掙扎:仲學唔學鋼琴?

琬晴B

我囡囡今年8歲, 剛考了四級(暫未知成績,我估計都應該及格). 她由四歲開始學鋼琴, 現時的鋼琴老師很有心機, 但囡囡由始至今對鋼琴興趣都不是太大, 練琴方面, 要威逼利誘, 軟硬兼施才會練. (試過被我罵到嘁)
我們兩公婆都要返工, 捉住佢練琴的時間實在太少. 今次考完試後, 囡囡同我講: "我以後都唔再考琴." 她這一句話,不禁令我反思, 究竟仲繼唔繼續學琴呢? (雖然學琴不只是為了考級)
而且,這個月因為剛考完琴,老師放佢一個月假, 我覺得返屋企感覺輕鬆好多, 唔洗一返到去就問:"練左琴未?"(通常答案都係未,跟住又要捉住佢練,練到大家身心俱疲...)
噢,有無解救良方??

愛愛地球

那麼她有什麼其他興趣? 有沒有一些她主動提出想學的東西? 我突然想起林丹在魯豫的訪問中, 說小時候爸媽想他學鋼琴, 但他自己選了羽毛球.
當然, 如能掌握一種樂器, 是幸福的事. 黃之峰的十大遺憾是小時沒有學一種樂器.
你看看自己囡囡的意願吧, 可能她在別的範疇, 有更大作為和滿足感.

lillymarie

其實你有無同囡囡傾過計，
問佢鍾唔鍾意彈琴？
彈琴的時候開唔開心？
彈琴有甚麼令佢討厭？又有甚麼令佢覺得好？
平時要練琴時有甚麼感覺？悶？辛苦？難？怕被罵？

佢話以後都不再考琴，但無話不再學琴呢。究竟佢覺得考琴有甚麼唔好？

先了解她的想法，才知道下一步要怎樣。如果她真的是對彈琴毫無興趣的話，才考慮停學吧。我有位朋友亦是和囡囡鬥了好多年，最後決定不學琴，她說家中氣氛真的平和了很多，她囡囡選擇了吹長笛。

yokilo

你miss 有無教下一些較有趣或佢鍾意的歌？Eg流行歌etc

我有個學生之前唔肯練琴 而我會用呢個方法
令佢主動去練琴 我同佢媽咪都好開心

aeiou_drm

回復 lillymarie 的帖子

very good points, I seldom ask my son these questions.

Mighty

既然楼主都話不是為了考試、GUM以後就不要考試好了。　但我又会問其実楼主点解想小朋友継続？　学到４級了、其実基本功都有了、如果小朋友喜歓MUSIC的話、就問他想不想学他自己喜歓的歌。　如想、又可継続学、是自己喜歓的、也不用父母再「BIG」練習了。

琬晴B

To: 愛愛地球
有呀,逢親阿仔學緊既野,阿女都話要學(例如阿仔學Enopi,阿女又話要學),所以阿女其實都好多課外活動. (有學術及非學術,另外佢仲學緊打鼓.). 在非學術課外活動中, 佢最唔中意鋼琴和中國舞(但又未至於抗拒). 但我成日覺得,學好鋼琴, 將來想學其他樂器都會易上手好多(例如睇譜); 而學好中國舞, 將來想學其他舞蹈也會易上手(因有基本功,懂一字馬). 所以一直都無cut呢兩樣.唉...是否我想得太遠呢?

To: lilymarie
我有同佢傾過, 佢也喜歡彈好聽的歌(例如:"Turkish March"--豬腩肉歌; Fur Elise...)但她甚少自動自覺練琴,以她的性格,我覺得是怕悶(即係無恒心).佢亦有提出過想學長號或長笛,應否俾佢試?(不過我擔心佢只是三分鐘熱度)

To: Yokilo
我亦會跟鋼琴老師談談,如果繼續學,未來的一至三年,多彈一些能引起她興趣的歌曲,不要參加校際比賽或考琴. 我真的不想因為練習鋼琴, 影響親子關係.

