請問宏信小學部的中文課程如何？家長可分享一下嗎？

sumshan

會有造句、週記或閱讀理解嗎？還是有其他方法學習中文？謝謝！

meow125

你睇這個吧! (我睇舊post睇到好熟了)
http://www.edu-kingdom.com/forum ... &extra=page%3D1

sumshan

Thanks a lot!
現在有一個怪現象，不在宏信讀的人一聽見宏信就有很多負面的評價；相反真正用家就覺得宏信令孩子愉快學習之餘，課程內容一點也不淺...
我自己對宏信十分有信心，加上有3位朋友子女也在就讀，但依然希望各位用家可以分享更多宏信的種種，讓大家了解更多。謝謝！

meow125

我就算話比朋友知我打算報名(7月時)都比人潑冷水啦, 但佢地亦係"聽人講", 我同真正用家收料的, 佢地話除非有新人問問題, 否則唔多會走上來講咁多, 講得多會比人話係學校打手!! 之所以宏信這裡係咁靜的原因.
我都係對宏信十分有信心, 大家堅持吧, 聽多D真正用家講, 始終LA有別於傳統學校, 外人比唔到我地意見的!

sumshan

贊成！你小朋友九月入宏信？希望多些用家在此分享學校點滴。

walwal

宏信同傳統學校教學模式不同，真係好睇個家長buy唔buy, buy就會覺very good, 唔buy就講咩都無用，可能普遍家長都係讀傳統學校，唔易接受宏信既教學模式，加上知d唔知d既情況下就撥人冷水，家長要想清楚自己要求係咩而小朋友適合哪種模式

walwal

依家每日都要閲讀2編網上文章及做閲讀理解，有時又要抄寫生字，有時又要温下默書，而且又要花時間練下樂器及做在外興趣班的功課，加上食飯沖涼及睇下自己喜歡既書，又要十點前睡覺，自由玩樂既時間都唔係好多，我同小朋友都覺得讀得好開心，相反聽見以前既舊同學讀傳統都話好辛苦，大人同小朋友都好唔開心。所以家長們真係要了解下自己小朋友係逼唔逼得，受唔受到...

sumshan

謝謝你的分享！唔知宏信的閱讀風氣好嗎？老師如何發展閱讀文化？

meow125

回復 sumshan 的帖子

係呀, 女女來年Y1, 留意了LA三年了, 加上朋友女女讀緊, 我可以問真正用家收料. 朋友女女現Y1, 英文好好(或者係KG基礎打得好的關係), 好似有好多網上練習, 但佢媽話佢做得好過隱. 除此就好得閒, 所以成日睇書, 亦鐘意寫信 --- 佢知我女女入到LA後, 寫了封信比我女(好乖).最近, 我朋友亦介紹了另2位LA媽咪我識, 所以, 我可從3個用家口中得到資料.

sumshan

太好了，有咁多LA嘅朋友仔，拜託你收多些料同大家分享吧！你女女或大部分LA小朋友是不是都讀英普／國際幼稚園？我女女只是讀普通幼稚園，我都有點擔心她日後能否追得上。

meow125

我女女係英藝, 有好幾個同學有offer. 註冊時同等緊的媽咪傾, 有德怡, 有萊茵, 有真光. 我諗學校收得的就即是符合LA要求, 放心吧!!

littleteapot

原帖由 happychow898 於 12-12-27 發表
學校梗係有打手啦,連個post 都被人cut 埋，唔想被人知道真相。之前有個post係請學校公開ms goins and ms ca ...

講真，上任何forum可有好多寶貴資料同意見，但當中亦夾雜一d可能刻意唱好or唱衰or誇大事實or過度主觀嘅言論，要小心分辨。
講真，曾經響呢度有人向我PM宏信的不好，後來俾我響「課外活動」嗰邊見到佢，佢同人傾某項運動，個post勁多page，但咁啱我對嗰項運動好有興趣，一次過睇好多頁。俾我發現佢同人打牙較話好想細女入到大女間學校，間學校好好，但要考，唔知得唔得。post的日期同佢PM我的日期相近...你話佢想點?

阿Yan

冷靜點, 大家說說不同看法而已!

littleteapot

原帖由 happychow898 於 12-12-27 發表
唔好講題外話，浄係針對呢個問題，
請啲打手針對呢個問題發言好唔好

駛唔駛郁d話人打手，又唔俾人講其他嘢咁唔客氣?
如果咁唔滿意，唔滿意到要否定人哋所有對學校正面嘅言論，最好退學，勉強無幸福!
好啦!呢個post都係講番「中文課程」，請你要講「題外話」就去第度!
利益申報：我根本未係宏信家長，只係考慮中!正反言論我都想聽想了解多d做決定，但唔鍾意俾人屈我!

sumshan

作為一個有心的家長，相信在未面試前已把BK內有關LA的資料看過，而我早就把十六頁資料全部看過，所以這位家長所說的事就算被人cut了也相信很多有心入LA家長看過。不過，網上資料有真有假有誇大，無人不知，所以在這𥚃看資料只是其中一個最低層次的途徑，最實際還是親自問問有朋友在讀的子女（興幸我有三個不同年級的朋友子女在讀）、我甚至曾在街上向一個穿上LA校服的小朋友和家長發問和了解。
小女除LA外，還有另外兩個offer,我們心繫宏信是它的理念、學習模式和宗教，它的確仍有很多不足之處，但隨住小學部新校長的加入以及副校長的熱誠（我兩年也有去聽簡介會），我相信各方面會有改進的，我對LA仍有信心。
至於兩位請假老師聽說已不在學校教了。其實LA與傳統學校分別很大，相信家長在未入學前已知，若入學後發現不能接受，真的不能轉校嗎？我親戚仔仔在某校讀了六年IB因經濟問題轉回傳統中學也可（現他媽媽感後悔，雖仔仔覺得傳統F.1課程冇難度），難道讀了兩三年不能轉嗎？事在人為吧！
喜歡LA的總有一百個喜歡的理由，不喜歡的也會有一千個不喜歡的理由，不要緊，每位家長心中想要的東西不盡相同，只要選一間最合適自己子女的就是了，其他人的意見可作參考，最終決定還是自己和小朋友。真不希望這𥚃成為駡戰的地方，而是大家分享學校點滴的途徑，當然好與壞大家也樂於接受的。

阿Yan

請問so called "sick leave 王＂和"movie 王＂現在教Yr.幾?今個學年表現如何?有沒有改善?我也很想了解一下!