請提供意見, 謝謝!

Stone媽媽

大家好,

我係在職媽媽, 我囝囝上星期已評為a仔, 個醫生講我仔65分, 如果60分就會比佢排特殊學校, 70分或以上就排兼收. 因為佢未講我仔有咩問題時, 佢問我覺得囝囝有咩問題, 我直接同佢講我覺得佢似自閉証, 之後個醫生問我如果係, 我會點, 我答佢當然盡快幫佢報私人密集, 幫到幾多幫幾多啦. 所以個醫生同我講如果我會係呢幾個月比佢上密集, 佢建議排兼收, 因為兼收可以搏今年9月入k1, 到時同多d小朋友接觸, 但如果排特殊, 一定係下年9月先有機會入學, 同埋佢話如果呢幾個月比佢上密集佢可能可以進度好多, 所以佢同我排兼收. 但因為我囝囝12月返左13日2歲暫托班, 個主任話佢好有問題, 唔適合兼收, 要讀一對幾果d特殊學校, 同埋要求我退下年k1學位, 我照同個醫生講, 但個醫生話學校只對13日, 未了解小朋友, 同埋派到兼收學校, 學校自然會有方法教佢地. 個醫生話如果我仲咁擔心, 可以等9月派唔到兼收既話, 年頭再去做評估, 如果評到建議入特殊位到時先再轉都得.

我個仔26個月, 完全唔識講野, 同唔識表達, 佢評到語言同表達只有1歲, 智齡同體能得歲半. 我而家應該可以報咩私人機構可以好快可以上堂? 我住元朗區, 見協康要排到唔知幾時, 唔想等, 見links既密集都有分2種, 其實都唔知我個仔應該報咩先. 同埋剛搵到間幼稚園肯包容比我小朋友返n班, 咁我應唔應該比我小朋友返半日 / 全日n班, 還是只係上3日既密集 / 5日既密集, 加其他小組訓練?

我而家好心急, 好怕佢如果能力唔得但9月又好好彩咁入到兼收, 到時跟唔上, 最後係兼收到浪費時間, 到時小學又要入特殊小學, 好怕害左囝囝.

想問下大家既意見, 謝謝~~

fishcowcow

其實我囝都係岩岩評左自傾, 我都周圍搵緊不同意見, 不過我見你話言語表達只有1yr, 智能只有1.5yr, 我個人意見覺得應該返密集會岩啲, 我囝都返緊全日n班, 佢言語有2yr, 認知ok, 返n班都唔同其他小朋友玩(因為社交差, 有語言但溝通弱), 所以我覺得你應該先俾小朋友上密集

fishcowcow

我囝而家29個月

yauman76

Stone媽媽 發表於 13-1-14 14:01
大家好,

我係在職媽媽, 我囝囝上星期已評為a仔, 個醫生講我仔65分, 如果60分就會比佢排特殊學校, 70分或 ...

按你小朋友嘅能力選擇, 唔好太免強, 同埋最好按步就班, 先打好個底, 將來仲有機會入主流的.

Stone媽媽

回復 yauman76 的帖子

咁即係應該半日n + 3日密集, 定係5日密集好呀? 還是3日密集+小組訓練好?
謝謝~

pocoyo123

stone媽媽:

第一, 不要太期望I位有好大幫助, I位只合適一些有小許遲緩小朋友, 每月只有兩堂半小時的ST, 三個月一次的OT, 一個叫每日在校的兼收老師, 可惜老師功作多, 好多時係一個星期得好小時間同小朋友做訓練, 而且兼收老師師資參次, 不太專業.

S位相信對你小朋友的好處比較多, 而且S位好難排, 你現在開始, 有可能係一年至兩年先有, 到時已近4歲, 時間無多, 距離上小學只有兩年, 所以, 要一路等政府, 一路出去做私人訓練.

如經濟許可, 當然去讀私人S位好, 去一般KG上N班, 小朋友無溝通,無言語, 返去可能只係坐, 學唔到野

wilyun

我會建議你半日N+密集,如真的很辛苦,到時或者有兩日N唔好返,咁就可以比到個小朋友有足夠休息.

再講,我仔都好似你果仔咁,個結論都係差唔多,但個DR只比我去兼收,我覺得你唔使太擔心,最重要係要在黃金期幫到個仔幾多得幾多,等佢開到口,到時你就可以放鬆D!

