沒有名幼offer的感想

Estherpapa

我和太太都係畢業於香港的著名大學，太太是中學教師，我於公司任中層管理人員，由於我們都算讀得成書，加上身邊的表弟妺及姪女都入到名幼，對女兒有期望都正常。

我同太太係佢18個月已俾佢上Playgroup,2歲後又安排佢上面試班，但我個女真係太活潑，坐唔定，又唔集中，結果見名幼全軍覆沒，由此我們得知沒有人事、沒有實力考名幼的成功機會很低，因考的人太多，沒有僥倖。

現時手上只有2個村校offer，嚟緊重有禮賢及金巴倫的面試，不過都沒有期望了。我同太太都著手幫阿女鋪路入地區小學。

近日開始想通，仔女能否讀得成書，其實都係講命水，無法強求，父母只能從旁協助，順其自然，當然無論如何，他們都是我們的最愛。

muichujamie

唔好灰心....希望在明天!
我之前從一位老師聽過, 佢地選學生, 好少會選父或母係同行架，唔知其他學校係咪都係咁....

mamavee

原帖由 Estherpapa 於 12-12-20 發表
我和太太都係畢業於香港的著名大學，太太是中學教師，我於公司任中層管理人員，由於我們都算讀得成書，加上 ...

Is she a sept- dec baby ? Don't give up , good luck

MissMusic

入到名幼唔等於讀得成書，在名校讀唔成書的大有人在，唔好咁快睇少女兒！

依家醒，第時又唔一定醒咁呢！！！！

cat8141210

Estherpapa 發表於 12-12-20 15:01
我和太太都係畢業於香港的著名大學，太太是中學教師，我於公司任中層管理人員，由於我們都算讀得成書，加上 ...

加油啦爸爸!
唔好太介意呢D面試遊戲,
希望在明天,
有OFFER已經很感恩,
我識的朋友村校OFFER都沒在手,
已經好緊張,
只不過係幼稚園,
係一個START POINT,
如果家下已經要咁緊張,
將來條路會更難行,
平常心吧,
祝你們好運~

bopui0607

小時了了，it's too early to say ! 相信女兒！相信她！

chitchitboy

這個世界沒有名幼，只有最適合你女兒的幼稚園！
而且若你們真的想入名幼，會否考慮york,相信也不錯！
加上如果是細女，可以明年再來一次，做大女，相信一定能如願以償！

lalamike

完全明白及認同!我家的背景跟你差不多，囝囝又係超活躍，比你更差的是，至今一 個offer都沒有（儘管有些kg未見，有未開始報，有未收伩!但明白全都應陪跑!!）!失望了好多次，明白好多事唔能夠控制!幸好，囝囝讀n1的kg也不算好差（雖屬村校非名幼但派位不俗），如果最終冇其他幼稚園收，我惟有放棄轉校的念頭，一心安排未來幾年興趣／學習班安排!

Estherpapa

多謝你的意見，我個女係6月尾中B，所以不會留班了，其實我都認為讀村校沒有甚麼大不了，我自己都唔係畢業於名中學，都入到大學，不過作為父母緊係想俾最好的

T-bone

未到八月尾都仲有希望！實有人放位！

cyyuen0120

回復 Estherpapa 的帖子

名幼都有成績唔理想的學生,所以入唔到名幼唔代表日後的路,幼稚園才是起點,先苦後甜總好過先甜後苦吧 ? 而且你們已有OFFER ,比起其他家長已經很幸運,相信自己的女兒,每個小朋友的特質都唔同,可能普通幼稚園對於自己的小孩更為適合沒壓力,反而發揮到她們的才能呢?

chitchitboy

相信你也明白幼稚園並非終點，只是剛在起點上，加上你們是雙職父母，陪伴女兒時間不及全職母親，我提議不如用這一年時間多觀察女兒發展，明年再試插班？

catcle

想問名幼所指係九龍塘個D? 我覺得實在太難, 閒閒地幾千人考, 考幾百個位. 努力, 仲有小學先最緊要, 呢條路真係好漫長, 作為家長的我們, 真係要互勉.

chitchitboy

Ps 我一位朋友的兒子自小培養，讀耀中，考小一全軍覆沒，結果迫上耀中，又如何呢？
這對父母絕非大富之家，父母也是中學教師而已，讀耀中小學相信非他們所願，否則他們也不用報考十多間私小直資。

ce366

真係可以諗諗去YORK . 佢地唔差架.

coll

Estherpapa 發表於 12-12-20 15:01
我和太太都係畢業於香港的著名大學，太太是中學教師，我於公司任中層管理人員，由於我們都算讀得成書，加上 ...

我囝囝3年前考K1果時大部份學校都係 "封嘴", 考左好多間包括名幼都唔收. 袛有2間收左,1間放棄. 但收左果1間普通幼稚園. 我地都打定輸數讀呢一間, 最後大約6-7月, 有另一間幼稚園(唔係名稚)call 我地話有位比囝囝, 我地就立刻登記, 囝囝都讀左呢間差唔多3年啦. 雖然唔係名幼但係囝囝讀得好開心.

我地係呢3年幫佢報讀其他課程都可以追番好多知識. 今年考小學都教得幾好.

可以再親身或致電心儀幼稚園問學位情況. 最後9月第一個星期再叩門, 因為會有小朋友冇去開學.

祝囡囡好運

rabbitsheasl

其實我和先生都喺大學畢業, 還有Master, 但我哋都唔喺名幼, 名小, 名中, 而喺一般村校出身, 但今時今日, 我倆都好想亞仔靠龍, 原因今時唔同往日, 競爭大得令人可怕

Misschu0126

原帖由 rabbitsheasl 於 12-12-20 發表
其實我和先生都喺大學畢業, 還有Master, 但我哋都唔喺名幼, 名小, 名中, 而喺一般村校出身, 但今時今日, 我 ...

十分認同，今時唔同往日

HCB

係咪住得較遠？

jcaling

不要俾名牌呢個字hurt到自己, 影響正能量諗法, 名校不是一切,最重要係孩子係daddy & mummy既愛下健康成長, 要惜福, 我亦相信你們是知識分子, 一定可以好好教養孩子成為出色既人, 加油呀!