怎麼辦..?

HahaB

4歲女兒近日出現了不尋的情緒問題, 於是我打去小童群益會, 諗住同姑娘傾下, 看看是否有兒童焦慮症....
點知, 姑娘聽完一大輪, 又問完一大堆問題後, 就話阿女應該係屬於資優.....
正正因為她的思想比實際年齡大, 才會諗得太多...出現了不必要的憂慮...
我真係從無想過....阿女會有機會是資優....我承認她是聰明..個腦都算轉得快
但不至於係有D咩獨特的過人之處.........
是我對"資優"真的太不認識嗎......?
但現在女兒....有情緒問題了...

她一向也是很多心事....很愛思考及發問...(但其實很多正常孩子也是這樣...不是嗎?)
但近日, 她經常為了自己的"思考"而煩惱, 甚至哭泣...
係完全無法釋懷果種.....(其實..資優...會這樣嗎?)
她會無端端想, 人老了怎樣, 死了去那, 上天堂後, 又會怎樣...
然後開始諗...上左天堂後, 她的公仔...床仔...甚至係成間屋...
會點算...可否帶埋上去天堂.......
然後愈諗自己就愈擔心....跟住就喊....

至於在學校, 老師說她很聰明, 是一個完全不用擔心的小朋友...
好乖好守紀律........甚至會要求別的同學守紀律..
是一個好幫手...個個老師都讚她...........
學習亦從無問題..........
不過.......阿女同我講, 她很喜歡老師, 很喜歡同學, 很喜歡學校....
但偏偏就係不喜歡返學..........因為返學好悶.......
她說老師常常重複....令她很悶...然後會開始覺得好眼瞓...
然後會開始諗起媽媽...諗起細佬....之後會好想放學..........跟住...就會忍唔住喊.........
還有.....她說有時因為自己諗緊媽媽...
然後完全聽唔到老師講咩.....(我估係遊緊魂吧...)
之後老師要佢地做課堂練習, 佢唔知要做咩.........
但好奇怪.......老師話佢係做到的, 雖然唔係第一個交功課, 但總是頭幾個完成的.....
偏偏阿女話........佢其實係唔識做....佢仲堅持...自己係聽唔明老師講乜...
.咁..究竟當中發生左咩事...
阿女有時講到自己好叻咁, 老師教一兩次佢就識, 所以開始覺得悶...
但係, 佢有時又形容自己「其實都係乜都唔識」...
因為老師話要做咩, 佢完全唔知...又唔知老師講咩......
(我都唔知......咁即係點...識定唔識, 明定唔明...但老師明明話睇唔出佢有咩問題...)
阿女而家好唔想返學.......點算...?
在學校明明好開心, 老師話佢上堂又好有反應...
而阿女自己都話, 佢有時諗諗下野, 都會回答老師問題既.......
我實在...好懊惱, 佢日日話唔想返學...
成日叫我諗辦法...同老師講...令上堂有趣D...........
我可以怎樣............好迷茫........

還有, 她常常給自己一些"目標"........
例如要自己在聖誕前完成唔咬手指的任務...(佢成日咬手指的..).
但當佢做不到..唔小心咬了一下,
佢就無端同我講對唔住.......
但我從來無鬧佢, 無迫佢做任何戒手指行動..
只係同佢講過, 咬手指容易有細菌, 同埋手指仔會唔靚...(無誇大去嚇佢, 無鬧佢的...)
佢就自己SET個咁既目標俾自己..
最慘係...當發現自己做不到...就喊哂同我道歉...
我同佢講..唔緊要的, 慢慢來...唔駛急..
但佢就係想堅持..............

現在的她, 很易哭, 每朝返學, 就想喊...
但佢每次眼紅紅, 鼻紅紅時,
就好努力咁忍住...忍住唔喊..
佢仲要不停咁提自己:「我知道唔應該喊架, 我會忍住架...」...
睇見佢咁...好心痛...
為什麼她不可以是一個無憂無慮的小孩...
為什麼4歲人仔...要咁辛苦自己, 想喊唔敢喊,
遇到小小趣事, 還會裝得比任何人都高興...係好明顯裝出來.....誇張左的......

