英普班的問題!

yzxz

想請教各位,如果小朋友讀英普班,而班中幾乎沒有人說廣東話,老師又只會說英/普,
小朋友會否不懂廣東話或令小朋友的母語變成英/普而不是廣東話?
我和我先生日常都用廣東話/英語溝通,跟小朋友也用上廣東話/英語
由於小朋友在面試表現不理想,所以只有3個英普班的offers,而當中並沒有心儀的學校
小朋友發展較慢,近一至兩個月才啟齒說話,除非經我再三強調事物的廣東話說法,
否則他大部分學會說的字都是英文,我很擔心如果送他讀英/普pn班,
他的母語會變成英/普.我已經一直都十分盡力用廣東話跟他溝通,只用了極少的英文
他聽得明大部分中文的指示,但大部分他說出口的名詞都是英文,除非是我再三教他說的字
但很多時他第一反應都要英文.例如指著一度門問他這是甚麼,他總是要說door!
教了很多次這是門,他亦知道這是門,但再問他時他都是說door..
如果他上了英/普班, 會否令他不懂廣東話????


謝謝各位解答!

QQQme

我有好多竹昇朋友, 佢哋外國出世, 接受了二十幾年全英語教育, 三十幾年來生活在全英語環境... 就只靠父母喺屋企用廣東話同佢哋溝通, 佢哋都可以講得一口流利廣東話... (咁當然睇同寫就好麻麻喇!)

Virginia_Arare

我個囡都讀緊英普 n 班，主要靠我哋係屋企同佢講廣東話，so far 佢冇話 pick up 唔到廣東話，但佢同其他人傾計時會選擇講英文先，我覺得每日三個鐘都只係講英文、普通話，有咁嘅事係好正常，唔駛太担心，keep 住教佢講廣東話就得，生活係香港，好難唔識講廣東話嘅。

Virginia_Arare

反而而家我會重點用廣東話教中文字，只識用普通話讀中文字咪仲大鑊? 點考小一呢?

yzxz

回復 QQQme 的帖子

bingbingo

原帖由 yzxz 於 13-01-13 發表
回復 QQQme 的帖子

我想你就係講緊我地吧..我地2個都接受了全英語教育,求學時期都不在香港.現在聽/說廣東 ...

哈哈，你可以睇 EK ，又可以出帖及回應，中文程度都已經好好吖，不用擔心 ^^

FattyDaddy

yzxz 發表於 13-1-13 04:08
我和我先生日常都用廣東話/英語溝通,跟小朋友也用上廣東話/英語 ...

I'm wondering, do you and your husband speak to your child in a mixture of Cantonese and English? e.g. one sentence in Cantonese and then another sentence in English? Or one day Cantonese and the next day English?

If that is the case, I suggest you change the pattern, you speak only English and your husband only Cantonese, or vice-versa whichever is more comfortable to you two. The important point is, one person should only ever speak one language to the child. This way the child will be aware of the fact that he/she is dealing with 2 different languages and should use one or the other depending on circumstances, he/she will then always say "door" to you and "門" to your husband.

sugarnana

放心，我孩都是英普班，幾年下來，驚覺孩子對語言的適應力遠超我想像。生活在香港，父母又跟孩子說廣東話，怎會不懂廣東話呢！

tam_bb

原帖由 sugarnana 於 13-01-14 發表
放心，我孩都是英普班，幾年下來，驚覺孩子對語言的適應力遠超我想像。生活在香港，父母又跟孩子說廣東話， ...

想請教一下，如果小朋友讀英普班，學校教中文生字時，會用普通話教，例如「牛」---> niu。咁小朋友一見到個「牛」字，便只會說普通話「niu」，而唔識這個廣東話發音嗎？ 相反地，如果我用廣東話講個「牛」字，小朋友會唔會唔識寫？ 對將來考小一有影響嗎？

tantanmama

回復 tam_bb 的帖子

我個女讀緊K1英普班, 我會自己再用廣東話讀D字教佢. 就算我唔同佢讀, 日常用字佢聽得多, 佢自己都識得轉. 就好佢知隻牛英文叫cow, 普通話叫niu, 廣東話叫牛一樣.

