黃大仙區中學選擇，幫幫忙 2012sept入中一啦

HelloKitty

仲有一點，我仲未諗通：
根據小囡學校資料，過去幾年都有超過50%的同學派英中，甘呢緊兩三年學生人數下降，相對地這50%派英中的比率是否也會下降？

khmama

你嘅理解唔正確。

1. 一間小學即使有聯繫，都唔代表首志願%一定高，因為直屬/聯繫位除咗要放第一志願外，亦要跟遊戲規則band1先抽，有剩先到band2。唔好忘記首志願唔係band1生專利，band2/3都一樣要揀學校，直屬/聯繫小學嘅band2/3生唔見得首志願%一定高。

2.學校計算首三志願%一般係指乙部，甲部得幾個位仲要全港抽，好少會計埋，就算計都影響極輕微。

3. 首三志願實際bias之處，係學校要學生填表非常保守。例如band1生唔理你頭中尾，第一志願要你填間band1尾學校，band2生第一志願填band2尾學校，band3生第一志願填band 3尾學校，都冇人同你爭，100%派第一志願都得啦。

4. 抽獎唔應該用選擇同首三志願%掛勾，從來都冇band1/2/3學校嘅劃分，只有band1/2/3學生。主要收band1生嘅學校就叫做band1學校。抽獎排位要留意學校有幾多個位比幾多人爭，受歡迎嘅學校第一輪已被人搶晒啲位，所以第二志願應該填冇咁受歡迎而估計有位剩嘅學校。

onepiece

有幾點，Khmama誤會了我的意思，亦有幾點我唔認同。
1. 我是説＂聨係和直屬學校會有bias＂，所以考慮時唔好睇那些學校，唔係話＂所有聯繫學校都一定有bias"，事實上只要有保留位，或多或小都會影響%，所以唔睇是正確的。
2. 實際上，真係有若干學校把甲部首志願放埋落去，如果仔細去計不同%就會知，致於多定小，事乎%是多定少，我只是指出會有這項及可能性，更沒有説影響很大，影響多少亦用equation 擧例計出。
3. 數字可唔可以參考要看你參考的目的及結論是甚麼。無論選首志的原因是甚麼，甚至被人誤導而填，選了之後產生的結果都是一樣，而draw的結論亦只是首志願選擇很分散。
4. 去睇首志願%，就是要知道首志願是否分散，從而去將＂幾多個位比幾多人爭＂和＂估計有位剩嘅學校＂實質化，用甚麼方法、數字和計算方向每人看法不同，但目的都是一樣。

講出來只作參考，每人有自己看法，太複雜亦唔係個個了解或認同，也唔想多作討論。

carchu12

khmama 發表於 12-11-17 11:53
你嘅理解唔正確。

1. 一間小學即使有聯繫，都唔代表首志願%一定高，因為直屬/聯繫位除咗要放第一志願外， ...

khmama多謝你既補充！

ohnono

HelloKitty 發表於 12-11-17 11:42
仲有一點，我仲未諗通：
根據小囡學校資料，過去幾年都有超過50%的同學派英中，甘呢緊兩三年學生人數下降， ...

學生人數減少跟幾多%同學派往英中沒有相連的關係，大家沒有掛鉤，人數減少不等如比率都會減少。整體人數減少，仍然可以是50%派往英中。舉個例子，以往是200個同學的50%，即是有100個同學派往英中，現在總人數減到去150個同學，50%即是75人可獲派英中。
以往只有band 1的同學才有較大機會進入英中學校，所以我地大多將派往英中的同學當為band 1學生，因此有學校將所有能派往英中學校的都基本上歸納為band 1生。因此你在這裡說的50%派英中的比率，若將佢當為是band 1的比率，咁就有機會出現變化。因為有可能因為人數減少而出現band 1英中有位多出來而令到有部份band 2同學都有機會抽入band 1英中而令派入英中的人數有所提升，或有機會由50%派英中上升為55%、58%、60%等等。

HelloKitty

原帖由 ohnono 於 12-11-18 發表
學生人數減少跟幾多%同學派往英中沒有相連的關係，大家沒有掛鉤，人數減少不等如比率都會減少。整體人數減 ...

謝謝，開始明啦。

濼晴

張永慶 可立 協和 何陰棠

小妮子

如果小朋友係全級10名內,我會揀保一.....

ohnono

formula0106 發表於 12-11-20 13:10
其實睇左咁多. 我都係未識計. 死未!!!
但好多謝各位媽咪報料. 等我都知少少. 謝謝! ...

唔會唔識計，係計唔掂居多。我舉個例，好多同學係非保一不要，非協和不選，就算你比間可立佢，佢都係唔開心。所以唔駛計，只管去揀，用最好的策略去等待最好的隨機號碼就可以了。

carmenshek

原帖由 濼晴 於 12-11-20 發表

我現在心目中的排位是   張永慶，協和，可立，何蔭棠


自收生即1 月那個 我揀弓一間官塘區，另一間揀張永慶好唔好?

濼晴

我住左黃大仙好多年 如果小朋友 讀書好得 張永慶我會選第一  讀書氣分好重 升大學百分比好高

carmenshek

原帖由 濼晴 於 12-11-21 發表
我住左黃大仙好多年 如果小朋友 讀書好得 張永慶我會選第一  讀書氣分好重 升大學百分比好高



  ...

我也是住黃 大仙區。但我兒時在官塘區讀書，對黃大仙區的學校很陌生

濼晴

我由細到大 說住黃大仙 基本上 英中 最好係張永慶

其餘係 2.可立 3.協和 。。

redkoni

carmenshek 發表於 12-11-21 10:57
我現在心目中的排位是   張永慶，協和，可立，何蔭棠

係咪即是乙部大抽獎都照咁樣排第一至四志願？

carmenshek

是呀

小妮子

回復 carmenshek 的帖子

樓主,我勸你乙部唔好咁填啦,第一,第二可以照填.....第三,第四就唔好咁進取啦,跟本係冇機會,可立同何蔭堂都多人選,你將佢擺第三第四根本就浪費左個機會,不如選一D冇咁多人揀既仲好.....
唔知你認為啱唔啱聽呢,如果唔啱,你當我冇講過...

carmenshek

原帖由 小妮子 於 12-11-23 發表
回復 carmenshek 的帖子

樓主,我勸你乙部唔好咁填啦,第一,第二可以照填.....第三,第四就唔好咁進取啦,跟本 ...

我會再諗清楚的。其實我都明白排位係要有策略。但心宜的學校實在太小了

小妮子

回復 carmenshek 的帖子

不過,你可以放心,小朋友如果係全級頭10名內,自行好大機會會入到.....
另外,唔知你小學老師有冇建議呢,你大可以問問老師的意見.....
我囝係保一讀中二,學習氣氛非常好,同學個個着緊自己成績,當然有好有唔好啦....