12月細囡,5間all reject,自行又無,repent k3?or定繼續大抽獎?

atirw

原帖由 joannechow1031 於 12-12-07 發表
小囡其實能力不差, 成績屬中上, 其實k1時諗過比佢repent, 因為好多好的幼稚園都係叫大囡, 但老師都覺得唔駛 ...

我個仔米好似你個女十二月lor,共報了六間，rejected,自行20分都唔得。我個仔又米係，k2拿品學兼優，佢間種係很谷的k, 我k1時都問了好幾次老師佢追唔追得上，k2見家長都不咁問，何況問留級？驚老師話我傻。不過現在我就真你傻傻地了。我又無幫呀仔報十樣八樣課外活動，只是補語言：國語和英文，比佢去游泳，身體好些。我一切都為呀仔好，我都係個好正常的呀媽，就被這個唔正常的制度逃太！

puibb

原帖由 joannechow1031 於 12-12-07 發表
咁其實等大抽獎(我係12NET), 但現在形勢都好難估計, 如果派得好, 就讀上去, 派得太差咪叩門, 叩門都成功就 ...

1:試下打去龍校問下收吾收k3,
2: 如收,幾時apply, interview and 出result?
要睇時間做決定,因如話出年六月後先收生,咁無得選擇,一定要參加派位。

LOVELY-BABE

如果想repeat應是一早鋪排好，我有三個朋友，他們的仔女分別10月、11月同12月，他們的小朋友不約而同重讀低班，理由是年紀小能力略遜，但他們一早已度過低班repeat好過高班，仲要是去了另一所學校repeat（怕產生自卑），你有冇想過小孩到了K3才打算要她重讀，再加上你給她去了多所學校面試，K3的小孩已有一定認知能力，她不多不少也知道明年上小一，但現在要repeat的話會傷害了她弱小心靈！
既然你認為女兒不是技不如人，幹嗎要她留班？
明年競爭還大呀，請三思！

Anyacala

如係我睇下派咩津小 ，讀左先考好小一成績插考名小

Charlotte_mom

fion_yinyin 發表於 12-12-7 11:58
點解暫時無學校收就強調自己個小朋友係年尾出世？好多幼稚園老師都講去到k3時，大細仔/女已經無大分別嫁喇 ...

我聽既係去到小4,5至無大分別WOR

Charlotte_mom

joannechow1031 發表於 12-12-7 11:53
小囡其實能力不差, 成績屬中上, 其實k1時諗過比佢repent, 因為好多好的幼稚園都係叫大囡, 但老師都覺得唔駛 ...

我自己估, 如果已JOIN左自行, 都返唔到轉頭出年再黎, 咪照抽獎LOR
然後讀住小一先, 出年9月再考心儀既, 同時, 4,5月考插小2
我聽過有CASE係小朋友本身讀緊小一, 9月再考心儀小一, 然後去到4,5月同新校校長傾, 是否適合直上小2, 校長安排做插班卷後決定俾小朋友上小2的

evawa

回復 Charlotte_mom 的帖子

你呢個方法好好.    我學到野了.   謝謝你 !

fion_yinyin

我個小朋友係十一月出世的，點會唔明白？
但我留意到d若細仔細女無學校收，父母第一件事就諗係年紀既分別呢，唔會有其他原因學校唔收嫁咩？咁如果大仔唔收呢？又因為係年紀大所以唔收啊？
仔仔由k1開始我每年都問班主任佢追唔追得上，3年3個班主任都話去到k3其實大仔細仔已經無乜大分別。老師仲話留意到若屋企keep住日日有溫習，其實一年過後有溫習同無溫習既差異可以好大的。中文老師仲話我仔仔上中文堂會教人地tim，代表佢有自信喎。所以我真係覺得唔係全部因為細仔/女所以學校唔收的，要諗下真正既原因係乜。

fion_yinyin

年尾出世呢個事實無得改變嫁啦，但唔好成日"形"住同"賴"d改變唔到既事實law，要對自己既仔女有信心

dlee_ca

I take 大抽獎

hl2003

是否重讀k3，都要考慮小朋友的情感，特別是女孩，兒童階段心智成熟一般高於男孩。

MrBeast

joannechow1031 發表於 12-12-7 11:53
小囡其實能力不差, 成績屬中上, 其實k1時諗過比佢repent, 因為好多好的幼稚園都係叫大囡, 但老師都覺得唔駛 ...

