分享真實個案

常樂

前陣子，遇見舊同事時，傾談中得知他的兩名兒子，正在港大就讀醫學院，恭喜他之餘，順道請教他教子之道，他說因他需要工作，兩名兒子上小學後，便將教子重擔交托他的太太處理，但他太太讀書不多，更完全不懂英文，並且生活迫人，不能送兩名兒子去補習，唯一方法便是不斷做坊間練習，兒子不做便打，但想不到成績會這樣好，真是各施各法。
我相信每個孩子有不同性格及優點，若教子方法能切合及配合得當，便事半功倍，當然這可考功夫喇！

Yanamami

不做便打~~~

MrBeast

我會諗，個阿媽係咪一路打，一路話痛在佢心。咁如果唔識做時又點呢?

feiji

謝謝分享。不過，我覺得親子關係都很重要。

huba

祝這對家長好運，希望這兩兒子將來還會關心他們。

Jane1983

吾知人地家庭的dynamic，但我有親戚又係以打齊家，仔女個個成材，但係憎恨個亞媽不得了，錢到人吾到呀！

feiji

原帖由 Jane1983 於 12-12-13 發表
吾知人地家庭的dynamic，但我有親戚又係以打齊家，仔女個個成材，但係憎恨個亞媽不得了，錢到人吾到呀！
...

我都有個朋友，阿媽極嚴，打到飛起，全家三兄妹都又勤力又有成就；長大後三兄妹都不約而同決定唔生小朋友，因有很大的童年陰影。

Jane1983

回復 wongchunBB 的帖子

係好偉大，但無左親情。我絕對吾行佢果條路呀！

CatEgg

睇下點打，恨毒地打同"打在兒身，痛在娘心"的打法仔女識分的。我D同事話細個都係幾兄弟姊妹係咁比阿媽打，依家咪個個月出糧比阿媽，一年請阿媽幾次旅行。
不過，當打已經唔係主流教仔方法時，打係唔得了。

cowboy2007

原帖由 siutingto 於 12-12-14 發表
我細個都係俾阿媽打大, 但依家我都係一樣咁孝順佢

我都喺。但個仔點曵都唔捨得打！

魚王

原帖由 cowboy2007 於 12-12-14 發表
我都喺。但個仔點曵都唔捨得打！

我細個無比人打，一樣成績很好，打不是不行，但不是最好方法！

yk2

或者應從多方面影響，即使有成就，但造成的心理影響係冇法估計。記得好耐之前聽過訪問曾經烘動一時的剎人犯父親，他好後悔說，想佢成才，自細佢一唔啱就打並喊親就叫佢收聲，要唔準喊咁被打，（當然現今是叫虐待，）他從冇諗過會練成一個咁殘忍的心理，需然是極端例子，但若在心理不平衡、不服下成長，你唔會知佢諗乜，變成點！何謂有成就？

魚王

原帖由 LittleCowCow201 於 12-12-14 發表
難怪依家啲醫生嘅醫德........唉！

咁又不能這樣推斷

baby_sugar

打小朋友當然對他們成長有負面影響，但家長對小朋友都應該有基本的要求，例如:自律地完成學校功課和溫習測驗考試。如小朋友的能力是可以更進一步，父母的指標當然可提高d。
總之，我認為"嚴師"比"良師"出高徒的機會高la.