咁你仔的動作表達良好嗎? 醫生話我仔的動作能表達到自己意思,所以佢覺得唔太嚴重...

yauman76

Stone媽媽 發表於 13-1-14 18:14
回復 yauman76 的帖子

咁即係應該半日n + 3日密集, 定係5日密集好呀? 還是3日密集+小組訓練好?

你小朋友未識表達, 先上個别PST, 如感統有問題, 再加個别OT, 當識聽一d基本指令時, 再上5天密集式, 其他小組或個別訓練如playgroup, 社交, 音樂, 感統或言語等可因應小朋友進度而自由安排. 而3天密集式沒有3T訓練, 成效自然比5天的弱, 這當然都要視乎小朋友嘅程度而選擇. 程度較弱選5天的會比較好.

idak

天水圍循X衛理楊震新開密集式課程，你可以上網搵自悠天地，因為係新開，你睇長沙灣d課程，再打電話問。

Stone媽媽

pocoyo123 發表於 13-1-14 18:20
stone媽媽:

第一, 不要太期望I位有好大幫助, I位只合適一些有小許遲緩小朋友, 每月只有兩堂半小時的ST, 三 ...

如果今年派到入兼收, 但發現原來囝囝仔跟唔上, 冇幫助, 可唔可以申請返轉特殊位嫁? 定係入左兼收位, 就一定讀到畢業為止?

yauman76

Stone媽媽 發表於 13-1-15 09:13
如果今年派到入兼收, 但發現原來囝囝仔跟唔上, 冇幫助, 可唔可以申請返轉特殊位嫁? 定係入左兼收位, 就一 ...

聽聞如果係兼收位幼稚園覺得小朋友程度未夠, 佢地會轉介社署排番s位, 唔需要重新排過. 你最好double confirm你個社工係咪咁樣安排.

yypotato

個人小小意見，你個小朋友現時情況，盡快俾佢上私人密集訓練。小朋友幾個月可能唔同晒。咁樣九月仲有機會適應兼收位。搵私人S位都要排隊，搵得嚟都啱架啦，我哋之前都係咁做。

idak

認同！但我就金錢及地區問題遲咗讀密集，但番咗兩個月進步咗好多。

Stone媽媽

yypotato 發表於 13-1-15 21:22
個人小小意見，你個小朋友現時情況，盡快俾佢上私人密集訓練。小朋友幾個月可能唔同晒。咁樣九月仲有機會適 ...

可唔可以建議一下邊間私人可以快上堂同質素ok呀?

fishcowcow

邊間快你要打去問, 同埋睇下你地區

chanmuimui

回復 Stone媽媽 的帖子

Hi,
Strongly recommend u attend the 努力試 in Feb night time. It's for parent to learn how to teach A 仔.

Their website
http://www.lp.org.hk/
Besides I have share some info before in link below hope it helps.
http://www.edu-kingdom.com/forum.php?mod=viewthread&tid=2463754

yypotato

回復 Stone媽媽 的帖子

我小朋友之前喺領思上堂，都幾好。其他私人S位冇去過。唔敢俾意見。

麵包阿媽

回復 yypotato 的帖子



一直只在baby kingdom 睇煮食的,今個星期才見到有特殊教育關於自閉症這一欄,好想同大家分享一下自已旳意見.
看過上文都很理解各媽咪焦急的心情,因為我都做全部做過,我家有自閉兒 2 個.小朋友兩歲的評估報告,只是一些基
本智能測試,可能同將來的能力分別很大.私人醫生通常唔見意去排s位,同埋家長都唔常仔女去行特殊學校e條路先,
就選擇i位,其實如何密習的課程,都是每天短短旳一課,通常花上交通旳時間還要比學習的時間長.大人同仔仔都疲倦.
課程一定要上,但要張每次學的東西回家重覆練習.絰驗令我明白最好的導師就在孩子身邊(即是自已).自閉兒這種孩
子不會在短短的時間進步很大,但爸爸媽媽付出時間觀察其特性,一定找到學習方向.  努力!加油!

Stone媽媽

回復 yypotato 的帖子

返5日密集嗎? 佢5日密集有分2隻, 你返邊個課程呀?
謝謝~

Stone媽媽

回復 chanmuimui 的帖子

我原先都想報, 但我同先生果幾日都要ot, 實上唔到, 所以放棄左la....