細B媽媽不要氣餒

bonboncat

我見到有些細B媽媽在forum中講到細B面試時的辛酸史，令我有感而發，想用過來人嘅身份同大家分享下我嘅感受。

今年我亞囡係以大B身份（0911）面試，見她in4間的表現也非常好，暫時已有2間K2嘅offer，真係感到好安慰。

回想上年年尾，我同佢報咗2間龍校2間村校，但因為佢當時係細B，in嘅時候表現一定不及大B，所以最終全軍覆沒，當時我都感到好氣餒，好唔開心，明明自己個囡唔係蠢嫁，點解會冇學校收嫁，又會怪自己做亞媽嘅做得唔夠好，冇教到佢smart啲，總之就有千千萬萬個罪名加響自己身上，為自己，為家人（老公）同小朋友加添不少壓力。

其實萬一今年做細B面試不理想也不要氣餒哦，大不了下年考K2，或用超大B身份再考K1，到時妳地就會睇到妳地亞B嘅優勢了。

細B媽媽們加油!

pc629

㩒住比人恰的感覺真係唔好受。大家繼續努力。

tra5212

真係只有細b媽媽先會明，我係1011細仔，今年都明知冇行，冇報龍校，只是報啲happy school,但去到in的時候真是發覺差好遠，明明都好醒，但同大仔一比始終都差啲啲，不過見多幾間，見到阿仔愈來愈進步，我都好開心，所以大家加油！

minna-no

Same same!

j947

其實中b好動男仔又係頭痛，冇經過N班訓練，入到課室唔坐，走去攞玩具，唔理老師，冇得再考多年
好在今日in民生，係英文同數字版出奇的坐定定聽老師指令(唔知係咪net老師我可以翻譯=出聲叫佢做)，阿仔坐定定做晒我當賺左架啦

bonboncat

我亞囡上年同今年都有in民生，

上年老師問佢顏色同英文字母，佢答錯咗9成（其實有啲明明識但佢都答錯）

今年老師問佢顔色，英文字母同數字，toal問咗廿幾個，佢答中晒

差一年分別真係好大嫁!!!

bonboncat

tra5212 發表於 12-11-11 01:06
真係只有細b媽媽先會明，我係1011細仔，今年都明知冇行，冇報龍校，只是報啲happy school,但去到in的時候真 ...

其實只係年齡嘅問題，所以唔洗唔開心!

pigbear702

我阿仔都係10/11，發覺差幾個月真係唔同架，我記得媽咪安慰我講笑咁話，人地bb唔好講叻唔叻，起碼都食多你個仔半年飯，加油呀，細b們

mamapapa1013

原帖由 pigbear702 於 12-11-11 發表
我阿仔都係10/11，發覺差幾個月真係唔同架，我記得媽咪安慰我講笑咁話，人地bb唔好講叻唔叻，起碼都食多你 ...

kehkeh

thank you

takuprio

多謝分享! 我大女係1月大B, 細女係12月細B, 真係好大分別!
幸好細女已有PN offer可以一月插班, 所以今年冇乜點報K1, 諗住直升先, 出年至報d心儀學校, 考到就repeat K1
總算叫做多一個選擇, 反而宜家d中B變晒細B, repeat又唔得, 仲煩呀!

ashleycece

係喎，我囡中b，有苦自己知

小小山

我都有個細b in k1, in 到你哭笑不得, 應該全軍覆沒. (未出result)
總之大家加油, take it easy !

阿早!

我果都係超細B， 覺得最辛苦係搵插班N， 搵到了有了BACKUP心情就輕鬆好多， 做大做細就睇下佢考到邊間。

好有問題

我果個都係細b，in左3間，3間都做到哂指令，但係唔代表會收，因為幾千人in得幾十個位，不過我已經好安慰

comi

完全同意呀, 真係只有做細B的父母先真正感受到呀,我囡都係1210 超細B, 都係向現實低頭啦.

pc629

咁歧視同不公的現實，遲早攪到7-12月出生率下降。

Tatyi

我大女細女都係一個十一月，一個十二月出世嘅BB!第一年同第二年表現天裫之別所以我兩女都後一年致讀，做曬大B！有時BB發展係未到嗰個階段就係未到！所以唔係唔得，係未係時候啫！冇謂要佢哋跟同年年頭一齊，佢哋會自信心降低，我哋又教得辛苦啫

man_0702

我仔仔10年11月，本身想報13年N班超大仔，點知幾間都唔比我甘做，咪村校私校in左6間K1，5間收左，我個心定哂，如果真係追唔上先repeat K，如果跟得到就比佢直上。

feiji

原帖由 pc629 於 12-11-12 發表
咁歧視同不公的現實，遲早攪到7-12月出生率下降。

其實留意番香港教育史，原本小孩就是該足六歲後的學年才入小學的，但後來80年代政府把這年齡放寬至五歲八個月，以給家長一些彈性。而幼稚園則於2001年才把入學年齡由3歲放寬為2歲8個月。小學課程的設計由此至終，都是為足六歳以上的孩子設計，更何況近年小學的課程愈教愈深？所以其實做大仔只是適齡入學而已，並不是故意遲一年讀書，反而做細仔則是比原來設計早了讀書。所以其實唔可以話學校歧視，不嬲好多資深小學校長都話應該足齡入學，只不過自從政府當時放寬了年齡限制，香港的家長都心急地想小朋友早些上學。學校揀小朋友，通常只看面試表現，咁係好合理㗎喎。

如果大家多找一些相關的硏究來看，可知道大部分教育家都認為足齡入學對小朋友長期發展較好，甚至政府亦有專家建議過提高番入學年齡為六歲，不過由於影響較大，所以最後決定繼續保留此彈性予家長。這樣也好，如果有個別孩子特別早熟（尤其女孩），家長可讓他們早些入學。但如果小朋友不是超級早熟，為什麼家長要咁心急？