求位信應該幾時寄?

gailywong

雖然只係得一間知道左結果(WAITING),仲有幾間今個月先有結果同面試,但好擔心冇學校取錄,因囡囡係9月尾BB人又生得的細粒,加上冇讀N班,真係好擔心囡囡冇書讀宜WAITING果間我係好鍾意既,咁我應該幾時寄求位信好?係未要寄多幾封?要相隔幾耐寄一封,係未要封封信都唔同內容?

Jane1983

即管寄，任何方法、形式、密度都可以試，不過吾好寄厚望。
而家d學校校長已練成鐵石心腸

cclemon2009

好似話好多時信件都會被scan過，有誠意有質素的才會比校長睇

cheung_chit

可能個個係唔係都寄，收到麻木。寫來都冇用。有冇人寫信成功？分享下。

choichinkiu

我都有寫過,一直傻癡癡地等回音,都知冇希望,但唔寫就更加冇

allysharlin

有朋友成功，佢一收到信，立即寫信，隔兩個星期去交，親手去交，但要寫得好好先有機會，因為現在太多人寫，如果太普通，好似校長唔會理。

Jane1983

回復 allysharlin 的帖子

可能佢本身都排係waiting前列。

cclemon2009

原帖由 cheung_chit 於 12-12-03 發表
可能個個係唔係都寄，收到麻木。寫來都冇用。有冇人寫信成功？分享下。



  ...

有朋友每月寫一封，每次内容都不同，一共寫了7個月！

sissysze

原帖由 cheung_chit 於 12-12-03 發表
可能個個係唔係都寄，收到麻木。寫來都冇用。有冇人寫信成功？分享下。



  ...

識人早二年12月收kv waiting 信即寫求位信去，四月就收到offering letter

December_baby

英文寫？中文寫？手寫定打字？大家有咩意見？

mandycml

原帖由 cclemon2009 於 12-12-03 發表
有朋友每月寫一封，每次内容都不同，一共寫了7個月！

好有毅力。。。最後成功嗎？邊間？

sylviawang

原帖由 mandycml 於 12-12-03 發表
好有毅力。。。最後成功嗎？邊間？

我都想知咩學校令一個人咁有毅力！

cclemon2009

原帖由 mandycml 於 12-12-03 發表
好有毅力。。。最後成功嗎？邊間？

係九龍塘某一間少位的kg。最後是收了。不過吾知係誠意打動還是在waiting 頭位。

曼曼嘉嘉

暫時以最心儀的那一間, 在知道第一輪註冊後才寄waiting 信來, 便立即寫一封去學校, 我是用打字的, 因為篇幅太長, 而且自己的手寫字不算太漂亮.  第二封信是一個月後再寫, 兩封都是寄去的.  不過, 之前, 我自己都有親自去一次學校去問主任了解學位情況.

至於, 另一間waiting list的幼稚園, 就冇寫求位信, 因為知道會在龍校面試結束後, 那間學校的正選生便會有一部份放棄, 放出下午班學位. 而我對下午班是接受的. 所以, 只要等5月的電話通知就得啦.

至於, 寫中文定英文, 睇你報考的學校, 一般村校/ 用中文面試的學校, 可以用中文寫. 考出名的國際班, 你咪用英文去寫信. 不過, 都要求內容是自己寫的傑作, 不是抄考, 校長會睇得出.  

Jayann

又或者試下問清楚身邊，有無friend link friend 識人喺𥚃面做，好多時問落先知有架...今時今日，老實講，「識人好過識字」係真架。

gailywong

好多謝大家意見，今日先寄一封先，唔內容寫得夠唔夠好，試左先

gailywong

點樣可以知waiting前列定waiting後列?

lisariolee

我住屯門區報上午班，想入o個間好似話有1000人爭200個位。我一知道唔收即寫定求學信，同日收到學校寄來的reject letter，想入waiting list要打電話去講。第二日一早我即刻親手去交信，o個時我問書記，佢話已經有40幾人排waiting list。我心想阿女無望，但都希望佢地考慮，於是懇求書記把信交比校長，同時幫阿女報多幾間幼稚園。有一間in完收左，我都諗住交留位費，點知同日心儀學校的主任打來話收做下午班，我即刻去交留位費。可能真係主任睇左封信，再睇返阿女當日表現先考慮。亦可能因為無咩人寫求學信吧。如果寫仲有一絲希望，但唔寫更加無望。樓主加油﹗

Jane1983

gailywong 發表於 12-12-4 15:00
點樣可以知waiting前列定waiting後列?

無法知，甘先至慘。

gailywong

唉!今日收到其一間reject信，好驚間間都reject，囡囡冇間收，求位信要寫先最好?參考下寫