沙田區媽媽。。。。好沮喪 -_-

kiukiupig

沙田B2A學生，爭少少或可攀上B1尾，但只剩1次呈分機會，不敢寄望，心有幾急幾擔心幾唔開心，在囡面前亦要笑着臉，鼓勵。。。振作。。。
但綜觀沙田區入唔到13間B1英中，除了馬鞍山胡忠的中中外，就冇乜band2頭嘅中學。其實若派到都唔係咁想個囡入馬鞍山讀書。



幾個月後可能會含着一腔眼淚對着張統一派位表格，落唔到筆。。。。真唔想面對這一日的來臨!!!  可唔可以比條生路行下????

km1357

b2a 就揀培基喇, 雖然要比學費.

kiukiupig

培基已報，26/1 interview, 只報了區內一間直資，其他多有直屬小學，位得好少。

但有得in, 唔係一定收噃!!!

pineapple0983

就算真係入唔到 b1，本區都仲有唔少選擇。

馬鞍山有咩問題呢？好似胡中、馬崇、ymca ed 交通都方便丫~

Chunyan

b2中學都可以讀得好和開心,相反,b1都有好多人讀得唔好.距離方面,中一生遠D都應該自己返都OK

sammibaby

努力D加把勁可能喺下次呈分試入到B1組別，而且聽聞沙田區有足夠學位，大抽獎結果可能有意外收穫。

kiukiupig

pineapple0983 發表於 13-1-18 14:11
就算真係入唔到 b1，本區都仲有唔少選擇。

馬鞍山有咩問題呢？好似胡中、馬崇、ymca ed 交通都方便丫~ ...

雖則話在沙田區，但都要轉程小巴，先可搭到馬鐵入馬鞍山。
比較沙田區，咁多間B1英中和B2中中, 什麼。。會考6科14分 %。。。DSE %。。。入U%。。。個心都涼了一截，冇晒心機 _~_

khmama

你要報其他直資都仲有大把機會，唔好比咁大壓力自己同小朋友，放鬆啲，升中只係人生另一階段，沙田算幾好㗎啦，band2都唔少，校風又ok.

tracy668899

Hi,kiukiupig:我同你情況完全一樣呀，band2a,差少少去到band1,我又係直資只有報培基，我自行就棟左郭得勝同胡忠。我老公都唔鍾意阿仔去到馬鞍山讀書（我地住大圍）但我坐馬鐵響恆安站落都係行5~7分鐘到，都好方便呀!(學校老師說胡忠今年已經去到band1尾）另一方面。我初頭都好想好想阿仔讀英中，但有一次一個入到去體藝中一既媽媽同我講，佢個女都係band2a,但運動出色所以入到，佢好真心同我講佢囡囡都讀得好辛苦，追唔到.好心痛令阿女辛苦。所以我地吾好太勉強吧! 我都係諗如果第三次呈分佢上到band one就當然好，證明佢可以上到，但唔得既真係算啦，band two只要佢讀得開心又可以做頭幾名，咪重好.

kiukiupig

tracy668899 發表於 13-1-18 23:05
Hi,kiukiupig:我同你情況完全一樣呀，band2a,差少少去到band1,我又係直資只有報培基，我自行就棟左郭得勝同 ...

十分多謝你嘅提點。我自行已入表沙蘇，明知機會極微，但小女普通話不錯，希望面試爭取好表現搏一搏。
第二志願還未決定，諗緊應否揀進取啲，還是選B2A的學校in?  反正大抽獎都是要放第二組別的學校 (但又怕隨機號碼唔好), 到時派到B2C, B3，慘。。。。真係失去方向

gloriap

kiukiupig 發表於 13-1-18 23:33
十分多謝你嘅提點。我自行已入表沙蘇，明知機會極微，但小女普通話不錯，希望面試爭取好表現搏一搏。
第二 ...

我女同妳個小朋友一樣,我揀一間b2同一間b1尾博;當然揀一間穩陣大機會,加油!

tracy668899

如果肯定第三次呈分之後都係band2，我相信我地全部會揀返band2學校，都吾會派到甘後既（好大機會頭三志願)，只係怕以為自己上到band1,點知原來係band2,甘頭志願揀哂band1,至會派到band3姐，況且我地沙田都係好區，沙田band2學校都唔係差吖，我地一齊加油啦!唔好太擔心!

SiuLai05

各位，看見大家留言，容許我宣洩下。我仔今天才派成績表，小五下學期屬b1尾，今年派的成績同往年差不多，學校因為要今天才派成績單，所以上星期派咗張紙比家長顯示小朋友banding.那時band1尾／band2頭，所以我們自行都揀咗兩間band1（比較出名）中學博一博，誰知今天見家長，話阿仔屬band2頭，那樣我報那兩間自行咪白費晒。最可惜是我無報定直資做後備，現在都不知點算好。阿仔那間小學是英小（數學和科學都用英文教），如果中學揀唔到英中都唔知點算。

khmama

依家有語言微調，band2頭中中好多都有開英文班，入到去讀都唔錯.而且仲有一次呈分試，仍有機會上band1.