Advice

lulumelody

仔仔31個月、做了評估、有輕微自閉、認知遲了半年、只懂BB話、已找語言治療、已返主流全日幼兒園、老師無投訴、已可以坐定定、大部分指令都明、開始多了和老師互動、也有一点点和小朋友交流、老師話小朋友係遲緩、唔似有自閉!
其實問題係唔係自閉唔重要、現在此在最大問題係想找training比佢上、想問如何選擇:
1 - step 話要上個別training、一星期二次、要二次、起碼二個月、才可以上小組、要上5  日每日1.5個鐘、小朋友要改返半日、但佢返全日生活有規律、自理好好好多
2 -  協康會、小組、一星期上兩日每次兩個半鐘、兩日早走、佢其餘三日可返全曰N班
3 - 個别幼兒導師訓練、可返繼續返全日N班


想問如何選擇?

lulumelody

重又、要考慮排S和E位。小朋友在主流幼兒園已適應、又開心、因為他常常笑、老師对佢好好、又包容、若排S位、要放棄現有幼兒園、有点可惜。

autunmbb

a仔越大與其他普通小朋友的差距會較明顯，小朋友早d有訓練係會好d，不過點取捨就要你自己決定。

s位定e位，你可以再睇多一陣，因為都係排超過1年，建意你留意下排隊情況，預計小朋友可以幾時派位，還有要留意下改服務的日期，因為如果是下學年入學2013年9月，要在2013年2月底改好，會一次過處理新學年入學。

你個小朋友可唔可以係主流生存，需唔需要s位的訓練，你會感受到的～～

HopeLJ

仔仔可以跟到主流，有社交動機，有基本理解，無理由行回頭路讀s。我會揀3，針對弱項如言語，加星期六d社交小組，我知有協康，明愛，楽寧，東華等。

Capricorn2521

我會選2或3。

CMH

choice 3 seems more appropriate.

hindip

One more choice is SEEDS of Fu Hong Hin Dip Centre. two half-day (usually 9:30-13:00) per week. no need to stop totally from school. 8 sessions per class. 4 children per group. With experienced Occupational Therapist leading the service - Listening Therapy, Handwriting Training, Theory of Mind Training included. http://www.fuhong.org/hdc, there is a parent workshop on 15 Dec to know more.

pyalisa

評估人員，step ，協康，同私人老師比d什麼意見你？

misshk12

我小朋友排緊E位。就係選左"2"，上午返主流N班，下午返協康2個半鐘，每週三日。不過，在那三天下午，小朋友真係累壞，唔夠狀態上堂，以致佢好抗拒返(但佢返上午KG時好歡喜的)，亦開始抗拒做桌面訓練，好似一坐埋枱就知要做野，想逃避(這現象最近出現了)。令到我都好困惑，唔俾佢上密集小組，又驚佢追唔上或越來越差，俾佢繼續上，佢又好似無精神上，甚至有點倒退。

lulumelody

Step 話上個別先、看情況再轉5日密集小組，主流N班老師其實话佢主要要做語見過言治療、也見過links,特殊幼兒導師話佢有potential 進步-、可以一星期一次再遲.D 可以加到一星期二次!

HopeLJ

原帖由 misshk12 於 12-11-20 發表
我小朋友排緊E位。就係選左"2"，上午返主流N班，下午返協康2個半鐘，每週三日。不過，在那三天下午，小朋友 ...

你仔仔n班老師點講？跟得到嗎？跟到就返小密集兩堂，跟唔到就返小n班兩堂。太倦會令到吸收慢咗，容易病，一病就反而倒退，其實得不償失。好似你成個星期唔夠瞓，你返工都唔夠精神，容易mun。我唔太完全了解你小朋友的情況，但你咁形容，我真心覺得小朋友進步係好重要，但夠休息運動，身體好精神好，集中力吸收知識情緒都好d，都正面的。

misshk12

回復 HopeLJ 的帖子

我仔的N班老師都話佢跟到課堂，現已適應了上學，亦鐘意返學(睇得出老師錫佢)，能自己食飯，上星期旅行見佢都肯與同學仔玩。下午協康就主要做小手肌、唱遊同埋少量大肌活動，上個月進步明顯快D，但這個月卻開始唔願返學，與特殊導師關係尚未建立好(我仔唔太肯跟佢)，導師話佢上堂無之前咁主動，反應慢左，狀態唔夠。主流N班能俾到我仔語境，同埋返學常規，見佢適應得好好，我唔想QUIT。但協康個位，理論上應幫到佢，但實際上佢體能同精神上都吃不消，我都難做決擇，怕做錯決定。唉！做SEN媽咪，往往如摸著石頭過河，唔知下一步係點！

HopeLJ

你覺得你仔仔邊間學嘢多d ?  只要邊度幫你仔提升多d 就重點邊度多d。

HopeLJ

咁中間點... 每樣各cut 一堂，睇下你仔仔有冇精神好d。