九龍城Band 1 中, 女仔的選擇

Siuchoi

請問女仔九龍城Band 1 中, 咁樣揀會否冒險?

1) 伊中 (係亞女想試, 但我好驚....>_<)
2) 旅港 (覺得都適合)

我係唔係進取左?
係唔係應該揾間 Band 1中 或 Band 1尾 代替伊中?
本想揀黄笏南, 但因要搬校, 實在唔方便.....

兩難中.......

ohnono

伊中真係難左d，不過如果係聯繫小學又無理由唔搏，就算唔得都有聯繫位抽，太快投降又好似唔抵。如果小學是聯繫小學，我都會咁填，就算真係入旅港都收貨啦！

Siuchoi

回復 ohnono 的帖子

我女係農小, 都算係聯系小學, 我只打算自行去見, 到大抽獎我就唔揀了, 邊有得同人爭吖.....>_<

vanover

上年經驗，呀仔男同學名次全級約30名，報伊中和旅港，無得in伊中，但有in旅港，最后派位入伊中。另一女同學名次約10名，有得in伊中，但最后入有旅港。我哋都係聯繫小學，小小分享，希望幫到你

Jackieson

原帖由 vanover 於 13-01-10 發表
上年經驗，呀仔男同學名次全級約30名，報伊中和旅港，無得in伊中，但有in旅港，最后派位入伊中。另一女同學 ...

所以我覺得樓主抽獎入QESS的機會仲大過自行，話明抽獎，講運數，只要係b1生，機會都一樣。

Siuchoi

回復 vanover 的帖子

但我地間小學係九龍城，而伊中係油尖旺，我們叫做他區了，所以一抽獎時學位好少架咋。

安格斯媽媽

原帖由 Siuchoi 於 13-01-10 發表
回復 ohnono 的帖子

我女係農小, 都算係聯系小學, 我只打算自行去見, 到大抽獎我就唔揀了, 邊有得同人爭吖 ...

自行伊中可能過份進取，反而抽獎大家都是b1生無話無機會，有聯繫位加隨機編號前米抽到囉，反而自行旅把握大d

ohnono

Siuchoi 發表於 13-1-10 17:49
回復 vanover 的帖子

但我地間小學係九龍城，而伊中係油尖旺，我們叫做他區了，所以一抽獎時學位好少架咋 ...

伊中雖然屬油尖旺區，但伊中是九龍城區官小的聯繫中學，每年都有16、7個聯繫位比九龍城區的四間官小，另還有和2、3個他區位比九龍城區的同學去抽。

我估計，九龍城區內幾間官小大約有唔夠300個band 1生，就算真係全部揀晒伊中都係300個去抽16+2個位。
睇落好似唔係好高，如果你用舉例華英去計，九龍城大約有1500個band 1生，有大約一半人以華英為首的話，即係750人搏78個位，更係搏華英重抵過搏QES，況且可能有1/3人選迦密，1/3人選旅港，又可能有部份人選黃笏南，整整下再扣除埋選伊中的300人，得番百零人搏華英那78個位都未定，真係搏伊中好似唔係好抵。

不過，我會咁諗，將這300個band 1同學分開band 1a、1b和1c，每部份大約有100人。以九龍城區的band 1a同學來說，應該好多會於自行時已經成功，即係得番200人倒。又部份band 1c因讀書壓力問題而放棄伊中的話，咁就會剩下約100人左右。到最後，我估計在統一派位乙部時，有可能唔多過100人選伊中作為第一志願聯繫位的選擇，機會唔會太差，想搏嘅可以考慮一下。

Ottomom

係咪即是九龍城band 1填伊中甲部都有機？

ohnono

Ottomom 發表於 13-1-10 22:35
係咪即是九龍城band 1填伊中甲部都有機？

伊中甲部得7個位，但公開給全港約萬多兩萬個band 1生去抽，只可以說是聊勝於無，好難估計有幾多機會。
如果有興趣伊中，不妨將佢放甲部第一志願碰碰運氣。

Siuchoi

真係好感謝大家咁細心既分析，我會冷靜地再想想。
再次多謝大家!

Siuchoi

有少許事情發生了，之前細女見過福中，今日收到信取錄了，咁•••••應該放棄福中，去自行同繼續玩下去嗎？
我大女之前派得唔好，我有恐懼，現在到細妺了，要闖下去嗎？

lopoto

係九龍城BAND 1中，只要頭3個志願小心D排，點都入到間英中的

有朋友女上年排位，一:伊官，二:迦密，三:銀禧
結果入到銀禧

所以如果肯定係BAND 1學生，九龍城入英中應該唔難
(上年係龍年多咁多學生都入到，今年少D學生競爭應該無咁大)

同埋你話個女BAND 1中，你地甘唔甘心入福建放棄自行同派位 ?

ohnono

Siuchoi 發表於 13-1-11 23:58
有少許事情發生了，之前細女見過福中，今日收到信取錄了，咁•••••應該放棄福中，去自行同繼續玩下去嗎 ...

我記得你大女之前派得唔好應該係估錯banding，對嗎。如果啱banding，就好似今次你細女屬band 1中，清清楚楚，九龍城區內的學生唔會派得好差嘅。
你唔應該比上次的經驗嚇到，應該吸收了上次的經驗，今次可以做得更好。

今年我當冇叩門玩，如果你要左福中，你就冇得自行、冇得抽獎、冇得放榜後叩門，所以我係你都會婉拒福中。

vanover

講多少少我哋都係九龍城區官小，上年有同學填統一派位第一伊中、旅港、丘佐榮，結果入旅港，另一個第一揀華英、迦密、丘佐榮，結果入丘佐榮。佢兩個都係band1中。 我覺得隨機號碼重要，但頭3位排位更重要，九龍城已經有好多選擇，好好考慮清楚。Good luck!

春卷

原帖由 vanover 於 13-01-12 發表
講多少少我哋都係九龍城區官小，上年有同學填統一派位第一伊中、旅港、丘佐榮，結果入旅港，另一個第一揀華 ...

伊中不是油尖旺網嗎？

gloriap

Siuchoi 發表於 13-1-9 20:50
請問女仔九龍城Band 1 中, 咁樣揀會否冒險?

1) 伊中 (係亞女想試, 但我好驚....>_ ...

請問培道係band幾呀?

piano513

Band2頭，上位中及好熱門。

gloriap

piano513 發表於 13-1-14 03:34
Band2頭，上位中及好熱門。

咁俾各位b1尾b2頭女仔會諗銀禧定培道作次選?(我官塘區首選係官塘b1c)