黃大仙區中學選擇，幫幫忙 2012sept入中一啦

Hong2003

not a big chance for this .

sukylam

回復 formula0106 的帖子

如果係錦泰甘唔洗擔心好穩陣入b1,仲有第一志愿只可以三揀一,即係保一、協和、保棠三間揀一間,尼三間放落第二志愿係等于少左個機會佢地唔收

ohnono

黃大仙區明年有約1000個band 1升中生，如果計6間英中，總數有26班，如果能keep到每班36人，即是總band 1學額是936個，跟band 1人數相若，只要排好第一和第二志願，命中率都可以好高。

如果睇埋黃大仙區內的band 1中學，稍具吸引力的都只有保一，這54個位除了招納區內的學生，還有區外的學生入來，區內被取錄的恐怕不算太多。

但是，偏偏黃大仙跟隔鄰的九龍城相距不太遠，跟沙田又只是相隔一條隧道，幾間有份量又甚具吸引力的中學又真的幾難令人抗拒。區外的吸引力大過區內，傾向跨出的同學多於跨入的情況下，實有利區內的band 1同學選校。

HelloKitty

甘我又想問大抽獎時, 第1. 協和, 第2 德愛, 如果第一志願入唔到, 甘入第二志願機會是否好微?
我見小女間學校77%派第一志願, 但第二志願只有4.57%

carmenshek

原帖由 HelloKitty 於 12-11-16 發表
本帖最後由 HelloKitty 於 12-11-16 10:45 編輯

甘我又想問大抽獎時, 第1. 協和, 第2 德愛, 如果第一志 ...

其實大抽獎是否指 13年1月份的自行升中報名

HelloKitty

carmenshek 發表於 12-11-16 10:47
其實大抽獎是否指 13年1月份的自行升中報名

大抽獎是指2013年4月份填個份表,

onepiece

原帖由 HelloKitty 於 12-11-16 發表
本帖最後由 HelloKitty 於 12-11-16 10:45 編輯

甘我又想問大抽獎時, 第1. 協和, 第2 德愛, 如果第一志 ...

我相信係非常微。，假設協和佔全部band1位的20%，那麼只要有20%人首志願選協和，次志願選協和得的機會就係0。由於有些人覺得保一是聨係中學，對非保良局小學來說，位小了（其實只是小了20個），而且多人抽機會細，反而填協和首志願機會大，很多人亦唔太介意讀保一定協和，所以其實好多人首志願係填協和而唔係保一，情況有D似李慧瓊琼多票過劉江華（意思唔係話選協和人多過保一，而是話協和多數有多過20%人選）,從一些小學的首志願%亦印証了這件事。

HelloKitty

onepiece 發表於 12-11-16 12:21
我相信係非常微。，假設協和佔全部band1位的20%，那麼只要有20%人首志願選協和，次志願選協和得的機會就係0 ...

唔好意思, 可能我問得唔好, 其實我想問如果派唔到第一志願的協和, 甘派到第二志願德愛的機會是否好微?

onepiece

原帖由 onepiece 於 12-11-16 發表
我相信係非常微。，假設協和佔全部band1位的20%，那麼只要有20%人首志願選協和，次志願選協和得的機會就係0 ...

對區外人，只係識睇公開試成績，自然會以為保一明顯好過協和，但其實選校只睇數字，好易被誤導，我問過幾個保一畢業的同事，他們從來覺得讀保一和協和是一樣，聖母同德愛亦差唔多。期實想深一層，今天亦唔知6年後學校變成點，6年前大家亦估唔到何蔭棠今日成績噤好，大家無需太介意band1A 定1B，band1C定2A。

HelloKitty

其實協和同德愛我地都OK, 只是覺得黃大仙只有6間英中, 如果選了一間最心儀的做第一志願之後, 後面的志願好似點填都係無機會甘, 真係難攪

onepiece

原帖由 HelloKitty 於 12-11-16 發表
唔好意思, 可能我問得唔好, 其實我想問如果派唔到第一志願的協和, 甘派到第二志願德愛的機會是否好微?

...

我反而覺得第二選德愛多數得，因為第一揀德愛的人應該好小，多數係band1邊緣人，而且有75~80%學生己獲首志願，要抽第二志願的人已少了很多，而男仔仲無得揀德愛，所以如果妳肯1. 協和 2.德愛，應該非常穩妥。以往第二志願%低，只係好多人唔知 / 唔相信 協和同何蔭棠放第二機會渺茫。

onepiece

原帖由 HelloKitty 於 12-11-16 發表
本帖最後由 HelloKitty 於 12-11-16 12:43 編輯

其實協和同德愛我地都OK, 只是覺得黃大仙只有6間英中,  ...

細區選擇真係唔多，始終有D區劃得太細，例如荃灣，荃灣只有4間band1英中，而深水埗女仔如抽唔到上智或聖母玫瑰，下面band1英中亦只有兩間（71個位）女仔可以抽。

ohnono

HelloKitty 發表於 12-11-16 12:42
其實協和同德愛我地都OK, 只是覺得黃大仙只有6間英中, 如果選了一間最心儀的做第一志願之後, 後面的志願好 ...

