兒子的教育問題

wilyun

請問有無D小朋友都係大約3歲又評估左係自閉或自閉傾向?

因我個仔25個月大,雖然CAC評左佢話只係遲緩,但其實比起其它小朋友,佢真係回應人比較差,眼神接觸都係一時時,所以我都覺得佢係自閉傾向,同埋主要佢係講野方面又係差,現在諗緊係咪應該比錢佢去入密集式訓練果D學校好過返N班?我見我個仔返左兩,三個星期N班,係進步左D,但好似講野果度都係唔會講到正音咁...係我太心急?定係我同佢揀錯學校?如果讀果D密集訓練學校,係咪要讀到佢OK先再比佢出去返出面D K班定係點呢?我本來都諗過比佢返半日密集+半日N班,但對一個兩歲一個月的小朋友,好似真係太密了,最主要係我已經做左全職媽媽,可以全程自己教返... 請問大家有乜野議見?

yauman76

之前我都諗過返n定s班呢個問題, 最後都係決定返s班, 因為我希望幫小朋友先打好個底, 希望佢將來接觸外界會易d適應. 而我囝返了s班3個多月, 如果講缺點黎講就覺得小朋友之間比較少交流(因為佢地鍾意各有各玩同埋未識講嘢), 有時候會學到其他小朋友d自我刺激行為. 不過, 見到囝囝喺其他方面有進步, 雖然係貴, ,但我暫時都覺得冇揀錯.

joemama

返n班再自己教啦！二歲人仔仍要午睡，多去公園。言語慢慢教，發音示範時口型要誇張一點。