單黃管，到琴行還是私人授課好﹖

olima

請教各位，想兒子學單黃管，到琴行還是私人授課好﹖

LungYueChun

私人就跟得足D,時間彈性D,當然就會貴d..  琴行睇你遇到咩老師啦, 質素會參差d...

bebebe12345

儘量找資料跟私人.....

happy105

咁學單黄管學費貴嗎？

olima

單黃管私人要約$300多/半小時，琴行也是一對一，價錢則平一半...

我就是想不通，單黃管跟鋼琴及小提琴等相比，不算一般，在琴行學，只收百多元半小時，老師仲要跟琴行拆賬，老師的質素值得相榷...

alkycham

做琴行的老師很多都不想走遍全香港上門教，集合學生於固定位置只是方便自己。同時車費時間都慳唔少。琴行可以連續教幾個接住時間，但走幾個上門學生，需要更多時間車資。琴行幫你搵埋學生分配好所有時間地方，正常要與老師分拆。但唔代表老師一定唔好，有好多私人收得貴都有個別的問題。如果以收入多少來定義老師質素我又覺得有點不公平了

bebebe12345

簡單來說、好的單黃管老師並不多!
琴行更不用多說.....要求問題而已,知得多一點,要求自然不同。
想像一下每位老 師能教多少學生....20....30?

ada1812

原帖由 alkycham 於 13-02-08 發表
做琴行的老師很多都不想走遍全香港上門教，集合學生於固定位置只是方便自己。同時車費時間都慳唔少。琴行可 ...

極度讚同Alkycham的說法！

我的琴老師，就是從琴行撬出來，請她上門教的，不知教得幾好！佢仲唔係主修音樂畢業添，佢讀會計既。我個女就跟佢學到八級。琴行中，臥虎藏龍的有。XX學院畢業出來的，出來混飯吃的也有。

我的第一個長笛老師，就是XX學院畢業，仲係學位畢業果隻，又考到FTCL，請到佢教，成個花靚咁，又遲到又成日改時間，佢話要演出喎！係吹得好勁呀，不過唔知佢教左D乜囉！後來唯有換個資歷相對冇咁巴閉既，又係跟到八級！

找老師，有D似找裝修，睇表面就巴巴閉，自己用到就一篤屎，反而熟人介紹，話唔定可找到隱世高人。

miss321

還有第3個選擇，老師有自己地方，不做琴行不做上門，學生自己找上來。

bebebe12345

高人都少之又少、何況是"隱世"高人!
能夠遇到又肯教,孩子的運氣。
八級只是十分初步,加把勁再上。唉!一位老 師能教多少位學生,有數得計。