18個月囝囝懷疑自閉..

Vichang

18個月囝囝懷疑自閉..  佢鍾意望洗衣機, 車輪, 任何係圓嘅嘢都 like; 唔識講 bye bye, 唔睬人, 跌倒唔會哭, 耐唔耐又會用 Lego 打自己個頭!!!! 同陌生人冇乜 eye contact; 叫佢唔係次次應你.....  我啲 (初頭我都以為係) 朋友個個都 笑我話佢咁串!!!!

啱啱前幾日打完針同左醫生講, 佢話有可能係, 而家拎左張 referral letter 去左政府月尾去見姑娘, 再要等 1/2 年 做評估.... By that time, he is already 24-26 months lah!

我呢幾日睇左好多資料都覺得阿囝好似自閉....不過 99 啲老人家始終接受唔到....

唉....我仲有好多嘢要面對呢.... 我做人阿媽一定要 accept the truth / reality..

除左等做 , 你哋覺得我有咩可以做?  上私人機構 playgroup?  

CMH

搵私人機構評估，不過費用較高。

另外，可以多跟他說話，就像是講波一樣，一路做一路講，就算他不說話，也可以儲多些詞彙，將來一定有用。

Vichang

Thx. 另外有朋友介紹我睇針灸，我都會帶囝囝針下囉

CMH

別客氣。

如果針灸，你要忍心頂得住D喊聲同埋他成頭成口針的樣子

pgbaby

原帖由 Vichang 於 12-11-15 發表
18個月囝囝懷疑自閉..  佢鍾意望洗衣機, 車輪, 任何係圓嘅嘢都 like; 唔識講 bye bye, 唔睬人, 跌倒唔會哭, ...

我個case 周你差不多， 我仔仔16 months 時有人提我佢可能有呢個問題， 響健康院拎轉介信， 但要半年， 果時周圍搵私人評估， 但好貴， 17 month 返威院覆疹支氣管痰時同e 生講仔仔的問題， 佢好好人， 幫我轉介兒童發展e 生， 評估完， 俾信我去排e+ s. 而家仲去私人做training, 你可以打去你就近的e 院問下

fandd

回復 Vichang 的帖子

如果懷疑小朋友的行為有異樣，建議唔好等政府CAC，應快D揾私人中心做評估，因政府等候時間超耐，由評估至提供訓練服務，最快也要1.5年，需知道治療自閉症、過度活躍症或阿士保加症的黄金期是2-3歲，因等候服務而錯過治療黄金期就非常不值。

Vichang

我忍到佢喊聲，我怕佢郁得好緊要啫。

Vichang

Go to STEP for assessment? 私人有邊間係較可靠架？

autunmbb

如果諗住比錢做私家的評估，最緊要係佢地的結果比政府承認，比你排到政府的服務，這才值回票價。因為可以快半年開始排服務呀～～　

bbqiu

總之要快，step or 協康都冇所謂。

fishcowcow

但18mths未必做到自閉評估, 協康做要2yr, 我囝剛評估完(27mths), 不過其他機構就唔知係咪未夠2yr都可以做

Vichang

Thx. 已問左STEP佢問完我一大輪嘢後，佢認為可以安排做assessment, but 我husband想等埋2星期後見埋姑娘睇下政府係咪真係排咁耐再confirm STEP ... By that time my son will be 19 months lah

Vichang

Thx very much for tips.I asked  STEP and they said their assessment  is 認可... that's really important

CMH

Vichang 發表於 12-11-15 23:40
我忍到佢喊聲，我怕佢郁得好緊要啫。

18個月做針灸可能太細個了。去年1月至8月間做了48次，眼看其他小朋友的情況，簡直係非旁觀者的感覺。

ka-sandra

回復 Vichang 的帖子

我前兩個星期幫我細仔排見到醫生,姑娘都話最少6個月or以上.如果經濟許可,盡快去做評估.

HopeLJ

原帖由 Vichang 於 12-11-15 發表
Go to STEP for assessment? 私人有邊間係較可靠架？

Greenfield @ 佐敦

wilyun

我個仔都係似你個情況,我就早過你排左CAC做評估,現在個仔25個月,我呢段期間 就同佢去協康同心橋做D小組訓練,另外,政府果度就排早期,我個仔都現在都唔識講架,久唔久佢就會講一D野,但你叫佢跟住講,佢有時又會講到D音出黎囉!你可以帶佢去心橋度做言語小組訓練,幫佢訓練安坐同眼神接觸

仲有,協康會有D係小組訓練,專FOR我地呢D小朋友,社交咁.你有無同個仔排埋入N班呀?你一定要帶佢入N班讀下書,接觸多D人.

你個仔21個月比較細,我都覺得你可以唔好針灸住,等佢足左兩歲先,因我個仔都係25個月我先比佢去試針灸(雖然未針,但我覺得應該有D效用!)

平時多D同佢講野,比多D唔同種類的玩具佢玩,唔好只比單一種類佢玩呀!

我自己就係個仔20個月大就QUIT左份工,自己跟返,現在佢的理解能力已經好左好多!

我都有同感,D男人同D老人家唔多願接受呢個問題,但我地做家長,應該要正面D面對,知佢有事,就更加要幫佢盡快適應生活,因佢大D要面對的,比我地家長還要多,唔好因為怕人地講,你就唔帶個小朋友去接受治療呀!呢D病真係早D發現早D可以幫到佢架!

Vichang

CMH 發表於 12-11-19 18:09
18個月做針灸可能太細個了。去年1月至8月間做了48次，眼看其他小朋友的情況，簡直係非旁觀者的感覺。 ...

Thanks very much for your advice again.

但係我真係有點著急 (成日想搵啲嘢幫下佢), 結果在我老公的反對下 (其實佢都認為要遲下先)去了做針灸..... 中醫 (我耐唔耐都會睇佢, ok 嘅因佢有小朋友腦部發育不正常 的臨床經驗), 話囝囝都周圍走, 耐唔耐都有眼神接觸 (叫佢會望下你), 情況唔係太差 (其實我都知) , 但係佢經常玩圓形嘅嘢同埋古執 (e.g. 只可以用奶樽, 點口渴都唔肯用學習杯), 又成日用手大力拍嘢, 撞倒又唔痛, 中意開櫃桶....咁就有啲似....  anyway, 針左10 針到, 但係囝囝有用手掃個頭, 最後喊左一輪之後就冇事 (我估喊係因為痛 + 眼瞓 + 唔中意有人捉住佢個頭唔俾佢郁)....   我會之後再試多幾次, 如果佢反應太大 我會停一排嘅....

返到屋企, 我同老公講左 "今日帶阿囝針左啦"...佢都好平靜, 仲話 "xxxx (佢個上司) 話針下條舌頭都好喎......"    嚇 c我... 似乎佢都接受到阿囝去做針灸....