我唔知點解你會有這個錯覺？我覺得你是被那些甚麼第一志願70幾80%的訊息誤導，所以有這個諗法。
我地係呢度舊年已經鬧爆嗰d學校，為了抬高這個百份率，不惜誤導家長，惘顧家長和同學的利益，企圖制造更高的派第一志願的百份率。我唔排除黃大仙區的選校策略較為簡單，不過我就懷疑到今日都仍然重有人以此等數據來作分析。

說實話，如果你睇派第一志願的百份率，不是只有黃大仙區是高的，九龍城區有學校可以去到80幾%，我諗熟識這個派位機制的家長都知是那一回事。

我上面都有講，最實際都係睇區內升中人數，除開三份就知有幾多band 1生，再睇睇有幾多band 1學額，你都估到幾會有幾大。黃大仙區已經係好穩陣的校區，起碼唔會好似西貢區將軍澳的學生計極都唔夠派，又要諗點樣跨區才可獲得一席band 1學位。

你只需記住，最起碼你的選擇沒有錯，亦選了自己最喜歡的排列，亦都算係最正路，其餘只能寄望拿得一個好的派位號碼。第一志願獲派機會高是因為可用盡學校的學額，第二志願百份率低係因為可能已有人在第一志願已成功取得學位，你只能抽餘下的學位。派第二志願的百份率低並不表示你的機會低，因為大部份同學已在第一志願成功取得學位，亦有可能餘下未派位的同學數量已不多，亦有可能未派位的同學有其他的選擇。所以我話你睇派第幾志願的百份率只會令自己嚇自己。


你這個情形如果第一志願唔得，應該是餘下未派位的同學數量已不多，所以協和唔得，好大機會派去德愛，不是你這個選擇好大機會派去德愛。餘下還有很多升中的事情接踵而來，，孩子還要考呈分試、家長又得開始做portfolio啦、下載自行收生的報名表，小心填好交回，不一回又要等收信、應付面試，忙得不可開交，希望你睇完之後可以安心去應付餘下的工作！

HelloKitty

原帖由 ohnono 於 12-11-16 發表
我唔知點解你會有這個錯覺？我覺得你是被那些甚麼第一志願70幾80%的訊息誤導，所以有這個諗法。
我地係呢度 ...

好好的分析，多謝晒。
好彩，今年先至五年班，而家最重要是整靚張成績表。

onepiece

原帖由 ohnono 於 12-11-16 發表
我唔知點解你會有這個錯覺？我覺得你是被那些甚麼第一志願70幾80%的訊息誤導，所以有這個諗法。
我地係呢度 ...

可否解釋多D這句的意思＂為了抬高這個百份率，不惜誤導家長，惘顧家長和同學的利益，企圖制造更高的派第一志願的百份率＂如果不是有聯繫或直屬學校的小學，首志願百分比如何做手腳呢?

onepiece

原帖由 onepiece 於 12-11-16 發表
我相信係非常微。，假設協和佔全部band1位的20%，那麼只要有20%人首志願選協和，次志願選協和得的機會就係0 ...

唔好意思，我最初睇錯了，以為妳説：1. 保一，2. 協和..所以這樣答。

ohnono

onepiece 發表於 12-11-17 00:27
可否解釋多D這句的意思＂第一志願獲派機會高是因為可用盡學校的學額＂？可唔可以擧例講多小小？



...

機會高就是學校在整個升中收生程序中拿出來最多的一個階段。只要隨機號碼好，策略好，乙部第一輪抽已算是高。好像在黃大仙區，如果是band 1學生，如你又將德愛或可立這類學校放第一志願的話，你好大機會第一輪抽已經抽中了。不過如果德愛和可立都不是你的至愛都唔使怕，黃大仙區有著優厚條件，家長可盡情放你們喜愛的學校在第一位，就算唔中，你只要小心放好你的第二志願學校作保險，已萬無一失。第一志願獲派機會有幾高，不是已在第一志願命中率中反映出來嗎？至於區內第一志願命中率有幾高，這個你應該最清楚，你不是不斷在說這一區的第一志願命中率有幾高嗎！

onepiece

以免唔會，我想講多小小。我估ohnono 想提醒大家的是＂首志願%"可以好有bias ，亦唔好因為某間小學＂首志願%" 高而覺得某間小學成績好，在升中選志願時亦要小心理解及運用這個%（如果我誤解了ohnono的意思，請更正)。
這是正確的，對於＂首志願%＂的理解及使用，真的需要非常小心，當中主要bias有兩點：
1. 聯繫或直屬小學: 由於聯繫或直屬中學有保留位，而且要放首志願才可用，所以這些小學的首志願%會非常高。
2. 學校所寫的首志願%，好多時不單是乙部，好多時亦包了甲部，而甲部只有3個志願，而且多數會是首志願獲派，所以包括甲部會間接拉高首志願%。
知道這些bias 之後，我們在探討時就可不去看這些聯繫或直屬小學，以及扣除甲部的影響，e.g. 如果寫出來是80%,那真正在乙部的首志願%就大約是（100*0.8-10)/90=77.8%

一個區首志願%高不等於這個區就是好區，首志願%反映的是家長意願是＂集中＂還是＂平均＂，對家長的意義是次志願可以有幾進取。如果首志願%低，表示意願集中，那次志願就可填較好的學校；相反，首志願%高，就表示志願分散，次志願就要保守D，填較弱學校。我之前提這區首志願%高，是想講這區意願分散，於是次志願填協和機會很低，而保守D次志願填可立、德愛機會就會高D喇。

另一方面，區小，band1學校小，表示選擇小，但意思不是説band1學位不足。選擇小但學位也可以很足夠，只要在乙部抽的人小於乙部有的band1位就可以了。

HelloKitty

多謝大家的資料，非常詳盡