節中不再遷就他, 迫他做事/食飯等盡量做快一些, 並要留意時間, 做每樣事都應有時限, 唔可以咁慢及拖長hea住做.  終於到第三段考時漸見成效, 趕及第一次呈分時成績回復合理.

你孩子小四重有時間去想辦法改善, 到小五成績表上的grading其實都好緊要, 因為有部份直資 或津校自行時寫明收生要求是要中英數常和操行最要有B呢.  如果因做唔晒份卷而低分得C, 隨時連申請的機會都沒有呀.

justin2003

好多謝大家GE意見！佢O係日常生活上係"麼王", 唔知係咪平時我成O日係佢身邊催催催, 佢慣左要我催先快

唉, 今次成績慘不忍睹 .... 好擔心佢冇哂信心, 因其實今次考試佢付出GE溫習時間著實好多, 但點知臨場做唔哂D卷 ...

Meikin, 你說做每樣事都應有時限GE意思係除左學習上, 食飯﹑沖涼都計時嗎？如果超時你會點做？THANKS!!!!

BTW, 你好醒, 又知佢P.4!!!!

justin2003

回復 LuckyHH 的帖子

係, 經過今次之後, 我都開始每份功課SET TIME LIMIT了！希望可以改善！

justin2003

回復 wsk7777 的帖子

謝謝你！我會努力找合適GE方法幫助佢, 等佢唔好垂頭喪氣咁 ...

justin2003

smallfoothk, 請問有好介紹嗎？THANKS!!!!

Meikin

回復 justin2003 的帖子

咁我又沒有做每樣事計時, 只是要催佢提佢起碼要在合理時間內完成.  其實如果唔催佢, 佢單是吃早餐 (一片bread+一杯奶)最高記錄是用2.5小時, 阿哥做同樣事只需5分鐘......我而家不時提佢, 也向佢陳述要改善做事過慢的習慣, 否則到測驗考試都快唔到的利弊, 佢做事才回復比較合理的速度, 但都少少below average.  沒法啦, 明白佢天生如此, 只能幫佢盡量改善.

Meikin

呀, 還有一樣嘢.  若時間許可, 不要因為孩子做事慢而cut晒佢的課外活動, 因為俾佢多些時間, 佢只會拖更慢來完成.

我細仔小五時被選入badminton & table-tennis校隊, 一星期放學有四天要留校練波, 另外有一天evening要打tennis (佢一路打開的), 本來都諗住cut一些, 但心想cut晒都唔係辦法, 佢要hea住做, 你俾多幾多個鐘佢都冇用, 而且阿仔又表明好想參加, 於是同佢講明, 佢要自己就時間, 如發覺佢最終攪唔掂功課, 就冇得繼續.  結果真係有奇蹟 -- 阿仔竟然為此自動自覺在學校完成部份功課, 活動後回家做功課温書都自動快咗, 因為時間冇咁多, 佢唔做快D唔得. 而另外多年保持運動活動也有意外得着, 對佢的體質和健康也有好大幫助, 自小困擾佢的鼻敏感和氣管敏感差不多消失了.   而家佢小六, 表現比起小五真有天壤之別, 唯是週末做其他事仍保持其hea精本色, 要三催四請........

wgcw1210

贊成時間管理係由日常生活開始

睇黎樓主咁緊張, 都應該係平時見小朋友D嘢做唔切, 會幫佢拿拿聲做埋?
所以先由自己入手, 就係禁住自己隻手, 唔好咁易出手幫佢, 若果佢朝早hea由得佢遲, 佢遲一次, 比學校罰過就知, 當然, 最好同老師夾夾計, 兩邊口供一致啦~

justin2003

回復 wgcw1210 的帖子

我唔會幫佢做埋架, 一年級試過佢太慢唔俾佢完成份功課, 第日番去欠交, 所以O係功課上唔係太慢, 不過學MEIKIN話, O係日常生活上佢比較要三催四請,我試過出街前催佢執好去街GE背"郎", 但到我出得門口時宦佢都未執, 我唔理佢唔出聲行去門口, 佢先至去執 .... 睇來係日常生活既三催四請令佢冇時間觀念？

justin2003

回復 Meikin 的帖子

THANKS SO MUCH!!!!!!!! 我會試下你的方法！

justin2003

smallfoothk, thanks!

wgcw1210

咁可能係應試技巧問題, 咁真係要擺個timer比佢睇住黎做卷
另外, 除左整體時間運用, 會唔會係有D題目唔應該花咁多時間? 過份專注晌某D題目? 呢D都要同佢練架~

justin2003

係，你講啱了，佢考完第一科返來同我講可能某d題目諗耐左，我當日同佢講下一科唔可以咁，點知第二日如是，第三日如是........究竟係我表達唔清楚，定係佢太固執，又或者臨場太緊張.....所以我上來問下媽媽們有冇方法喺平時就加快速度.....抑或是心理問題(緊張).....定係佢真係咁唔信任我嘅意見(叫佢唔識就跳下一題)

wgcw1210

justin2003 發表於 13-1-23 01:34
係，你講啱了，佢考完第一科返來同我講可能某d題目諗耐左，我當日同佢講下一科唔可以咁，點知第二日如是， ...

咁佢都係第一次考試係咁做唔晒啫, 好難一下子話改就改可以下學期同佢練下, 其實佢自己都知問題所在, 但係咁細個未必識得自己去改善, 可能要比D貼士佢

wsk7777

緊張或考試期間的精神狀態都會影響小孩子的考試表現。
可以讓小朋友習慣每晚十點前上牀睡覺，及盡量壓制自己的緊張反應及語氣，你表現出對考試的緊張心情，小朋友未懂得如何控制情緒，他們面對考試時會比大人更加大壓力，考試表現受到影響是可以理解的！
小兒在小學階段的考試前，總是在問，如果考試結果未如理想，你們會否很生氣？我給予的答案是，只要認為自己已經盡了力，無論是甚麼成績我都會接受。你會察覺孩子的臉上會重現笑容，信心亦回來了！
每當小朋友考試後，細心觀察他們是否疲倦，仿似做了一整天的勞動，這時候須要我們的安慰，找方法讓他們先鬆弛一下。試想一下，就算機器在長期不斷操作的情況下，亦須要停下來調節，更何況是一個小小年紀的小朋友。我的做法是帶領他去畫畫、去超市讓他選購喜歡吃的食物或去球場做短暫的運動。
相反如果我們仍然為着小孩這天的考試失準，不斷加上訓斥，小孩不單只未能把心情平伏下來，更加上父母的不斷趨策，小孩子只會感到更大壓力，加速耗盡他們剩餘的精力，引致事倍功半，那又何苦呢！