唉........我唔知佢係咪資優 , 我只係知道, 我好憂心...
我無可能等到佢6歲同佢做評估..
我需要解決佢現在的情緒問題...個姑娘都建議我同佢睇精神科....
而我亦已約左醫生了........
其實...我都唔知可以同誰講...
有時想問下其他媽媽輩朋友, 有無呢D情況..
但又唔敢...我唔想人地覺得, 我個女可能係資優, 而覺得我地"賴叻"咁...
仲要...我根本就唔肯定佢係咪資優................
我只係想...........在這裏, 可以有個地方給我呻呻吧....
同埋, 有無人可以教教我...我可以點做....

lillymarie

原帖由 HahaB 於 12-12-05 發表
4歲女兒近日出現了不尋的情緒問題, 於是我打去小童群益會, 諗住同姑娘傾下, 看看是否有兒童焦慮症....
點知 ...

我和你差不多做法，約見心理醫生。

Stillgood2

HahaB 發表於 12-12-5 13:32
4歲女兒近日出現了不尋的情緒問題, 於是我打去小童群益會, 諗住同姑娘傾下, 看看是否有兒童焦慮症....
點知 ...

@HaHaB
對於資優, 應該係件好事, 要正面d睇!
小朋友會感受到妳的思想.
如果, 思想係負面的, 小朋友感染了就不好了!

如何改變囡囡負面的思考, 真的安排輔導比較好.

兩星期前, 小兒學校家教會安排講座. 係一位心理學者.
要影響子女教育, 也先要父母認同.
解決負面的思考, 要安排正面思維去取代. (這個說的容易, 但談何容易, 做得難)

努力!

HahaB

我現在都只能等醫生看看, 幫幫她排解情緒...也幫幫我, 教下我怎處理才對...
不過...呢幾日我不斷在諗...
其實...若果佢真係資優咁又點呢?
香港既學校, 大部份都係老師不斷地重複講課架啦...
佢而家K2, 已經開始因為覺得悶...而遊魂...
再大D...可能會遊得仲勁...
其實...有無解決方法...
我在這裏見到好多資優媽媽....
都話孩子唔聽書. 遊魂...明明是聰明, 但又欠教功課..
乜都做漏哂.....
呢D....有得補救嗎?

(BTW, 我好似諗得遠左少少....但實在有點好奇...)

Stillgood2

HahaB 發表於 12-12-6 12:13
我現在都只能等醫生看看, 幫幫她排解情緒...也幫幫我, 教下我怎處理才對...
不過...呢幾日我不斷在諗...
其 ...

我曾經去睇過我細囝上一個學校活動.
其他同學好認真聽老師講話, 又有反應.
但, 我個囝似聽非聽, 似唔聽又係聽緊.
兩頭令, 好似悶悶地, 想走個隻!

實際, 佢係聽緊, 亦聽得明. 只係, 佢用唔曬個腦, 就遊魂....

細囝成績算好ok.  不過, 佢唔係最叻. 可能 , 佢覺得分數無意義.
如果佢覺得分數無意義, 同佢緊張都無用.
太緊張會適得其反.
比如, 數學考試測驗, 佢做試卷只需一半時間. 但係. 總錯在最簡單地方. 比如標點唔清楚. 忘記寫等號.
囝囝ma會好緊張, 掉了標點, 掉了1 分, 掉了三兩分就成績大落後於人.
不過, 最終習慣了. 當笑話!


有一次, 我叫佢考試(小五呈分試, 十分重要), 考數學時, 將數學卷做兩次, 找出不同的. 那次拿100分.
之後, 下次, 唔聽講, 又馬馬虎虎.....


其實, 上學係小朋友的學習其中一部份而已.
能夠拿到好成績當然好. 太差不能接受.
除了學校課堂外, 還有很多時間, 空間和方法.
可多加考慮!

