CoEd Interview後分享

gwengwen

2nd interview時, 女兒坐在一旁看書, 梁校長比想像中隨和, 給我們第一輪interview時老師的comments, 看得出老師在短短一小時裡面真係觀察得幾仔細, 校長亦明顯咀嚼過portfolio的幾頁紙 (Thanks! 沒有當廢紙!), 跟我們討論教導女兒的種種, 也分享了大家對教育的看法和期望。十多分鐘對話, 校長很誠懇, 也表現出佢對教育小朋友很有心。

我和老公好impress的, 係當日見到CoEd的學生真係好好好好乖! 我們當日在Office等候, 有幾位同學仔"司機"未到坐在我旁邊, 兩位P1/P2的同學望住我笑, 和我傾計, 兩位都有禮貌; 老公中途去洗手間, 佢回來話, 在洗手間門外遇上幾個男生, 見我老公都指示佢洗手間位置, 仲讓佢入先, 真係幾乖~ (老公話, 男仔多數都係衝進爭入廁所!)

之前在BK有不少人批評CoEd, 雖然也有超級版主KaHeiBaBa提點過, 但今次interview親身見識後, 我們覺得CoEd真的不是傳聞中咁勢利, 而且真係表現出佢哋成日提住的"謙遜有禮", 因為如果佢真係收咗不少名人後代, 全都係屋企的大少爺大小姐, 教佢哋守禮謙恭比教一般學生更難, 我諗也是佢哋成為top school的原因。
想和大家分享一下, 讓大家不用一面倒只聽到平日"不停叫學生捐款","富學生炫耀又無禮"等一面例的comments。

bblovebb2

作為SPCCPS家長，看到這篇帖子，也禁不住回覆一下。你的觀察和我的實際體驗也是一樣，小女和她的同學也大多是有禮乖巧類型，愛學習，善表達。校內多是中產，父母多是專業人仕，如醫生、律師、會計師等，當然也不乏商人，但絕不是大多大富大貴家庭。總括來說，女兒讀得很快樂，十分享受學校生活。

CKBCHU

恭喜恭喜！我諗你可以同個囡做定校服。

CKBCHU

請問你個囡幾月出世呢？

hadwinboy

我母親曾在此校任教, 也 comment 學生很乖很純品很有禮貌, 出生於良好家庭, 是象牙塔裏的公主與王子.

Charlotte_mom

回想多年前去spcc聽簡介會。老實丫，以佢既reputation, 其實大家心裡有數，好絕大部分申請人（包括我，仲要明知果場係for外人既簡介會），都會好快成為路人甲。果晚我遲左，我都吾好意思再行黎行去搵位，自己企埋一邊啦。好快就有老師過黎幫我，帶我去坐低，仲講吾好意思個窗簾遮住睇吾清楚，猛幫我整。我真係好深刻印象，吾怪得佢可以教到小朋友又叻又謙卑

steven819

Gwengwen, Congratulation!
bblovebb2 is telling the reality.

茵彤媽

我都好同意gwengwen的睇法，希望我地的女兒能做成同學。

siubear718

is the interview in English only?

gwengwen

siubear718: interview是中文進行, 校長也多次emphasize中文在學校的重要性, 但英文水平也很高。

我們有朋友的女兒在中一考入CoEd, 本來是沙田區普通小學讀, 非專業人士的中產家庭, 但成績好和乖的, 最近都向佢問過, 佢話小學直升上去既同學都唔會排擠佢, 佢讀得好開心; 班中都有2, 3個非常富有的同學, 但都係暗地裡知道, 同學從沒有炫耀過自己既家底亦沒有特殊地位云云。

oooasis

好多人都對富有家庭的小朋友有誤解。
其實良好家庭背景下的小朋友，往往內心單純善良，與世無爭，好聽教。

CKBCHU

梁校長好注重學生返學開唔開心，同成長有冇自信！姖個團隊在個半至兩個鐘內睇得出我個囡的性格！好佩服！
核對地址證明也不奇，我覺得係正常程序。去CSL出台都要地址證明啦！

CKBCHU

不過冇同我哋講樓主的說話，所以以我的朋友經驗，樓主囡囡應該得！

Jos911

幾時出result?
希望樓主得償所願！！

CKBCHU

26Nov之前

cykk

bcw 發表於 12-11-18 12:10
那要求地址証明的原因是什麼呢?

真的不看家庭背景嗎?

我聽有學生說老師向他們講過，學校實在唔想收一些住得太遠學生，怕他們返放學太辛苦。

cykk

bcw 發表於 12-11-18 13:58
要地址證明，不接受政府及公用事業以外的信件喎!要關心住得近唔近唔使要咁嚴格証明掛?其它學校唔使喎?用意 ...

嚴格有乜咁出奇，大把家長為求目的乜都做得出！