快樂童年 vs 學術成績 的繆思和反思

fc1111

為什麼很多家長都有個想法：“要快樂就學術上差，要學術好就不快樂”？......這是不是一種謬誤呢？......快樂童年與否是小孩子的一種感受，不是說沒功課就是快樂，整天玩玩玩就是快樂......同樣地，要花很多時間學習就一定不快樂，學習為什麼不能快樂呢？至少我自己從來都覺得學習是非常快樂的........重要的是不是作為家長，我們有責任讓小孩子在學習過程中找到快樂，進而享受快樂學習呢？兩者其實並不相對呢？

alovea

絕對認同！我剛剛也想發表跟你這篇意念相同的文章！要培養小朋友從學習中找尋快樂是相當重要！

lovecupid

一日只有幾個鐘辛苦啲啫，又唔係去擔泥.....咁都會失去快樂童年?香港小朋友已經好幸福了。
幸福生活是給願意付出和努力的人自己爭取的。
要割禾先要彎腰。

irene_the_pooh

本來呢兩樣野真係冇抵觸,可惜好多家長好易迷失,變成愈谷愈多丶愈谷愈勞氣,最終就係大人同小朋友既感覺都唔開心,甚至傷感情!

marcuscyrus

Well said!!

atirw

原帖由 irene_the_pooh 於 12-11-24 發表
本來呢兩樣野真係冇抵觸,可惜好多家長好易迷失,變成愈谷愈多丶愈谷愈勞氣,最終就係大人同小朋友既感覺都唔 ...

Yes!

iamadc

我覺得有些家長太著重硬知識的訓練，忘記了軟技巧的重要性。
Common sense: 如果你個仔唔係白痴，佢係成年之前一定會基本數學和語文運用，唔洗怕呀仔k3識唔在p1程度。反正到佢大個，跟本無人會理會佢幾時學會三位數加減，但你個仔一世會記得佢童年過得快樂與否

Jane1983

其實教得深，甚至多功課，都吾係問題，好多小朋友都鍾意學習和做功課。

但一有默書、測驗或者類似的考核，家長就容易「痴線」，小朋友一落後就鬧到顛、死谷死操。

可能做家長的，真要好好反思，調節心理。

sallyksleung

回復 fc1111 的帖子

支持樓主！這一直是我努力試圖鑚硏的課題，結果比我諗到將音樂融入背誦中，果然得喎，所以我去左學琴哈哈

marcuscyrus

我大仔今年就正是小一，我都好慶幸佢是從一間重學術的幼稚園畢業，上一年班，好快就適應，同時可以繼續佢大量的閱讀和音樂的練習，否則如果佢要花上大部份的時間去做功課/溫習，我諗連周日去玩下的時間都沒有了。都有不少朋友的孩子同時今年小一，各類型學校也有，除了國際學校或比較新派的學校外，一般課業都很重，這跟"名校""不名校"沒甚麼直接關係

sallyksleung

回復 marcuscyrus 的帖子

曾經有種想法，這大概跟我們學中文有關，英文只要能拼音，憑聽已經識寫很多生字，所以不必靠太多抄寫，但中文不同，個字你唔識寫，聽得明都估唔到，所以要花更大努力去抄、死記，又或者我們中國人一向接受傳統教育，所以亦冇乜人去諗一D有系統又有趣的學習模式（eg 外國有不同phonics 教材，我自己都覚得有趣），令本地課程一直不能脫離死記背誦的模式......希望有天，我們這些都變得更活化更加有趣吧！個人努力中.....

marcuscyrus

其實我仔暫時都不太多抄抄寫寫的功課，但其他語文運用方面也須一定程度的能力。我認為程度深淺在中文科的分別比較大

lui

原帖由 iamadc 於 12-11-24 發表
我覺得有些家長太著重硬知識的訓練，忘記了軟技巧的重要性。
Common sense: 如果你個仔唔係白痴，佢係成年 ...

講得好

breadbb

Totally agree..我成日俾人覺得係怪獸 成間迫個仔 但從來無迫佢 唔通佢鍾意睇書我唔俾佢睇
最重要係佢睇得開心其實唔係我迫佢
唔通學野睇書一定係唔開心 咩理論?

babeBBDoll

原帖由 breadbb 於 12-11-25 發表
Totally agree..我成日俾人覺得係怪獸 成間迫個仔 但從來無迫佢 唔通佢鍾意睇書我唔俾佢睇
最重要係佢睇得 ...

我個仔都好鍾意睇書，日日自己揀書要我同佢睇

LWL1212

Heyheyjoyjoy

要看甚麼是學術成績？學習知識，包括日常生活知識等，學習的方法很多，可以充滿樂趣；若是考試分數，在幼稚園、小學階段，那只有不斷操練，實難言樂趣。
快樂童年與學習知識應可以共存；但快樂童年與追求分數應較難兼得。學習是很個人的，按自己的興趣、部伐；追求分數卻是從比較、爭勝而來。前者應不會帶來錯敗感，但後者卻會影響自信。
多謝樓主這個討論，令我作為母親反思。

yybee

其實最緊要過程中，唔好俾咁多壓力個小朋友，做父母嘅要多啲了解佢地嘅需要，幫佢地發揮長處，快快樂樂咁學習已經好足夠，結果係點無人會知，唔好梗要將自己嘅想法強加小孩身上，每個人都有唔同性格同優點，唔好其望佢地能做到自己心中嘅完人。其實學幾多野、成績如何並非最重要，無健康嘅身體、正確嘅人生觀，做咁多野又有何用。請記住一句：天生我才必有用！

BBQQmomi

回復 yybee 的帖子

gabu-gabu

如果大家有上過趙Sir嘅堂，應該聽過幼稚園最好以孩子為中心。俾小朋友合適嘅時候學合適嘅嘢。
硏究指出小朋友4歲以後才適合寫字，因到時手部小肌肉才發展完善。但坊間有啲幼稚園K1（小朋友應未滿4歲）就要小朋友寫字，咁算唔算係谷呢？
妹妹快30了，當年佢番名校九龍塘根X幼稚園。最近同妹妹傾開，佢話原來佢細個時好怕番幼稚園，因好多功課，寫字寫到怕，老師又嚴格，字體唔靚，手指甲長，手板唔夠乾淨，番學帶漏嘢，都會響手冊上給「黑豬」。妹妹日日擔驚受怕，驚有黑豬比媽咪問點解。
當時妹妹年紀小，唔識同父母講點解唔鍾意番學。
每個小朋友都唔一樣，唔係個個都谷得，做家長要多留意小朋友的能力同特點，俾合適嘅教育小朋友，不要只顧追求名校，斷送小朋友快樂嘅童年。