請問今年考小學順利的家長，當年考幼稚園多offer嗎

iamadc

兩者有無關係呢？當年無乜offer的，三年來有乜心得培養小朋友？

coll

囝囝當年得2個k1 offer,而學校是一般，因當年interview時常常封嘴。
這三年太太放左好多心機落囝囝，因學校程度比較淺，我們向幾方面加強發展：藝術，運動，語言等。當中只有2-3樣小朋友唔鍾意就冇繼續，其餘繼續學緊。
今年小學有幾個offer，當中有心儀小學。

ballmini

當年考十間只有兩間收可能細B，今年考小一考左十五間暫有六offer，重有兩間一月出結果。當然這三年努力不少！

Jen123

不要在這裡告訴別人有 6 間收你呀！一些假道學的人又會批評啦！

littlekkl

運動是那一方面呢?

coll

其實都係大路嘅方向。
藝術：鋼琴，畫畫。
語言：中文，普通話，朗誦，phonics, Trinity。
體育：體操，攬球，游泳，羽毛球。
各位小朋友都不同，希望能發現那個方向適合自己小朋友。

fc926

我覺得兩個階段相差頗遠，很難相題並論，考K1時才2-3歲，而考P1時是再3年後的事，人生閱歷已一個double.

iamadc

係同一時間學這麼多東西還是分開學？

小曳人

我覺得兩者未必有直接關係
報KG時，第一輪入嘅機會率相對大，但小一，直係好細機會，學校揀嘅小朋友特性又多咗，唔係好似KG咁簡單

hadwinboy

當年我個仔未到2歲, 有能力但個口被線聯埋左, 要考對答那些全部rejected or waiting, 考做activities那些就全部都收(但非名幼). 2歲之後個口突然拆線, 3句句子用連成轉接詞串起講出來. 學術方面及課外活動有keep 住比佢. 到今年考小學有幾滿意offers, 有waiting, 有reject. 所以我覺得考幼稚園同小學冇乜直接關係, 加上(兩種)學校的要求也不同.     

xxariesxx

我女細b，當日只考4間九龍塘幼稚園，兩間收，最後揀左天主教幼稚園。今年更懶，只考一間又一邨私小，收左。最後第一輪中左心儀天主教小學，放棄私小了

coll

當中一半係長期學，從冇間斷。其餘由三個月至一年多不等。

healthybaby

我個仔係十月細仔，因十一月才讀PN,考名PN全部唔收，之後兩歲讀PN,因剛返學未適應成日喊，碰啱時間又要見k1,於是阿仔去邊間喊到邊間，有d未入門口已經無in.,最後去到一間突然令佢收聲唔喊既幼稚園就收左。當然仲諗緊好唔好俾佢讀遲一年添。
而家考小學表現都ok, 幼稚園只係考說話、自理及社交能力，小一考左好多學術，所以我認為兩者並無關係。