晞晞爸b

路過
其實又唔駛太擔心
小朋友學習能力好強
會自動轉CHANNEL既
我父母都係兩種唔同方言我細細個都自動會轉CHANNEL (對住亞媽講閩南話 & 對住亞爸講國語)

當然..家長自己都要有責任教返小朋友廣東話既..唔可以全部旨意及靠晒學校教

oooasis

我唔中意英普班，因為小朋友適應新環境，有一種熟悉的語言比較好。
佢到學校同老師傾計，講野，同小朋友相處，一定用母語比較好（更何況小朋友連母語都還沒有成熟）。
我自己覺得幼稚園階段用廣東話同學習英文，去到小學階段學普通話，絕對唔會遲。

whitepurin

我就係有d擔心以廣東話為主嘅小朋友上英普班會唔會唔知上堂做咩。我女無咩得揀下而家返緊英普pn, 佢本身份人已經好被動內向，返咗4個月仲好似唔係同老師好熟，我擔心溝通唔到令佢更加被動唔識同人溝通...

hobby

我囡都返緊英普k1, 不過以普通話為主, 我睇上課video, 知道佢完全知老師講咩, 但有時會答普通話, 有時答廣東話, 我覺得都冇大問題

melonfans

yzxz 發表於 13-1-13 14:11
回復 QQQme 的帖子

我想你就係講緊我地吧..我地2個都接受了全英語教育,求學時期都不在香港.現在聽/說廣東 ...

吾會! 你放心, 我仔依家k1, 屋企廣東話同英語, 佢依家可以將自己講嘅中英文翻譯, 我開頭教佢英文, 我見佢吾明, 就再用中文講1次, 慢慢佢習慣咗.  所以佢有時講吾正d音,我聽吾明,  佢就會中譯英, 英譯中咁同我講.

我地無講pth, 佢係學校又識聽識讀書, 但就吾會普通話對答.

嗰日我買咗 Dora DVD 畀佢睇, 無端端教數西班牙文1-10, 又畀佢學得識!

所以話1-6歲係語言天才係無錯!

yzxz

回復 FattyDaddy 的帖子

我們就是知道這樣會造成混淆所以早已決定一人負責一種語言.問題是當小朋友最初學某個字是以英文先學的話,(例如"DOOR"),之後他也只會說door.但他知道door是門,當我問他門在那裡時他又懂得指著任何一度門

yzxz

回復 sugarnana 的帖子

我很擔心呀.小朋友又不是醒目過人

sugarnana

英普／英粵各有各優點，父母可根據自己家庭的情況作選擇，因為適合我的，可能不適合別人。

於我而言，我想孩子盡早接觸兩文三語。因家人都不諳普通話，與其花錢花時間在外面學普通話，不如索性上英普班。不要低估孩子的能力，班中應該沒有同學以普通話為母語，但全部都適應得很好，什麼人用什麼語言跟他們談話，他們會自動轉channel的，不用擔心。

升小一問題，針無兩頭利，如果報考的小學有考普通話，你就發達喇！但大多數小學面試都主要用廣東話，那就要父母在家中做點功夫，跟孩子多說話、多閱讀是不二之門。

marcuscyrus

我兩個仔都是讀英普班，大仔已小一，細仔k2，家中只說普通話，計落用廣東話的時間比用英/普的時間多好多，所以不會出現不懂廣東話的問題啦

FattyDaddy

yzxz 發表於 13-1-15 00:06
問題是當小朋友最初學某個字是以英文先學的話,(例如"DOOR"),之後他也只會說door.但他知道door是門,當我問他門在那裡時他又懂得指著任何一度門
...

That is not a problem, as long as he understands both the words "door" and "門" and realizes they belong to 2 different languages.