- 在線時間
- 92 小時
- 最後登錄
- 16-1-22
- 國民生產力
- 36
- 附加生產力
- 230
- 貢獻生產力
- 0
- 註冊時間
- 07-3-15
- 閱讀權限
- 10
- 帖子
- 403
- 主題
- 32
- 精華
- 1
- 積分
- 669
- UID
- 128496
|
親子遊戲治療係由兒童遊戲治療而來, 只是治療師變成了媽媽
這不是俾孩子上的課程, 也不是治療自閉症的課程, 也不是改善行為的課程。這課程是家長上的, 其實都是一套教養孩子的方法。
上完這課程, 我最大的得著是: 孩子開始稍為懂得自己的情緒, 開始用一些情緒字眼, 而他的自信心明顯增強了。
當然亦有一些 draw back, 就是孩子表達多左, 好似無咁"乖" 咁。但係我覺得佢以前既 "乖" 同 "呆"比較像, 亦係 "被動"。現在就是開始主動, 看上去比較"曳", 但一些規則他開始點滴內化。當然這要一個過程, 也要很多包容, 所以若"管理"孩子行為, 要有快速成效, 這不是那類的方法。
簡單來說, 親子遊戲治療就是, 每週有 30 min 的時間, 母親 (或父親) 和孩子有獨處的遊戲時間(稱為特別遊戲時間), 完全由孩子主導, 在遊戲室 (或家中預備一個位置擺放玩具) 內, 母親陪伴孩子, 孩子用孩子喜歡的方式玩玩具, 母親完全不"指導, 更正, 判斷, 讚賞, 教", 但是, 就以特別的方式說話, 以回應孩子感受, 建立自尊自信。當中只有傷害自己,他人,物件的情況下, 母親才會設立規限, 讓孩子選擇遵守規則, 選擇好行為好結果。
而當中所用的技巧, 亦可適度用於日常生活
我仔仔在智能上發展還可, 但語言表達, 溝通, 社交方法就進步得較慢。其中一樣是, 他的自信心和主動性很弱。一方面是他的性格都比較靜, 而嗜好又是abc, 可以一個人玩很久, 不必理人就能自我滿足。而早年的訓練經歷亦係遇到 "惡"老師多於溫和的老師, 而仔仔一俾人"惡"就乖, 所以亦變相鼓勵老師以 "惡" 相待。但當佢越大個, 就變得有點"反叛", 其實不是他反叛, 而是以前他不是真的明白而守規則, 只是屈從。而且, 他的情緒亦無法疏導, 有時就會亂說話, 叫, 來表達冤屈的心情。
上呢個課程令我得著很多。雖然這課程不是為特殊需要小朋友設計, 但, 我發現當中的心得, 技巧和方法, 都頗適用於我仔仔。
以前若仔仔有一個行為我不想他做, 例如: 佢要撘lift, 唔想撘扶手電梯。咁我就會早些預告, 和解釋理由: 因為趕時間, 無得撘lift. 我仔都乖, 會順我意, 但佢個口就不停講無得撘啦, 趕時間啦, 又好唔開心咁。因為一邊行一邊講, 都幾大聲, 有時仲講好耐, 我都唔知點算, 有時都覺得煩。
學左理解感受和設立規限的方法, 現在仔仔無再講好耐好耐唔停了, 會快左轉移佢既注意力。
我依家會咁回應: 我知道你好想撘 lift, 你好鍾意撘lift, 但係今次居然就無得撘, 你好唔開心, 好失望, 真係好可惜。(1. 理解感受) 但係因為趕時間, 要撘扶手電梯, (2. 設立規限) 或者我地放學再撘過啦 (3. 提供選擇)。若講完佢都仲係咁, 我就會講多二至三次。原來孩子情緒要時間舒緩, 講多幾次就係俾時間佢消化和舒緩。當佢合作, 就講"多謝合作".
依家, 仔仔有時都會話: 無得撘, 好失望, 好可惜。但係就少左好多重覆講講講。當然唔係一朝一夕即時改變, 同埋呢個方法唔係為左要改變d咩, 而係令孩子覺得被理解, 被尊重。所以唔好期望話係咩靈丹妙藥。但, 最大受益既係我自己。我唔再好煩惱於仔仔既行為同埋唔駛受咁多佢既"音波功"。我覺得我自己心平氣和左好多, 又多左從孩子既角度出發去睇, 唔再成日好介意要管束佢既行為。親子衝突減少左。
以前我唔太明白a仔既情緒係點, 以為佢同我地好唔同。但, 經過觀察了解後, 我發覺佢一樣係有開心, 滿足, 嬲, 驚。只不過, 引發佢情緒既事和一般人未必一樣 (例如一般人唔會有人同佢一齊撘lift 就好沮喪, 但我仔會), 但心情就相去不遠。同埋, 由於仔未能從別人角度了解, 不明別人睇法, 所以某些涉及social 既情緒佢就不明顯 (e.g. 尷尬, 嫉妒)。但我覺得佢第一步首先係要了解自己既情緒先 (基本係開心, 唔開心, 嬲, 驚), 同埋情緒無好壞之分, 只係表達上若影響別人就唔可以, 但可以用恰當既方法表達。
另外, 建立自尊自信既技巧都有幫助, 多些反映佢做緊既野, 唔係讚, 而係肯定佢既努力, 認同佢既選擇, 都慢慢建立左佢既信心。
我覺得呢個課程得著好大, 都好鼓勵家長去上, 不過要管理返自己既期望, 呢個唔係改變行為課程, 又唔係治療自閉症課程, 反而係建立親子關係, 了解如何舒緩孩子情緒既課程。
有興趣可以上網找找, 我上的機構叫香港家庭福利會。課程都好長, 十堂, 每堂 2.5hr, 又要拍帶。但我覺得很值得。
好感覺到做a仔媽咪係好不易, 但身為自閉兒的仔仔, 又何嘗生活得容易呢? 被誤解, 被鬧, 被屈, 驚, 而我們的訓練好多時只集中在行為, 認知, 社交, 語言, 都幾"外在", 唔係從佢角度出發先理解佢, 而係要 "解決"佢帶黎既"麻煩"。日日身處呢個大環境, 好容易唔開心, 無自信。當我用返呢個角度去睇, 發覺自己唔係要 "治療" 佢, 更重要係 "理解" 佢, 承托佢, 成為佢既支持者, 打氣者。當然講就易做就難, 但呢個醒覺對我和仔都好重要, 亦對前路多左盼望啦。
|
|
發表於 12-12-1 09:55