樓主有冇想過如成績中上，為何一個offer也沒有呢? 性格?運氣?
我有位朋友，由K1問老師問到K3，都話佢小朋友冇問題，追到，最後和校長商談後才決定repeat k3，其實呢個小孩如不repeat也應能應付不太谷的小學但一定會很辛苦，run the risk of 完全失去自信。
我不是建議你一定去repeat, 但你需做個reality check, 看看現時的能力可否入到你target的小學，如有幸入到有沒有時間資源去support 你的小孩。


其實你自行有冇派位?如冇你是還可選擇今年唔玩抽獎，出年再來的，打去edb問清 detail

itbaby

joannechow1031 發表於 12-12-7 11:53
小囡其實能力不差, 成績屬中上, 其實k1時諗過比佢repent, 因為好多好的幼稚園都係叫大囡, 但老師都覺得唔駛 ...

若果老師都話你囡囡OK的話,我都覺得唔需要 repeat,因為對小朋友心智發展都有些少影響,佢想想,同學個個都畢業了,點解自己又讀多一年呢?明天做大女,是否一定考到更好的小學呢?

我唔係話你小朋友成績差,所以考不到小學,而係競爭越來越大,好多小朋友都係無 offer,因為好多家長唔想受制於大抽獎吧。

喵媽

如果K3先repeat, 對小朋友有影響, 思想成熟既會唔開心!
而最重要個個老師都覺得冇學習問題喎!
會唔會同你囡囡傾下, 了解佢既想法先?
女仔一般早熟D叻D, 所以細女相差可能不太遠!
如果係仔, 我都贊成做大仔, 不過我會一開始就做, 唔會K3先repeat!

ballbe

Repeat K3係咪對派位有幫助呢??
出年競爭比今年還要激烈,你真的想再來一次這樣的經歷嗎?
我認識的超大仔,超大囡今年的申請也好不到那裡去
其實現在才是第一階段申請,越後期越多位放出來的,不用太擔心

pluto_yuen

其實每個小朋友嘅能力都唔同，对待細B/大B唔需要一開始設一個標準俾佢哋。
而且好多龍校K3都唔收生，一生人又只可以一次自行派位，repeat 係咪值得真係要諗清楚。

atirw

可以咁講我這個中上細仔今年出去同人掙P1 位，九成都比其他參加者差，但若他出年才同人掙p1位，佢七成表現會好過其他人。你可以咁講，佢今年的表現的確是不夠別人好，所以人地唔收佢，而人地真係無睇佢的年齡。（但我深信是有的）

四隻貓

Charlotte_mom 發表於 12-12-7 12:56
我自己估, 如果已JOIN左自行, 都返唔到轉頭出年再黎, 咪照抽獎LOR
然後讀住小一先, 出年9月再考心儀既, 同 ...

我贊成0甘做.
進可攻退可守. 都識人係細b, 讀住津校小一先, 之後再做大b 去心儀學校考小一, 最後入到神級學校.
0甘樣仲好啦, 已經學緊小一課程去考小一, 點都成熟過K3既小朋友, 又唔駛係幼稚園學返相同既野.
如果小一成績好標青又可以考慮去心儀學校插班小二.

好似全面好多喎.

joannechow1031

多謝大家寶貴的意見, 看到競爭咁大, 所以想亞囡重讀一年, 比佢大個d, 競爭力會好d, 不過也聽到大家講小朋友的感受, 自己升唔到班, 自信心會否受到打擊! 我都同幼稚園老師傾過, 佢叫我第二輪大抽獎, 甲乙部都揀返第一次自行間學校(係女校, 因為還有個妹妹), 唔得叩門幫我亞囡寫信, 咁我都覺得老師已好盡力幫忙! 一切交由天父安排!

cwclsh

人家只不過道出自已背景情況, 換轉寫5月中仔無offer想repeat, 你會否覺得別人撒賴呢? 她文字上從來沒有"賴"的意思出現過, 似乎看者反對這字眼偏激了點.
以我觀察, k3真的已拉近許多, 不只是個別的. 看著由K1差距很大, 但一年一年的進步. 但當然...細的要比較smart先追到大仔, 因別人也有機會比自已同月的更smart!