如何加強文言文的基礎??

helenting

今次中文測驗, 亞仔衰晒係文言文閱讀理解度, 點樣可以令佢個基礎好d呢?? 請賜教...謝謝!!!

cy101

以前自己讀初中, 文言文既比重 都好似無咁多咁深, 係咪回歸後文言文加重咗比重?

小妮子

阿囝中二,中一時真係比中文科嚇死,文言文同白話文各佔一半,有時文言文的比重反而仲重,記得我自己讀中學時,都冇考咁多文言文....
而家唯有要阿囝多做練習,操多D自自然然有進步.....

mandy304

每日閱讀一遍, 都是不錯的選擇, 要知道, 語文不能一步登天, 真係耐心累積的成果.  今日的因, 有明日的果

newuser

建議讓他多看其他的書，課文會太悶，又不夠多樣化，
看孩子興趣介紹給他看，但不要太心急太難，由淺入深。
我自己當年是看西遊記開始，之後水滸傳等，三國就比較難，好像要隔了一兩年再看才懂，這些書男孩看會很有趣味的，之後就會自己拉雜來看，古文笑話，唐詩宋詞，聊齋，等等

我現在給女兒看金庸，因為有愛情橋段，不算文言，但文筆較古雅，常常加插古詩文歷史，等。她很喜歡黃蓉，要追看其他的金庸故事，正中我的下懷，

現在只是初中，我不急，到公開試應該OK啦。

csy_ma

可參考：

中華里＞漢文書屋＞詩歌天地
http://www.chinalane.org/listing/poem.html
（有粵及普通話錄音）

教育城＞教學資源庫＞小學古詩文誦讀材料選編
http://resources.hkedcity.net/resource_detail.php?rid=1878848613

書可以看：

《老井新泉－－中國人的智慧》(97年初版，今年第14版)、《古典今趣－－中國人的幽默》(03年初版，現印至第六版)，皆阿濃著，突破出版社
阿濃將熱門既文言文故事，以白話再講一次。如果小朋友之前已看過個故事，考試時遇上原文也會少點驚慌？

另：《故事詩中尋》既先唐、唐代、霖代和元明清卷，亦係阿囡學校推薦讀物（和平圖書05年版）。像《大家來學漫畫唐詩》和《大家來學漫畫宋詞》（柏雅出版社）一樣，是以故事帶出詩詞既內容、背景和意境的，較易入口。

Snakemama

csy_ma 發表於 12-11-27 12:29
可參考：

中華里＞漢文書屋＞詩歌天地

阿仔的老師也推介阿濃的書給他看。

94BABY

亞仔第一本文言文書是三國演義，小五看的。非常喜歡，愛不惜手，應該是因為情節吸引和近似白話，較易明白。之前有選看和背誦唐詩和宋詞。中二前後應該看過了全部金庸，佢話金庸文筆好，同埋好多引經據典，番看又番看。我相信這些都對文言文的理解有幫助。

LuckyYiu0517

回復 小妮子 的帖子

絕對同意你的講法!

yklee

星島教育有蕭源,許迪鏘講解文言文,黃子程教授修練中文專欄.

yklee

寫得吾清楚,是星島日報教育版.
我有剪存文言練習留,黄教授介紹名作家散文比女,希望中文科有增長.

helenting

回復 yklee 的帖子

請問星島日報教育版係咪日日都有架?? 因為我無買呢份報紙, 唔係太清楚~~

yklee

回復 helenting 的帖子

逢周一,二有文言文練習篇，黃子程教授修練中文逢周一、三、五，老夫子笑學成語逢周二、四，趣學古文,<許迪鏘>逢周三、四，趣學古文<蕭源>逢周五。仲有周四有2013文憑試中英數通識專篇，希望JM岩用。

irene1128

黃子程係我大學教授, 個人認為佢講野似吹水多D....

lex

好似倪匡先生咁講,可以考慮叫佢睇古體文(一本白話一半文言)既四大名著,之後再入深D

chun媽

而家公開考試都沒有範文考試,d學生自然唔會死讀書,其實死讀書有其好處,忘記邊間中學的中文dse好勁,秘訣一字咁淺,就是要學生由中一起,所有文言的課文都要死背,背背下,對文言的理解自然有進步,以前會考時,所有範文中的文言都要死背,可惜新dse唔洗死背,d學生文言水平自然下降,所以,由下年?的中四起,又加番文言範文,
所以文言好, 一字咁淺,要背