一早嗌大交...蕭漢森VS德雅...

bryan_csy

今早上網check下自行結果，發現蕭小收咗，就同老婆講蕭小收咗，不過我想仔仔讀德雅，....點知佢話有個妹跟尾緊係津校啦....
我:德雅小班，而且都有名過蕭小...

太太:蕭小係沙田都Ok，係無沙呂，一呂，沙胡咁出名啫

我:網上德雅評風極好，蕭小好壞參半..

太太:1/深水埗中學網男仔唔得，2/個妹未必 入得返德雅，3/唔做女校男生 (開始動氣

)
我:.............1)讀到間好學校升中可以考直資，2)哥哥讀緊點都有D優勢，呀妹個年仲多人爭，德雅有中學做back up，3)我唔覺有問題.........

太太:就係因為個妹嗰年多人爭，所以揀津小..

我:中學呢？

結果在不愉快的情況下雙方各自出門返工........下集今晚上演........

OB-father

心平氣和,你太太都有道理

MC1128

bryan_csy 發表於 12-11-26 11:03
今早上網check下自行結果，發現蕭小收咗，就同老婆講蕭小收咗，不過我想仔仔讀德雅，....點知佢話有個妹跟 ...

莫動氣，仲有時間商量。不過，我支持太太！

bryan_csy

原帖由 MC1128 於 12-11-26 發表
莫動氣，仲有時間商量。不過，我支持太太！

Why??
蕭小好咩？？？

猴子爸

回復 bryan_csy 的帖子

津贴学校不用学费，你老婆为你省钱，你应该多谢她才对。
萧小在沙田区的声誉不错，升中虽不至超强，但也不俗；德雅虽不错，但也不是那种不读会后悔10世那种学校。如果是一仔一女，我都会选萧小。

bbb330

我都覺得太太有道理, 否則到妹妹升小時又要再玩類似遊戲, 人都顛

mw7183

我覺得你太太岩,

bryan_csy

係唔係只可以註冊一間
(如果係咪得番2日決定？！)

bighead9849

講真, 如果係仔入德雅, 又有妹跟尾, 就不如蕭小啦. 沙田又多英中.....仔讀德雅又接唔到中學.....
不過, 平心靜氣慢慢坐低再傾, 以和為貴, 無謂傷感情.

hadwinboy

蕭小沒有中學嗎? 若沒有, 沙田算強區, 蕭小是否夠競爭呢? 整體學術程度比沙呂等等如何? 但德雅深水埗, 要考慮往返學校車程嗎?
個人覺得女校男生問題不太大, 只是男生數量較少, 但不是唯一一個.

fishmeow

大家都是爲子女好，同老婆坐底傾下list down 好壞處，compare下先！

babeBBDoll

我都覺得蕭小唔錯又有妹妹入埋，沙田多英中，德雅阿仔冇直升，妹妹有
可能你太太覺得兩個小朋友讀德雅開支比較大，

cowboy2007

太太好有道理喎！心平氣和

tung0409

每個家庭都有自己考慮的原因, 但單憑有細妹跟尾, 又要哥哥讀德雅, 我都支持太太的決定, 有時做決定時都要考慮到小朋友的感受, 始終書係小朋友讀的, 校園生活是小朋友感受的。想回頭, 如果當年你父母安排了入讀一間女校讀小學, 你會有咩感受?當然是有少數是德雅讀緊的男生亦沒有問題, 但如果已有不錯的津校學位, 細女亦沒有100%sure win入回德雅的情況下, 太太的決定是可以尊重的。做女人對這些事好上心,可能你太太這些時間已受了太大壓力, 她的心情< 做男人的未必會明....以和為貴, 不要傷感情.

MrBeast

不如平心靜氣後，諗下你們的target，再討論一下different options，eg:

1) 因有tn backup, 放棄蕭小，再在統一抽更心儀津小。
2）register 蕭小，6月叩更好小學門。
3).....

MC1128

bryan_csy 發表於 12-11-26 11:16
係唔係只可以註冊一間
(如果係咪得番2日決定？！)

唔止，德雅學位可以hold,同時註冊蕭小，除非你唔要蕭小，大抽獎向更高難度挑戰。

babeBBDoll

除左學费，校車費，雜費，課外活動費x2，咁可能你太太咁唸呢！點都好平心靜氣傾傾先

棉花糖媽媽

我都覺得你太太啱呀
一來沙田英中多, 二來深水埗男仔冇著數, 三來蕭小近屋企 (你應該住沙田區啦), 再者有妹妹跟尾, 又不用學費.......
我:.............1)讀到間好學校升中可以考直資 <---- 讀蕭小都可以考直資

今晚再同老婆傾下啦, 最緊要平心靜氣呀~ 大定都係為子女好, 唔好嚇親小朋友呀~~~

lyhv

你住沙田嗎?  如果係，我都同意你太太講不如讀蕭小，需明白有時名聲好唔代表就可以教好同適合自己嘅小朋友，有時天氣唔好都好影響一個人嘅心情，今晚平心靜氣再同太太商量下啦。