12月細囡,5間all reject,自行又無,repent k3?or定繼續大抽獎?

Jane1983

無offer可能係因為只報5間，又係hot的學校，所以爭吾到，吾代表小朋友吾叻。

healthybaby

我覺得要睇個別小朋友，我細仔十月尾出世，行為Bb,但能力幾好，面試同大b成績差唔多，根本唔洗點谷都得都自動波做得好。但大女八月出世，我覺得佢比同年起碼細半年，做咩都慢半拍 ，想谷都谷唔起，到而家小五開始成績有d進步，唔知係唔係遲熟呢！
不過我覺得小朋友大大下能力就會拉近。小學最重要係培養學習興趣和良好的生活習慣。

fion_yinyin

出年做大女都唔代表一定有學收姐，況且怡家至係十二月， 好多(自私?唔了解自已仔女?)既人仲hold住幾個位嫁。

fion_yinyin

回復 cwclsh 的帖子

有人以為別人偏激罷了。好多人提到細仔/女無學收時都會提埋年紀個事實。提黎做咩呢? 因為已經改變唔到? 因為唔關後天訓練既事? 信下幼稚園老師啦， 真係能力要repeat 或差好遠幼稚園老師會講你聽嫁啦。 大家都係鐘意間幼稚園至報名同埋讀足三年嫁姐。

guorong

       我的例子应该可以比你参考下。我的小朋友系对龙凤胎，11月尾的，旧年我们也是考了好多学校，只有一间私校收，一间waiting.我们决定重读K3。我的小朋友其实都唔差，我们读YXXK幼稚园，阿女年年考试都在前10，仲有期末摞奖。但我们也是从K1开始就考虑比佢地重读一年，老师也是说无必要。我自己系中学老师，觉得小朋友入读小一系一个好重要的开始，如一开始便不如人，会令佢地好无自信，同时也咨询过医生，医生话小朋友的年龄差距，大仔同细仔要去到10岁左右才完全无分别。加上朋友的仔也是细仔，佢小一到小四都跟得辛苦，到小五才好D。这些都令我们决定重读。       今年我们再考小一，小朋友到目前有2间收左，阿女除左女拔外，全部都有second in,相信迟下仲有学校会收。旧年好多朋友劝我们不要浪费一年，同埋今年出生率高，竞争大。但我认为，年龄的差距真系一个好重要的因素。至于重读K3，我拣左一间有学券的幼稚园，课程浅，小朋友返学开心，因佢地比其他小朋友大，相对能力强D，衣家好有自信，对他们去小一面试帮助好大。
       如你有什么仲想问的，可pm我。

BBvivian

如果大仔/女和細仔/女無分別，點解有D幼稚園小學講明收到8月底出世吖。

朋友喺絕大部份家長夢寐以求既小學任教十年，好早已同我講定，校長唔鍾意收細仔/女，因為要比好多額外的協助(詳情唔講得)。
唔一定唔收，除非面試表現十分突出，或有關係人士。

唔好問我邊間，我一定唔講，費事人哋學校惹麻煩。

回應只喺想某D曾經回應樓主既父母知道，唔好以為人哋細仔/女考得唔好，家長就一定拿自己嗰個喺細仔/女做藉口。

想問大家，10個月前，自己個小朋友在學習能力、語言表達、自信心方面，同依家有無分別！﹖答完全無嗰D家長，才質問樓主吧！

多從人家角度想一想，世界會美好D，回應都合情理D！

fion_yinyin

我自己係年尾出世，我兩個仔仔都係年尾出世。我自己係中學教師，我奶奶係小學教師，我奶奶話細仔控制小肌肉能力可能弱d，但唔代表學習能力比人弱。我奶奶見過好多細仔係小一都可以考全班頭幾名，所以佢叫我地問幼稚園老師，如果仔仔ok就無須要特別repeat一年

我唔係否認細仔可能會係能力上差小小，但係除左年齡問題外，細仔唔收可能仲有其他原因的。例如我仔有一個學校唔收，就係因為佢一題普通話題都唔識，咁我就會知道佢既弱點，唔係成日諗住佢係細仔俾人唔上law

多從其他角度想一想唔收既原因，唔係只係諗d改變唔到既事實。做父母既積極d，可能對小朋友更有幫助

wittymom

回復 Charlotte_mom 的帖子

8月出世(早產)算吾算細仔?
好似話有cut off day 係每年8月31日?

