龍年B

girouis

我個同事見我地今年考k1 都咁難，好多間都派彩，眼見好多身邊朋友和同事有家姐阿哥讀緊都唔收，有學校收都笑. 佢好驚到時點算，而家剛剛5個月就問我現在是否要揾定pg 打底先，同時佢話有聽過人講有d kg 一出世就要報, 請問各位papa mama 知唔知有那幾間 ths..

Jane1983

除非經濟超差，龍B肯定系打崩頭

lsm219

救世軍幼兒及幼稚園 特別在油麻地星街的那間！但你要再confirm 一下

ashleycece

原帖由 girouis 於 12-12-06 發表
我個同事見我地今年考k1 都咁難，好多間都派彩，眼見好多身邊朋友和同事有家姐阿哥讀緊都唔收，有學校收都 ...

唔好驚住，你驚都驚，咁你小朋友點算？首先要睇下有咩心儀學校先，再上網睇下幾時有得報

FCMF

唔好話龍年出生的BB, 就算係10年出世的BB, 有啲學校都係話一有出世紙就要報名, 而我囡囡在未夠一歲時報TKO的一間救世軍, 都要排到800幾個籌, 個書記話要到你囡囡可能讀緊K1先可以 interview, 我同佢講 "唔係瓜" , 佢仲話點解你咁遲至報名, 最後我都無報, 全香港咁多幼稚園, 唔係淨係要讀佢果間瓜, 所以根本就唔算要擔心, 總之你先留意自己心儀的學校, 再留意佢哋的綱頁看看幾時要 interview, 報名時唔好淨係報名校, 屋村學校都要報, 以防名校唔收都可以有屋村校做 backup.

girouis

其實我同其它同事都有安慰那同事，同時都幚個同事上網揾下料, 不過呢兩個月來同一層樓個個有今年要考kg 既同事就無論食飯好t time 好一坐下就講你個女考邊間, 你個仔邊間有offer，形成無形壓力比其它人. 不過差不多到尾聲。

girouis

等我Tmr 打去問下先! Ths!!

carr_chap

原帖由 girouis 於 12-12-06 發表
我個同事見我地今年考k1 都咁難，好多間都派彩，眼見好多身邊朋友和同事有家姐阿哥讀緊都唔收，有學校收都 ...

我都係龍b媽,bb都係5個月…老實講，電話打左好幾個了，全部都未遞得表…係得救世軍俾…好多學校pg未收表…叫我下年check website…本來我以為我唔會咁快睇學校野，但喺度睇下人地講咩，當早d學定啦…叫朋友唔好咁緊張住~

HauMiranda

放心啦，無論龍年十萬個bb好，廿萬個bb都好,甚至三十萬都好，絕大部份既幼稚園點都要先處理2011年出生既小朋友入pn既手續。只係絕少絕少部份既幼稚園真係要一出世就排。而好多幼稚園亦唔係先到先得。所以大約於明年七、八月左右留意心儀幼稚園招生就得！現階段排下pg都無防，不過又唔係話一定要上pg, 而且建議識坐甚至識行先上。宜家好好享受湊b樂先啦