Radiomama

若果經濟許可的話，讀國際學校吧，相比起來，我個仔真係開心好多。

hobby

回復 HahaB 的帖子

睇完你囡囡情況, 我都好驚 ... 我個囡剛3歲, 有類似情況, 而我最想就是解決情緒問題

其實我個囡早幾個月己開始問死咗去邊, 點解會死, 點解食藥都醫唔好等等 ... 我還以為一般小朋友都會問, 不是嗎?  

Radiomama

回復 hobby 的帖子

其實好多三四歲的小朋友都會問生死問題，我仔仔和一些朋友的子女都曾問類似的問題。同佢地多傾多講，會好好多。佢地需要reassurance & 安全感。

hobby

回復 Radiomama 的帖子

謝謝, 因為我個囡2歲幾己開始問, 加上早幾日收到老師電話講到她的性格問題 - 過分完美主義, 到不接受自己少許犯錯, 怕她長大有不良影響

Stillgood2

hobby 發表於 12-12-10 09:19
回復 Radiomama 的帖子

謝謝, 因為我個囡2歲幾己開始問, 加上早幾日收到老師電話講到她的性格問題 - 過分 ...

不要發展成極端, 完美主義者!
囡囡還年小, 在長大的過程中, 要給她平衡的觀念.
因為, 世界確實不完美, 而身邊的人和事就是有不同性質和特點.
這一些性質和特點跟完美不可能在同一條線, 同一點上!

hobby

回復 Stillgood2 的帖子

其實我們都不明白為何囡囡會變得完美主義, 好在老師好好, 說會多給她犯錯的機會, 讓她哭出來, 讓她明白每個人都會錯, 及如何接受犯錯, 不讓她再做一個完美的孩子, 老師還說她在校多方面都很完美, 是個聰明的孩子, 或許太聰明, 容易鑽牛角尖, (不過我們只覺得她轉數快, 更完全不覺得她聰明或能力高); 但當我們想跟囡囡好好談一吓, 每一次囡囡都不回答, 或講第2樣嘢, 早幾日更對我說, 媽咪, 不如唔好再講好校啲嘢囉; 其實我們都不是常常提到她的問題, 只不過講過幾次

我自己覺得煩惱, 但又不敢跟朋友說, 希望在bk有相頪似經驗的父母可以share 一下

Stillgood2

hobby 發表於 12-12-10 15:47
回復 Stillgood2 的帖子

其實我們都不明白為何囡囡會變得完美主義, 好在老師好好, 說會多給她犯錯的機會,  ...

面對, 每個小朋友有自己個性, 同特性.

在成長中, 家長根據孩子特質去教養.

努力!

lillymarie

原帖由 hobby 於 12-12-10 發表
回復 Stillgood2 的帖子

其實我們都不明白為何囡囡會變得完美主義, 好在老師好好, 說會多給她犯錯的機會,  ...

可考慮教囡囡做家務，簡單的那些，教她自理例如嘗試自己洗澡。過程中，刻意接受她的不完美。例如教她摺衫，抹枱等，摺得唔太整齊亦不要緊，抹枱抹唔哂可以事後替她補抹。藉此讓她習慣自己做事不完美仍被媽媽接納。
通常會做家務的孩子自信心大些，自我價值觀亦會高些。

我細囝亦是個完美主義的人，以前甚麼集體遊戲都唔玩。好在他哥哥好鍾意玩，唔介意輸，所以我刻意讚哥哥勇敢唔怕輸。細囝輸咗無喊，我亦大讚佢有進步。佢唔敢自己倒水給自己飲，怕倒瀉，我就同佢講倒瀉唔緊要，用抹布抹乾就得。有幾次佢真的倒瀉水／果汁，我唔話佢，但要佢自己用抹布抹返。藉此教佢做錯咗唔緊要，自己處理返個問題就可以了。最近教緊佢做家務，佢已9歲，我會叫佢抹枱，我用detergent洗完碗，叫佢替我過水。佢有問我若唔乾淨咁點？結果真的過唔清，無問題，再用水沖囉。我囝開始得晚，我太過就佢，佢變得好似BB咁，又無乜自信心。自從我改變態度後，佢都改變咗，自信心大咗。