hadwinboy

我大學讀過Child Development, 大細仔(尤其大近一年)係自理, 理解, 行為等等各方面係一定有分別, 但凡事總有例外. 自己那個咁岩冇分別是例外, 也不可否定了別人遇到的分別. 我個仔是12月出世的細b, 有offers, 一線及神級也有2nd in. 佢由K1開始老師已經話佢同大仔冇分別. 我會認為是我幸運, 因為我觀察到有些朋友個仔及同學仔一樣係12月的出世的, 真係會差一些. 而那上父母也不是什麼都沒有train 個小朋友的, 數學英文普通話樣樣有. 除了積極, 作為開明及有同理心的父母也很重要.

itbaby

剛好聽到朋友一個好分享,同大家講吓。

佢自己個囡囡又個細B,媽媽想囡囡repeat多年K3,以便明年做大B去考小學,但幼稚園老師提佢一樣嘢: "無錯,明年你囡囡做了大B去考小學,但唔等於佢讀多一年幼稚園會叻好多,因為始終幼稚園的程度和小學不一樣,有可能只比今年好多少少,點解要repeat多年呢?小學的程度同幼稚園差一截的,請想清楚吧!"

joannechow1031

好多謝大家的回覆, 細b/細囡已是改變不到的事實, 開這個提目只是收雜各方媽媽寶貴的智慧, 好明白這些都是善意的意見或提醒, 最終我都要過濾和消化 去決定自己小朋友的去向, 多謝大家, 希望無論大中細b都有理想offer!

fion_yinyin

回復 joannechow1031 的帖子

我咪話奶奶講細仔D小肌肉控制能力差d既？當年幼稚園老師就教我買泥膠俾仔仔玩，等佢d手指有力d。so far 今年中文老師話仔仔d 字都ok齊整，成日拎到老師幾個印仔讚good。所以細仔/女唔係一個大問題，積極d啊，總有適合既學校俾仔仔/女女的。

仲有，我係年尾出世，我老公年頭出世，但會考成績我好過老公，haha。怡家至係小一入學，讀書讀廿幾年實會發揮到小朋友個人既優勢的。所以都係0個句，加油﹗

virgokaren

教育界不嬲都建議三歲至好讀幼稚園，四歲至執筆寫字。
有冇人聽？
如果12月出世，我寧可佢玩多幾個月，遲d至返學讀書。

至於考小一，我覺得成功因素取決於小朋友是否out going，肯答人，合群再加家庭背景。多數都得，考學術另計。

fion_yinyin

外國根本就唔鼓勵受緊學前教育既小朋友寫字tim啦。怡家小一入學要考串字、連環加數、listening。我地家長唯有迫住要.....唉......人在江湖.....雖然我都唔係好認同小朋友咁早就要識呢樣0個樣......最後就變左身不由己

virgokaren

fion_yinyin 發表於 12-12-10 17:31
外國根本就唔鼓勵受緊學前教育既小朋友寫字tim啦。怡家小一入學要考串字、連環加數、listening。我地家長唯 ...

係囉！幼稚園吾係要開心和玩的嗎？美國讀小學，放學都冇功課。
我地香港幾時至學到人地咁？

Jane1983

virgokaren 發表於 12-12-10 18:57
係囉！幼稚園吾係要開心和玩的嗎？美國讀小學，放學都冇功課。
我地香港幾時至學到人地咁？
...

明白你講也，但”人在江湖，身不有己“， 邊個吾驚自己小朋友全無競爭力？
唯有盡力做到適可而止，吾好過度，令小朋友有充足的時間玩和有快樂童年。

fefemom

joannechow1031 發表於 12-12-10 12:15
好多謝大家的回覆, 細b/細囡已是改變不到的事實, 開這個提目只是收雜各方媽媽寶貴的智慧, 好明白這些都是善 ...

Joanne, 我也是NET12, 也讀過你其他相關的posts。我想你的大前題是這個月有沒有把握找到龍校幼稚園收明年K3, 龍校我見有K1 讀完轉去國際學校，K2插班有位，但K3則相對難。其實我見上年啲posts 講叩NET 12 女校，提及有筆試，不如這半年向這方向裝備，萬一到時要叩門也有準備，如果派得好，對明年小一也有幫助。Best of luck in the future.