祟真, 聖羅撒, 協恩 你會點排行呢?

MyMeeMee

祟真, 聖羅撒, 協恩 你會點排行呢?

TKO_NANA

協恩 --> 崇真 --> 聖羅撒

breadbb

原帖由 TKO_NANA 於 12-12-28 發表
協恩 --> 崇真 --> 聖羅撒

Agree

MyMeeMee

崇真OFFER PM比我囡囡, 會吾會升上小學機會低咗? 睇咗好多崇真討論話去年收少咗原校生
如聖羅撒有AM OFFER, 係吾係叩門機會上小學大D呢?

sarubuta

MyMeeMee 發表於 12-12-28 14:10
崇真OFFER PM比我囡囡, 會吾會升上小學機會低咗? 睇咗好多崇真討論話去年收少咗原校生
如聖羅撒有AM OFFER, ...

其實呢三間都難揀，都不是我心目中的首選，我自己就會排：
協恩　＞　聖羅撒AM　＞　崇真PM


崇真PM offer 係英粵？　其實崇幼上崇小都係睇到時面試表現（都係要同街外人一齊見），我覺得唔會因為係PM而上崇小機會細，始終有人自己選PM班，我估間學校唔會咁得閒check 番三年前考入崇幼係考唔到AM而被學校安排了PM，睇都睇三年在崇幼的表現啦。anyway, 崇幼上崇小本身都好似只得1/3定一半。你本身鐘唔鐘意崇小？經過簡介會及了解後，我自己真係一般，我覺得同讀一般津校分別不大（除了是英文小學），但要俾學費。崇真以前真係唔出名，現在因為大家追求龍校私校及學校課程的改進而多人爭。但有時我會想是否值得用小朋友三年時間換一個不是gurantee 的backup（只係大Ｄ機會有個backup），除非你本身很喜歡崇幼崇小。崇幼有好多課外活動，係好好，但是在lunch time（12:00-1:00pm PM班返學前），即係小朋友好早要食完午飯上校車，我個人覺得課外活動安排在呢個時間不太好，可能影響到小朋友上學的狀態。以上都是個人感想，不喜勿插。

但睇以前EK的post, 聖羅撒幼稚園扣門聖羅撒小學未必有優勢（甚至係選扣門生時唔鐘意揀幼稚園部的小朋友）, 轉了校長加深了課程後的情況就唔知啦。聖羅撒品德德育教育一向做得好，亦係一間好有歷史，好出名，好的學校，如是上午班時間會較好用，可以下午去上英文堂補不足，又或者上興趣班。我個人覺得拎住聖羅撒幼稚園生個名出去考私校會比崇幼好。聖羅撒是天主教，其他兩間是基督教，可以睇埋宗教是否考慮因素。

協恩一定在這三間排第一，因為扣門協恩小學必須是協幼生。出去考私小的往積好似都不錯（當然係要父母另外加以栽培啦）再者，朋輩的質素都會好好（因為是在咁多考生中只選60個）。


申報：
我女崇真waiting, 等緊聖羅撒result, 也會考協恩

2PGirls

我大女今年 st rose k3, 是轉左校長既第一批學生，究竟扣門有冇優勢遲下就知道了
小女今年考左st rose

MyMeeMee

Hi sarubuta,

很多謝你詳細分析, 我真係要想清楚

petercck

我會排：協恩，聖羅撒，祟真。

LL222

我會排：協恩，祟真，聖羅撒。

apple1990

聖羅撒 --> 崇真 --> 協恩

sarubuta

原帖由 apple1990 於 13-01-02 發表
聖羅撒 --> 崇真 --> 協恩

你意思係協恩排第一，聖羅撒第三？定倒番𨍭？

Cindyjasper

原帖由 MyMeeMee 於 12-12-28 發表
祟真, 聖羅撒, 協恩 你會點排行呢?

女仔梗係協恩首選。崇真當年考過直接見校長，佢俾我印象好差，後黎識幾個小朋友讀緊崇真，家長不若而同話學校唔好，有個家長話學校無愛心，試過幾次佢個仔喺學校小便時條褲濕咗，佢哋只係除咗佢條底褲，只著面褲，但學校要求每位學生要帶一條乾淨底褲喺書包；又有一次佢面褲都濕埋，學校求其俾條好大嘅褲佢著，當媽咪喺校車接佢時，佢一落校車樓梯條褲就跌晒落黎，連jj都露晒出黎，佢媽咪好心痛，因條褲係返學無耐就換咗，佢唔知個仔著條咁大嘅褲究竟係點上堂，係唔係又成日甩褲俾同學仔笑，每次媽咪打去學校問，老師答案永遠係唔知，呢d係校工嬸嬸攪，最後讀完k1媽咪決定轉校，請願去不知名學校讀(不喜勿插，我只係聽我朋友講，而且我今年都無小朋友校幼稚園)

Cindyjasper

原帖由 sarubuta 於 12-12-28 發表
其實呢三間都難揀，都不是我心目中的首選，我自己就會排：
協恩　＞　聖羅撒AM　＞　崇真PM

據我知返下晝班參加課外活，要十點幾上校車，價錢雖然好似好平，但成班一齊上學得其實唔多，而且佢哋食午飯，家長通常只可能幫小朋友預備麵包，而且十點左右小朋友就要喺屋企食飯返學。

xxariesxx

今年崇真幼稚園考上小學成績慘淡，聞說七班幼稚園只有兩班能考上小學。而聽聞小學校車收費好甘。。有錯請指正。因是道聽途說。

apple1990

xxariesxx 發表於 13-1-3 21:40
今年崇真幼稚園考上小學成績慘淡，聞說七班幼稚園只有兩班能考上小學。而聽聞小學校車收費好甘。。有錯請指 ...

其實崇幼好多 K3學生....到P1都選擇轉其他小學，因崇小學費都幾貴吓！

apple1990

sarubuta 發表於 13-1-3 18:21
你意思係協恩排第一，聖羅撒第三？定倒番𨍭？

聖羅撒排第一

sarubuta

apple1990 發表於 13-1-3 23:47
聖羅撒排第一

排聖羅撒第一, 協恩最尾, 和我剛好相反.  我想知點解?  想多聽跟自己見解相反的人意見, 可以睇番一D自己忽略了的地方.


我估可能係:
1) 唔想幼稚園開始就讀女校, 不過小學開始女校就冇所謂?
2) 地點
3) 宗教
4) 其他原因?

xxariesxx

原帖由 apple1990 於 13-01-03 發表
其實崇幼好多 K3學生....到P1都選擇轉其他小學，因崇小學費都幾貴吓！ ...

其實大抽獎好講彩數，若考到崇小當個後備都好。我就是聽見有人考不上。

apple1990

sarubuta 發表於 13-1-4 01:44
排聖羅撒第一, 協恩最尾, 和我剛好相反.  我想知點解?  想多聽跟自己見解相反的人意見, 可以睇番一D自己忽 ...

協恩排最後...是因為:-

1) 唔想幼稚園開始就讀女校, 不過小學開始女校就冇所謂? {對}
2) 地點 {到協恩上學相對我家較遠}
3) 宗教 {不是，我哋無宗教}

siukeung37

協恩＞聖羅撒＞崇真