另外，若可以的話，全家人一齊幫孩子，和他分享自己烏龍經驗，笑下自己，讓孩子知道原來人人都會犯錯，是很正常的事。

mandytanghk

回復 hobby 的帖子

我呀囝都有完美主義,完全唔輸得, 唔仲意講學校啲野, 我覺得學校可能對佢地黎講係唔係開心既, 佢地唔想講.

hobby

回復 lillymarie 的帖子

lillymarie,

謝謝你, 終於都對阿囡半年前不參加集體遊戲有點頭緒了, 不過那不是比賽, 只是大班小朋友一齊玩, 我還以為她有點感統問題呢,

家務佢也有參與, 當然不會做得好好, 我們都鼓勵她, 多數都讚她幫忙是個好孩子, 難道是太多鼓勵有反效果??

這2天都用了不同方式教囡囡, 大家要互相幫助, 我們大家都有不足, 教她不用介意接受別人的幫助, haha, 好像不是跟一個3歲小孩的對話



原來很多小孩都有完美主義, 大家一同努力!!

lillymarie

回復 hobby 的帖子

有時完美主義的性格可以是天生的。我早前睇書講到呢個問題，作者的建議都是盡量不要讚結果，而是讚那過程，讚孩子的努力。
另外有一招就係你想佢做乜，就讚乜。例如我想囝囝學輸，佢輸咗想發脾氣但未發之前，我就讚佢輸得有風度，唔發脾氣。哈哈！

hobby

回復 mandytanghk 的帖子

我嗰囡都會講吓學校啲嘢, 不過好少講佢自己, 講其他同學仔就有, 她很喜歡現在的學校及老師, 每天都要讀吓學校的課本, 又唱吓學校的歌仔

HahaB

回復 hobby 的帖子

你囡囡同我囡囡的情況確實有點似....

想問問, 你女女會否好早已懂說話?
會否理解能力同表達能力都較同齡小朋友高?
是否思想比較成熟?
會否非常追求完美....甚至吹毛求疵...?
...

點解我咁問呢..係因為我己帶女女去見了精神科醫生,
亦見了專門負責幼兒情緒的輔導姑娘...
佢地都話...阿女好有可能係資優...心智同思想都比同齡小朋友成熟...
各方面學習亦無問題..........甚至係幾醒添...
不過.........係唔係資優...都要6歲才能確實..
但唯一可以肯定的是......
阿囡現在患上了兒童焦慮症+強迫症......!!!!!!

個姑娘都話, 搞唔好個情緒, 就算幾叻都無用..........
現在要進行一系列遊戲治療了!!

我唔係想嚇你...我自己都晴天霹靂...
但你真係要留意下囡囡情況...
醫生俾我既小小建議....若阿囡開始想鑙牛角尖...
問一些無休止的話題...記得要同佢拉開話題...
唔好俾機會佢鑽落去...
若阿囡吹毛求疪, 不停咁要做好某件事...
都要拉開話題........分散佢注意力...
同埋唔好就佢.....

lillymarie

HahaB 發表於 12-12-19 12:19
回復 hobby 的帖子

你囡囡同我囡囡的情況確實有點似....

會唔會考慮見臨床心理學家，做埋個complete psychometric assessment呀？
加油呀！

hobby

死la，佢都算有晒你囡囡的特質，佢7個月大已懂叫媽、爺、爸，依家3歲，上星期睇醫生（不是因情緒）醫生已說講嘢好叻，好有組織；因為、所以、如果、不過等全懂運用
愛看新聞，上星期見奧巴馬係電視出現，就問奧巴馬講咩，第二日還問兇手名字，記得兇手著藍色衫
暫時觀察，可stop到佢不停發問，但有時會過份堅持，早2日要在𥱊上砌10粒積木，砌唔到又不讓我們幫，坐在地上飲泣，最後要開電視及給餅分散注意力，但我見到，疲倦情況是令情況更差
我們觀察，應不是資優，或許只是說話理解力更同年紀的好一點，因有時26個字母還會搞錯，學校評估（都包括多方面）沒有全滿分
不過都有幾位朋友在不同時間，都叫我留意她是否資優，因講嘢太叻，暫時會多些跟老師了解，之後再打算