cherubic

回復 琬晴B 的帖子

Stop a while (say 6 months) and ask your kid again.  My son just passed grade 4 exam, and he said he wants to continue but is lazy practising.  I let him to decide.

ling1211

我囡又係4歲開始學到現在6歲,2级程度,又係有同樣問題,呢排成日同我講要cut琴,但其他運動(游水,體操,壁球,就叫我唔好cut),所以我好清楚知道佢绝對係好動型,但我想佢學琴練專注,不是要為考試！我每日叫佢練,佢又唔抗拒(约30min/每天),我都有為此事唔開心,係米放棄要她學會較好？本應同老師講了不如唔學住,但老師又話我囡ok的,如果唔學真係好可惜！剛在前2日上完,老師同我扮若無其事,叫囡返去練新歌下堂弹,佢又ok喎後尾老師話不如轉返學30min,將個進度慢返少少,再睇睇囡有乜反應,總好過一刀切

Radiomama

Hi, long time no see!
女女的課外活動是否多了一點？應取捨。
八歲的他們，是應該學會自己練琴，由20分鐘慢慢加至60分鐘。不過要接受開始的半年，表現會較差。但若她應付到，她就可以繼續學琴了。
但若她不願意，再學上去會好吃力。
加油！

lillymarie

回復 琬晴B 的帖子

自動自覺練琴........如果無定一個時間叫佢地練，我囝囝都唔會。但講明幾多點練，練幾耐，有人睇住的話，佢地都合作。
不如你試下問問囡囡點解唔去練琴？聽落佢都好多活動，會唔會是因為疲累？練琴要用好多體力的哦。我囝囝有時唔想練，係因為佢地覺得好攰，好眼瞓喎。佢平時練幾耐呢？中間會唔會break下？我囝每練十五分鐘就要break 一 break.

fa_fa

我相信你的問題, 是每個小朋友及家長都面對過的問題, 我囝囝跟你小朋友一樣8歲, 剛考了四級, 亦在學琴的頭兩年不斷向我發出同一個問題. 預期要問小朋友喜不喜歡學, 倒不如先問問自己為什麼要他學, 你的動機是什麼, 是為他好或為滿足你的期望. 我曾不停反思, 結果我知道我的堅持是要學習做人的品格, 因每天我也陪著他練琴, 我知道他的問題是什麼? 從而教他怎樣克服困難, 讚賞他並給予他表演的機會, 讓他感受到掌聲的鼓勵, 漸漸在當中得到成功感!

琬晴B

To Mighty:
謝謝您! 我相信您的提議也是可行的，亦省卻了我逼她練習。（因為實在沒有時間去逼，好像昨晚我們兩公婆都要OT，晚上九時多才回家，連飯也未吃；平常也要八點多才回家。）但另一方面，其實我覺得她的基本功是不夠札實的。(我以前讀書時，考了三級鋼琴，但懂得彈的歌比她還要多。唉！)

To cherubic:
停學一段時間這方案，我也有考慮過。但因為現在的老師很好，放棄了擔心很難再編排學琴時間給我囡囡。

To ling1211:
我這幾天也不停在想，或者很多小朋友都有同樣的情況。好像我囡囡，每一樣活動，她初學時都說喜歡，但現時相距幾年，隨著年紀長大，喜惡興趣亦開始分明，所以開始會懂得表達；「我喜歡這個，不喜歡那個」。

To Radiomama:
您好，好久不見！唉，我囡囡是隻甩繩馬騮，因為我們兩公婆經常遲返到屋企，所以對著她，我有種鞭長莫及的感覺。但既然未來兩三年(無論最後決定學琴與否)，我都絕不會讓她考琴。希望她可以用這段時間自己摸索。我會與她擬定練習時間，但有沒有真正練習，就要看她自己了。
同時，我也擔心若不努力練琴，再學上去(例如彈五級的歌曲)會很吃力。

To lilymarie:
囡囡現在課外活動是不少，但她是坐不定的。叫她呆在家中，她就嚷著去博物館。坐在車子裡，沿途也在不停看書，屢勸不聽。(所以近期開始戴控制近視的lens)我覺得她精力過盛，但又不想花精力在鋼琴上。

