如果係FTM, 收既機會會大點嗎?

eebabyma

原帖由 Shamuslau 於 12-11-14 發表
非常認同！乜野ftm在家做工人的工作, 講得咁難聽! 我自己都算高學歷FTM（Overseas degree), 亦冇請工人, 我 ...

非常認同，我自己都係ftm，亦係degree holder，家中沒有工人姐姐，我就是每天在家中做著你們所說的工人的工作，清潔，買餸，煮飯一腳踢，好老實，少了我的收入，我小朋友一定沒有你們的孩子這麼多享受，這麼多多餘錢去上興趣班，但我有更多時間看著小朋友成長，陪他看書，畫畫，行公園，踏單車，做功課，我亦相信我小朋友從中會有所得著，有得必有失，只要選擇自己認為對小朋友最好的路就是了.
話說回來，我小朋友今年亦是在一所較熱門的kg讀K1，我和班中的家長亦有聯絡，但我不覺得我們當中有很多ftm，極其量全班30人都唔多於5個，所以我自己不覺得ftm對考kg有特別的優勢，大家加油吧

babeBBDoll

我是FTM，我也是 overseas degree holder, 我冇請工人的，我就是天天在家中照顧小朋友，全年無休的，FTM都好忙架！請大家多多包容，我明白各人觀點不同，但希望唔好講到FTM連幾千蚊人工既姐姐都不如！之前家中找的工人真係唔满意，自問請一個可完全放心既工人姐姐是一樣好難既事，我見佢地同小朋友出街大部分都遊魂一樣，不停傾電話，玩電話，周街拖住小朋友但掛住周街傾計，自問一百個唔放心不如唔請算了，自己辛苦D做埋佢，因言語上對FTM不太公平吧，我地都付出左好多

bobo82hk

世上只有媽媽好，無論在職、在家，都系為兒為女為家庭！

karlilau

選擇在職吾需要攻擊ftm 。各人選擇吾同。互相尊重吧，學校鍾意ftm 都好正常。有免費義工。小朋友有咩問題家長又可以即時跟進。如果在職佢怕大家忙難請假

Vana

講講下, 變左好多ftm在申訴 我都好明白....因為我都係其中一份子, ..... 我認同無論在職or全職媽媽都一樣辛苦..... 各有難處.... 正如用工人姐姐唔一定係想責任交比姐姐, 睇下你點運用同埋點去睇姐姐既角色既o者....

我雖然係一個有工人的ftm, 但大部份既野都唔會假手於姐姐..... 而家我陀住38wk+既大肚, 一樣係我自己每朝帶囡囡去晨運/ 玩大約1.5小時....姐姐就係屋企清潔....返到屋企, 好多時阿囡食既野, 面包, 蛋糕都係我自己整既... 阿囡nap time既時候, 都係我自己去買餸....飯都好大部份我會親自下廚... 岩岩亦都係我暗完阿囡瞓覺先走黎上網.... 所以有工人既ftm都未必係大家諗到咁自己會去shopping掉低小朋友.... 姐姐其實都可以只係幫輕下既角色....

答番樓主既問題, 我覺得ftm應該會有少少advantage, 但未必會因為你係ftm而選取你既小朋友.... 可能當兩個表現相若既小朋友時, 而又有ftm配合就可能佔優了.....

venuscyc

我同你的情況相若，分別是我小女兒已出生。
我想講：我也是一個高學歷的ftm。但我倒不覺有benefit 到喎，是我女兒表現差？是我表現差？
會唔會工作一欄要填ftm? 我一向填家庭主婦，是否錯了？

amberpan7

我想請問如果有請工人，但留在家冇做野嘅媽咪叫唔叫做FTM?

waiting046

我係在職媽媽, 我平日都係靠工人做家務, 自己就抽多D時間陪亞囡玩, 睇書... 放假都要自己做家務, 帶亞囡去街市見識一下, 去下圖書館, 公園...雖然我唔知咁做啱唔啱, 但總是想同亞囡親密D. 今年亞囡都報K1, 我都有懷疑過FTM係唔係著數D, 而自己學歷唔高, 又唔係大公司, 就算職位高, 都係冇用. 唯有指望亞囡乖乖地去面試, 自己答問題唔好出錯. 等待幸運之神降臨!

Happylovehappy

100%Agree. Support！

Happylovehappy

原帖由 babeBBDoll 於 12-11-14 發表
我是FTM，我也是 overseas degree holder, 我冇請工人的，我就是天天在家中照顧小朋友，全年無休的，FTM都 ...

100% Agree！ Support！

oooasis

想問下你地係填全職媽媽，還是家庭主婦？

cani09

"主婦"

monyshek

原帖由 oooasis 於 12-11-15 發表

主婦

happy.rita

啲幼稚園報名表要填咁多「詳細個人資料」-- 父母職業、職位、學歷、校名（有啲連小學都要填埋），如果學校唔睇的話，問嚟做乜？但呢啲資料都係「改變唔到嘅事實」，而且無人知面試表現和各項背景嘅「比重」。如果你小朋友面試表現好好，但因為父母嘅背景或者唔係ftm，而唔收，咁你都未必想俾小朋友入去讀啦。

ella1029

我自己都係在職媽媽...當bb差不多入讀PN時...我已經想轉FTM自己湊返, 因為真係唔放心比工人(試過係屋企都撞損晒), 返到屋企問工人點解, 只係話:I don't know ar....真係心都痛埋.....同老公商量過..大家意見不一..仲鬧交..最後都係要繼續工作!!!

DCMaMe

本來都唔想講, 但實在想申訴吓, 我自己亦係一名擁有高學歷 (碩士) 的FTM, 本來有一份非常滿意的工作, 買名牌, 去high tea, 做facial, 做spa. 一年幾次外遊果種.

但我放棄以上所有的野, 年中無休, 每日只是紮起頭髮, 一絲不拘咁去帶個仔返學,去公園玩, 陪佢畫畫, 讀書. 我本身有請工人, 同Vana一樣, 從不假手於人. 小至呀仔食飯飲水, 大至沖涼訓覺, 從來都係親力親為.  嚟緊工人姐姐走啦, 亦無打算再請, 自己做埋.

我想講的係, FTM的付出的而且確係好大, 係付出一整個人同佢地的人生, 我從無諗過呢樣野會唔會有分加, 從來唔會在計算呢樣野係咪有jetso, 我的付出一直都係為孩子去諗, 為他能有個美好的童年出發, 如果做每一樣野都在計算別人, 或自己有咩蝕底, 我覺得咁樣做人好辛苦. 亦唔係父母應該教導小孩的.

我好明白, 如果可以,好多媽媽都想日日對住自己的小朋友, 我有好多朋友都係Working Mum. 我好appreciate佢地對小孩子的付出, 對家庭的support. 要做得好真的不易.

所有媽媽加油吧!!!! 與其用時間去想其他不知道的事, 倒不如用時間去看一看自己的孩子, 是多麼的可愛, 多麼的想跟媽媽一起玩.

eebabyma

原帖由 oooasis 於 12-11-15 發表
想問下你地係填全職媽媽，還是家庭主婦？

我填"家庭主婦"

angelaywtang

我覺得冇咩關係。我自己係FTM，但我認識D返工Mommy其實仲辛苦，工作壓力大之餘返來又要湊仔。所以我好理解佢地，我都覺得學校吾應該以呢個作為標準。