To fa_fa:
當初讓她學琴，是因為想讓她學一種樂器，而鋼琴是一種不錯的入門樂器。早兩天，我給囡和囝做了問卷調查，詢問他們對各項課外活動的喜歡程度。我老公的初步分析是，不用他們回家練習/做練習的活動，他們越喜歡。(例如：打欖球，他倆最喜歡)歸根究底，或者最大問題是我兩公婆的工作時間，早出晚歸，年假亦很難請，所以由少至大從沒正式地為他們建立一套常規，只有靠小孩的自覺。所以，我最近也向小孩宣佈，阿囡升中前，我一定會做全職媽媽，因為我覺得自己為了工作/薪金，錯失了很多很多。

ivantissue

琬晴B 發表於 12-12-4 14:31
"阿囡升中前，我一定會做全職媽媽，因為我覺得自己為了工作/薪金，錯失了很多很多。"

當年我份工又係晚晚做到好夜，基本上兩公婆鬥夜回家，覺得長遠不是辦法，最終選擇寧願使少d食少d，更何況多有多使，少有少使，自己照顧返，也陪住佢練琴(完全不懂那種)。相信如果冇一直陪佢練，在身邊默默支持，可能早已放棄了。

dogmonkey

阿囡升中前，我一定會做全職媽媽===>
我覺得小學階段做全職媽媽, 到孩子中學階段搵番野做會更好. 中學留校時間更長, 課程亦很難跟/幫倒佢地. 亦是他們學獨立的時間.

sumchanma

可否同佢傾個目標，例如考到5級或者7級就可以選擇停，因為我有些朋友個女女都停咗在5級、考埋樂理，如長大想再學，現在好似完成一個階段。

purplemelody

回復 ling1211 的帖子

我個囝情況一樣,學了兩年,以家準備考一級,我有同佢一齊上堂,老實講,我自己係大人,我都覺得難,何況佢只係5歲細路仔,但洗濕左個頭,連個琴都買左,唔想以家先停,老師又係話佢掌握得幾好,見佢專注力又好........其實佢好少主動練琴,多數都係要我叫先練,為左練琴呢樣野,我都覺得有D影響我地之間關係,況且考一級的技巧,連我自己都覺得難,好攰,(因為我每晚都要指導佢練)想放棄,但又唔敢同老公呻,唯有頂硬上啦......

琬晴B

To Ivantissue:
以前每次同老公話，"我唔做啦，我辭職啦！"佢都話唔好，但最近佢都覺得我應該要做全職媽媽。不過，我地要做定financial planning，不能即刻「炒老闆魷魚」。

To dogmonkey:
我兩位小朋友功課較少（讀國際學校IB課程，只有weekly assignment），而中學的功課量會越來越繁重。阿囡現時做功課是「自動波」的，但叫她練琴就像「拉牛上樹」。另外，因為現時我份工的年薪比市價多5成，所以想趁她升中前，多儲些錢。

To sumchanma:
Set個目標，我也有想過。唉，不過既然她說不考試，就由她吧。我早兩天跟鋼琴老師談過，說這兩三年暫不要考試，除非阿囡自己提出。（早兩天由於鋼琴老師未能安排囡囡上課，囡囡回來後跟我說：「幾時先可以上課？我要學新歌呀！」看來，她對鋼琴的抗拒不大，只是對考試以至練琴抗拒較大，唉．．．無言）

To purplemelody:
你囝囝好好呀，我唔敢叫我阿囝學琴，因為他專注力低，叫他練琴會令我氣絕。 (我寧願留番d時間同佢玩陀螺，哈哈！)不過，佢一直話鐘意小提琴，所以最近開始俾佢學。但我已經無時間同佢練，而且我對小提琴一竅不通，噢！

Radiomama

你個女係Ms Clever, 不用擔心；只要她有興趣就做得好好。我鍾意佢夠獨立！
BTW有無睇red door拍year 4 camp果條video, 佢有份旁白！